صرعة البلاك بيري

[حلوات الاهداب]

الكبار خذوه قبل الصغار ...
حريم فوق الاربعين عندهن ومدمنات بعد حاليا ما يخصه
انا بصراحه ما عندي ولا افكر اشتريه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هيبة ملكه]

هههههههههههههههههههههههه

ام ربيعتي عندها بلاك بيري .. وعايشه حياتها لووول

خلي عنج هالهالوسه وعيشي حياتج .. بس مب اتعدين خطوط الصفر والحمر ..

هههههههههههههه فديتك الفراشه وربي انتي فراشة الامارات كلها يالغلا
لا الا الخطوط الحمر والصفر والخضر حتى الزرق مستحيل اعديها
لأني عارفه انا الخسرانه لو عديتهم

فديتك تسلمييين عالمرور

[هيبة ملكه]

لا حبيبتي ما يخصه
بالعكس حلوة الوحده يوم اتم بنوته صغيره حتى لو كان عمرها 35
وفي بنات وايد اعمارهم 18 و 17 بس يحبون يكبرون عمارهم
وعن موضوع البلاك بيري مب شرط الوحده تاخذه عشان سوالف بطاليه
انا معرسه وعندي ولد وعمري 23 عندي بلاك بيري بس للاهل يعني حلوو بس عكس الوحده يوم معرسه وعندها عيال وقابضه البلاك بيري 24 ساعه ترمس ناس ما تعرفهم هالشي انا ما اايده

والسموحه منج حبيبتي

اي والله صدقتي يااختي في بنات انا اعرفهم شخصياً مكبرات اعمارهن بقوه
عمرها مايتجاوز 18 او 17 بس لو تشوفيها كأنها حرمه بالسبعين
لا مو قصة سوالف بطاليه بس في ناس ينظرون له على انه حق مراهين يهال مو حق كبار
يعني لو يشوفون حرمه تضحك على نكته راسلينها لها وجي يقولون يوووه هذي مره كبيره وش لها بالنكت وهالسوالف

وانتي صغيره ماشاء الله بس احس الناس من تكبر الوحده عن الثلاثين ينظرون لها انها غجوز

ذا اللي اشوفه بمجتمعنا

عالعموم نورتي اختي سنيوره ومشكوره يالغاليه عالمرور
والله يحفضك لاهلك ويخلي ولدك

[هيبة ملكه]

انا اشووف عااااااااادي البلاك بيري الكل يستخدمه كبير وصغير


خخخخخخ خلي عنج هالتفكير وعيشي حياتج

ياعمري اختيه فديتج وربي انك توسعين الصـدر
ههههههههههه الله يسلمك اختك معقده تفكيرها بعيداً عنك كله بالعمر واذا صرت عجوزه وش بيصير ووش مابيصير

وتسلمين الغاليه عالمرور الرائع

[هيبة ملكه]

مع مرور الوقت يتغير طباع الشخص مثلا انتي في سن المراهقة و تحبين ها الأشياء بعد سنين أو شهور بتحسين إن
ها الأشياء سخيفة .........

وبعدين مب حلوة تتمنين إنج توقفين فها العمر في أشياء تنحرمين فيها فمثلا ربيعاتج بيكبرون و ما بتحصلين أحد على سنج بتحسين نفسج غريبة عن ها العالم
لا حول ولا قوة إلا بالله

اي والله صدقتي اختي mire77 بس وش اسوي بحالي
حتى امي تقول ان انا افكر بأشيا مالها داعي ودوم تطفش مني اذا تكلمت بهالمواضيع

تسلمين اختي عالمرور المتميز

[هيبة ملكه]

عاادي فديتج مافيها شي
بس المهم الواحد يستخدمه صح يعني عشان مثل ماقلتي يقولون كبيره ولازم تكون قدوه
اعرف حريم فالخمسين يدشن مسن ويسولفن يت ع البي بي ههههه

هههههههههههههههههه وربي حتى انا اشوف ناس كبار ويسولفون عالبي بي بس بنفس الوقت اسمع ناس ينتقدونهم ويقولون انهم كبروا على هالسوالف والمفروض يكونون على سجادتهم ومايتركون القرآن ويتركون هالأشياء للصغاريه عشان كذا اثرت فيني هالنقطه وحطيت روحي مكانهم وان لو كنت بهالعمر ومسكت جوال آخر موديل وش ممكن الناس تقول عني

وتسلمين اختي GAL GIRL عالمرور الحلو يالغاليه

[هيبة ملكه]

العمر مب مقيـــاس اختي

الانسان اذا عجوز تراه عجوز من داخلـــه

انتي حافظي على صحتج وغذي روحج بكتاب الله

ودوم فكري بايجابيـــة

وماتعرفين هل بتوصلين هالعمر أم لا

عيشي زمانج اختي واستانسي فيما يرضي الله

وخلي هم الغد للغد ^^

ياعمري انتي يا اختي وربي ردك يبرررد عالخاطر
اي والله صدقتي بكل حرف بس وش تسوين مع وحده متنحه مثلي ودوم تفكر باشياء مالها معنى
هههههههه
ومثل ماقلتي ما اعرف بوصل الى هالعمر او لا لأن محد ضامن عمره

مشكووووووره يالغاليه bellegirl عالمرور المتميز
نورتي الصفحه

[هيبة ملكه]

مايخصه في العمر
كل الفئة تستعمله حسب احتياجاتها

اي والله يا اختي ريم
بس الناس مدري كيف صايرين من تكبر البنت شوي قالوا عنها عجوز وما يناسبها
وكل شي لحق المراهقين
عشان كذا خايفه اكبر

عالعموم مشكوره عالمرور والرد يالغلا

[هيبة ملكه]

بشكل عام أنا ضد هالتلفون وخاصة يعطي نظره سيئة جداً لحامل هالتلفون سواء رجل او امرأه مع احترامي للكل لان هالتلفون معروف لشو استخدامه والمشكلة الاكبر ان في ناس مايخصهم بالغلط لكن يخلي غيره يشك بأخلاقه لكثرة سوء استخدامه

وجهة نظرك واحترمها اختي انثويه
بس وربي اصابعك مو سوا

وتسلمين عالمرور يالغاليه
نورتي

[هيبة ملكه]

عيشي حياتج ......لان كل عمر له لذته واصلا تصرفاتج تتغير كل ما تدخلين عمر معين ...ولا ضيعين نفسج باالهواجس ههههه

يافديتك اختي طلوع
بس المشكله ماااااحس نفسي اكبر والكل يقول تصرفاتي كني بنت 10 سنين
تخيلي للحين احب العب مع اليهال واذا شافوني الاهل يقولون انا ماعمري بكبر وطول عمري ببقى يهالوه هههههههههه

وتسلمين يالغلا عالمرور الحلو

[هيبة ملكه]

هههه عادي شوالمشكله...!! ترا الدنيا حلوه..

اي والله ياختي نجمة الفجر الدنيا حلوه بس لولا تفكيري الغريب العجيب ههههههههه

مشكوووره يالغاليه عالمرور

[هيبة ملكه]

تسلمين اختي زهره على مرورك لموضوعي

[هيبة ملكه]

عاادي

2 من حريم عمومي عندهن بلاك بيري وحده اكبر من ابويه يعني يمكن 48 سنه

و الثانيه فديتها 31 سنه صغيرة

و الحين اقنع امايه تاخذ واحد لانه كل ربيعاتها عندهن هههههههههه

مافيها شي فديتج عااادي جدا جدا

هههههههه اي والله هو عادي بس ديرتنا الله يهديهم يشوفونه عيب عند الكبار
عسى الله يحفضك لاهلك ويخلي لك امك ويخليك لها

وتسلمين عالمرور يالغاليه

[هيبة ملكه]

البلاك بيري ما يخصه بالعمر اعرف حريم عيالهم امعرسين وعندهم بي بي عادي ..

والبي البي هذا مثله مثل اي جهاز تقدرين تستخدمينه صح وتقدرين تستخدمينه غلط يعني على حسب تفكير الشخص ..

وبالنسبه للعمر الغلا عيشي حياتج فيما يرضي الله بترتاحين والحمد لله كل فتره من عمرج بتكون لها لذه خاصه ..

اي والله كلامك صحيح يالغاليه ومثل ماقلتي مثله مثل اي جهاز بس البلا لاصرتي ببلد كل شي جديد يعارضونه
وكل شي جديد يقولون عنه حق مراهقين وماينفع للكبار وبعد فتره تلقين الكل عنده كبير وصغير
فديتك اختي ام حصه وتسلمين عالمرور
والله يخلي لك حصه ويخليك لها

[هيبة ملكه]

عادي مافيها امي عمرها ع نهايت 30 عندها انا اللى اشتريت لها هديه ^_^ وضايفه ربيعاتها عيشي حياتج

هههههه الله يطول بعمر الوالده ويخليها لك يالغاليه
تسلمين اختي عالرد الحلو والمرور الرائع