اربيعتي

[أمـ الحلويـن]

الغوالي اكتب لكم معاناتي مع اربيعتي
اولا هي اربيعتي من ايام المدارس بس تبون الصدق قلبي ما يرتاح لها
والسبب
1 - جذابه ولا حد يقولي لا تظلميها والله حبل الجذب اقصير وااايد استوالي هالموقف وياها
2 - تتسلف وما اترد لي افلوسي الا بالمذله
3 - والله ما اجذب والله شاهد ان اليوم سرقت مني رصيد وانا شكيت فيها ان قالت لي ان ما عندها رصيد وشلت موبايلي وردته حقي وقامت اطرش مسجات وانا راده البيت شيكت ع السجل ولقيت مسج من الاتصالات بنفس الساعه
4 - واااااايد تشحت مني ملابس واكسسوارات وحتى القمصان نوم تاخذ من عندي وتصدقون كل ما اترد لي اكسسواراتي لازم شي خربان دوووم اطيح الفصوص من الخواتم وانا ما اقولها شي ويوم انا اخذ من عندها شي ويستوي شي بسيط تاكلني والله
5 - مره خذت منها عباه ولبستها مره ويوم رديها كانت امكوايه وفيها علامات الكوي مالت طاولات الكوي اعتقد فهمتوا قصدي وانا ما عندي طاوله الكوي والله طاحت فيني طيحه قلت لها ان ما عندي طاوله الكوي واكيد شغالج اللي كاوتنها بطاولتكم بس طوفت وقلت الله فوق
6 - واااااايد تضرب اعيالي وحتى لدرجه ان يخافون منها
7 - يوم اسير بيتهم تتامر على شغالتي وشغالتها مستريحه
8 يوم اتيي بيتي ما اتيب الشغاله عندها ويعفسون اعيالها بيتي وشغالتي اللي اترتب وحتى يوم انا اكون عندها وعيالي يعفسون شغالتي اللي تخدم ومسكينه دوووووم تشتكيلي تقول كل تتامر علي وشغالتها قاعده وانا شغالتي اتهمني الصراحه
9 - وكل ما نطلب من المطعم او الدكان او شييوم يكون بيزات ما اتكفي تاخذ من عندي
شوووووووووووو الحللللل بنات ساعدوني لا حد يقولي هديها ترا بيتنا الباب بالباب وصعبه علي اهدها
بنات عطوني حللللللول ؟؟؟؟
بلييييييييييز حطو مكانكم بمكاني

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[đł3.šтчłıšн]

حشى مب ربيعه . .


حبوبه حاولي تبتعدي عنها

[* ام خماس *]

الله المستعاان00عزيزتي كل انساان معرض للموااقف هااذي

من اصدقاااءه 00صاارحيهاا يعني انتي متضاايجه من تصرفاتهااا وسااكته

اشدراهاا انج تتضايجين منهااا00قوليلهااا بحزتهااا عسب تعرف وتغير

من تصرفاتهاااا00انتي اكيد ما تبين تخسرينهااا كلميهاا بالطيب والتفااهم

الكلمه الحلوة والصاادقه توصل للقلب حبوبه0

الله يهدي النفوس ويديم المحبه امبينكم عنووني

[دلوعه فزاع]

ابصراحه الله يعينج

[اخت بوحميد]

والله لونى مكانج
لوقول له يافلانه كل شي له حدوود
كل واحد يلتزم بحدوووده حق شوة تضرب عيالج
وخدامه قاعده ليششش
اسمعى غناتى الطيب لى فيج وقفيه وقولى له يافلانه كلن يحترم نفسه
واى شي تسوى غلط قولى له فالووووووووووووووويه قولى امسكى اعيالج خليهم محترمييين حتى لو يهال يعرفونالاحترام


انا كل شي لى ولدي محد يظربه ولا يصرخ عليه حتى ابوه ياويلي لو انا مكانج يمكن اقول له فالويه لعاد اطبيين بيتى ؟؟

[أم فطوم2010]

وقفيها عند حدها إذا طلبت منك شي مرة ثانية قولي لها ما عندك شوي شوي بتبطل صديها قدر المستطاع

[مربوشة دبي]

الصراحه ماروم انصحج لاني لو كنت فنفس موقفج مابعرف شو بسوي بس الله يعينج عليهاااا

[عيناوويه]

لو منج ما بسكت لدرجة اتمد ايدها ع عيالج
لاتسكتين ...بتندمين

[بنت الإمارات~]

حشى \
.؟؟؟؟

[ام مهوووره]

خليها تلزم حدودها

[بنت الوكري]

انتي اذا تميتي معاها صدقيني بتفتقرين ولا بتيلج حاله نفسيه هههههههه

طبعا امزح الله يهديها يارب
وبعدين شكلج انتي واايد طيبه وانتي علمتيها كيف تتمادى وتستغلج .. حاولي تبتعدين عنها ولكن لا تقطعينها

[8نوف8]

الله المستعان

[حبوبةالطايفة]

[img]http://up1.*****.com/2010/04/VBq44245.gif[/img]

[ايفا]

سبحان الله وبحمده

[كرزه11]

وبعدين شكلج انتي واايد طيبه وانتي علمتيها كيف تتمادى وتستغلج

من اليوم ابد ما اتسلفيها
حاولي تبتعدين عنها وقليل الاحتكاك معها
تذكري انتى (بطيبتج الزايده) علمتيها تتمادى وما تحترمج غيرى معاماتج وشوفى كيف بتصطلب