~ حـلـــــــــــــمـ ~

[0 ام راشد 0]

بسم الله الرحمن الرحيم

السلام عليكم جميعا

بنات انا حلمت حلم امظايقني وخاايفه

حلمت انه ثعباان لدغني وجي بنابه قطع من لحم يدي ( الكف ) قطعتين لحم وكان لون الثعبان بني وبيج جي سالت خالتي قالت ها عدو وقرييب دام انه ثعبان يعني حد قريب منج وبيظرج يا بالفعل ولا بالكلام واحذري هاليوومين انا مول مو ناقصه شي بعد يطلع لي هالحلم والله من نشيت وانا متظايقه للحين بنات قولوولي صدق جي تفسير الحلم وكيف اتفاادى الظرر بنات خااايفه والله

الله يخليكم طمنوني

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت حوا]

ان شااااء الله خير
للرفع

[كلي هيبه]

ان شاء الله خير اختي..
لو تسألين مفسر..
كان عندي رقم واحد شااطر يفسر بس الحين من شه اطرش له وما توصله الرسايل..
شكله كنسل الرقم..><

[فيونكه ورديه]

عسى ان يكون خير ان شاءالله

ولاتخافين من شي عليج بالرقيه وسورة البقره

وربي يحفظج من كل شر يارب ..

[0 ام راشد 0]

مشكورين ما قصرتوو امين يارب

[أم فلونه]

اي حلم مب خير لاتفسير اختي

سيري الحمام سولفي الحلم بالحمام واسحبي عليه السيفون وانسي ولاتطلبين تفسيره

وصدقني مابيضرج شي مع سوره البقره اقريها هالاياام وانسي

هذه وصفه شيخ قالها في التي في قال اللي يشوف حلم مايسره جي يسووي وان شااءلله مايضره شي

ايااج تفسيرين حلم مب زين لا ن شو يتفسر يحصل انتبهي

سكري السالفه ابرك وارقي عمرج وخلص

[عاشقة اليمن]

الاحلام ايلي زي كذه لاتقولينها لحد


احسن ولاتفسرينها بعد وان شا ءالله ياارب الله يحميش من كل حااسد

[دانة الغربية]

ادعي ربج
وما يرد القضاء الا الدعاء

[0 ام راشد 0]

يزااكم الله خير حباايبي ما قصرتوووو

[زمان الوصل]

مب زين تطرين الحلم وخصه لوو مب زين
كان المفروض اول ما نشيتي من الحلم تنفثين ع كتفج اليسار وتتعودين من ابليس وتقرين الدعاا


بس بشكل عام اناا ما ابغي اخوفج بس الثعبان عدوو
ودامه عضج بنابه يعني بيضرج



بس ان شاء الله الي الله كاتبه بيصير انتي استغفري واتقربي من الله وان شاء الله ما بيضرج شي



لا تفكرين بالحلم
انسيه وان شاء الله ما عليج شر

[حلوات الاهداب]

الغاليه اذكري الله ...
انا مثلج دوم احلام وتضيج علي بس صدقيني اي حلم يضيج عليج فمن الشيطان ...

[احلى سمراء]

ان شاء الله خير

[عضوةUAE]

الغاليه السلام عليكم..

حبوبه انتي حاولي تفسرينه وقولي كله خير.
.لو تبين رقم مفسر بطرشلج..

[ام مـ2003ـايد]

انا شرات الخوات

اقولج اي حلم لا تفسرينه عند اي حد مهما كان الا لو عند مفسر وثققققققققققققه

وبعدين شي معلومه حاطينها فبالنا ان الثعبان بالحلم هو العدو

بس طلع مب ها التفسير فقط

قد يكون الغيره او النساء او كذا شي

المهم ماعليج انتي تعوذي من ابليس وتوكلي ع ربج والله ياما حلمت احلام مب مخيفه الا مرعببببببببببببببه وتم افكر فيها وايد لكن احينه اتجاهل وتوكل ع ربي وقول ان شاءالله خييررر

الله يوفقج حبيبتي وربي يبعد عنا جميعا كل شر

[النجمةاللامعة]

عزيزتي عليك بأذكار الصباح والمساء وقراءة سورة البقرة
ولا تسألي عن تفسير الحلم وان شاء الله خير