بتخبلبي دكتورتي ..!!

**الدبه** · 2010-06-09, 00:34

بنات يوم السبت ييت من عند الدكتوره ..قالت لي 12 اسبوع يعني 3 شهور ...يعني الحين ادش الرابع ؟؟؟ انزين ردت وقالت كل تاريخ 18 ادشين شهرج o.O كيف جيه الحين انا اي شهر ومره تاريخ ولادتي 22-12 ومره 18-12 ...شو السالفه

المزيد من آخر المواضيع من نفس القسم:

**دلووعتهم** · 2010-06-09, 00:47

شوفيييييييييييييييييلج غيرهاااا

**أنا وحبيبي** · 2010-06-09, 00:48

ما اعرف شو اقولج حبيبتي بس يمكن الدكتورة بروحها متلخبطة لانها تحسب متى كان موعد اخر دورة وبعدين يعطيها السونار موعد ثاني على حسب حجم الجنين ونموه
وانا نفس الشي عطتني موعد 15 -11 على حسب موعد الدورة و 2-12 على حسب السونار وانا اقول السونار صح لأن الجماع بيني وبين ريلي صار بعد اسبوعين من موعد الدورة يعني الموعد الاول غلط

**الدبه** · 2010-06-09, 00:51

والله ماندرا بها بعدين لان حملي متاخر احسها مب مركزه وياي

**شيمـا** · 2010-06-09, 08:25

انتي قلتي ان الدكتورة مره تقولج 18/12 ومره 22/12

أنا شراتج قالت لي ولادتج 26/8 وعقب قالت لي يمكن ولادتج تكون 16/8 لأنه شويه حجم البيبي زايد

وقالت لي طبيعي عند كل حامل لو الولادة تجدمت أسبوع أو تأخرت أسبوع

أما اذا أكثر من اسبوع عقب لازم تسألين كيف وليش!

فلا تحاتين حبيبتي

::

واذا تبين تعرفين كل كم تدخلين شهر يديد ..

تحسبين متى خلصت دورتج .. تاريخ كم؟

يعني انا خلصت دورتي تاريخ 26/11

فـ 26 من كل شهر ادخل شهر يديد

فهمتي الحينه =)

::

الله يثبت حملج ... ويسهل عليج..

وتفرحين بشوفة البيبي ان شاءالله

**مبتسمةمتفائلة** · 2010-06-09, 08:29

الغلا ما تفرق ايام لام موعد الولادة اللى بتعطية الدكتورة بيكون تقريبي المهم انه غضون الاسبوع و اساسا الولادة بتكون تسهيل من رب العالمين و في التاسع بتابعج كل اسبوع و بيعتمد على حالة الجنين

**أم حـ م ـد** · 2010-06-09, 08:47

حبيت ارفع الموضوع
والله يرزقني ويرزق كل محرومه يارب

**مرافئ صمت** · 2010-06-09, 09:06

عادي حبيبتي .. شو الفرق بين 22 ولا 18

الا ايام

ومحد يعرف متى موعد الولادة الا رب العالمين

الله يتمم حملج على خير

**بنت المرحوم** · 2010-06-09, 09:43

عيل انا شو اقوووول انا تاريخ 29 -9 بدخل التاسع اول مره عطوني موعد الولاده 30 -10 وعقب عطوني 11 -11 يعني معقووووووووله بتم اكثر عن شهر ونص بعد التاسع وانا اصلا مب بجريه
احس رمسة الدكاتره كله خريط وكل شي بيد رب العالمين

**Mįşš●Ċlaśŝįč** · 2010-06-09, 11:01

حبيبتي
انتي سويتي مثلي باول حمل لي
انتي تحسبين بالاسابيع وهالشئ غلط
المفروض تحسبين بالتاريخ من شهر لشهر
يعني الدكتورة دام قالت لج انتي كل 18 تدخلين شهر يديد وبس
لا تحسبين بالاسابيع
الاسابيع الدكتورة اللي تحسب بس..ما يتعاملون مع التاريخ الشهري
ان شاء الله فهمتي علي
يعني انا الحين موعد ولادتي 2 من اكتوبر
خلاص كل تاريخ 2 من كل شهر ادش شهر يديد

ان شاء الله افدتج حبيبتي

**زعفرانة أصيلة** · 2010-06-09, 14:04

اول 4 شهور جي لين تدشين الخامس ان شاء الله بيبين عدل

وبعدين انتي ادرى بموعد دورتج احسبي وشوفي

الله يسرلج

**الدبه** · 2010-06-09, 15:11

ماشاء الله عليكن اغلبكن شراتي ...يالله يسهل علينا يارب ..

**وفية حق زوجي** · 2010-06-09, 17:22

أختي .. السونار أحسه صح ونفس تاريخ السونار كل شهر بتدخلين شهر يديد ..
يعني أنا السونار يقول 28نوفمبر وكل تاريخ 28 من كل شهر أدخل شهر يديد ..وبعد في دكاترة يحسبون من حجم راس البيبي فالسونار فطبعاً بيكون أقل بأيام تقريباً .. بس الأصح السونار لأني رحت عن دكتورتين عسب المسافة وطلع لي نفس التاريخ 28 نوفمبر وكل مرة نفسه ما يتغير مهما كبر طفلي فديته .
والله يحفظ كل جنين وأم انشالله ويسهل ع الجميع ..

**الدبه** · 2010-06-09, 17:28

امين

**princess uAe** · 2010-06-09, 20:12

الغالية اعتقد صح حاسبتلج الدكتورة لأن بعد الاسبوع الثالث عشر راح ادشين الرابع والحين انتي على اخر الثالث انا هاللي اعرفه

الموضوع: بتخبلبي دكتورتي ..!!

أدوات الموضوع

عرض

العرض المتطور

بتخبلبي دكتورتي ..!!

المزيد من آخر المواضيع من نفس القسم:

المواضيع المتشابهه

صدمتني ??دكتورتي وقالتلي ماي الجنين معكر

تعاالوا بخبركم شو قالت لي دكتورتي عن تسمين الجنين

مستغربه من دكتورتي؟؟؟

خواتي سألت دكتورتي عن الاورنامين سي وقالتلي ..............

دكتورتي بتكون مسافره في موعد ولادتي... شو الحل؟؟؟؟؟ :(