آسف انا في جيتي لـك تسرعـت///ظنيت الاقـي فيـك شـيٍ فقدتـه

**القـــاسيه** · 2005-10-22, 22:39

آسف انا في جيتي لـك تسرعـت///ظنيت الاقـي فيـك شـيٍ فقدتـه

كنت احسبك مجروح مثلي تولعـت///جربت فرقى شخص قلبـك وهبتـه

كنت احسبك من مر جرحك تجرعت///حبيت فيك احساس طفـلٍ لمحتـه

لوقلت آآآه بوسط روحي توجعـت///ولو شفت دمعاتك شعوري سكبتـه

ولو تطلب اعيوني ابد ما تمنعـت///واعطيك قلبي لو بعد مـا طلبتـه

وصلت بك..... اعلى مكان وتربعت///وفي قلب غيري ياالغضي ماوصلته

واصبر على صدك واشوفك تدلعـت///واعطيك ود ومـا اظنـك حسبتـه

اذهلتني بطباعك اللـي ...تطبعـت///حتى قصيدي فيك ابد مـا فهمتـه

لو كان غاياتك حروفي فانا بعـت///وافرح بجرح الشاعر الي جرحتـه

وأرجوك من صدك تراني تشبعـت///خلك مع اللي عاجبـك او عجبتـه

يكفي قهر في جيتي لك تواضعـت///تركت غيرك لجـل عينـك وبعتـه

ياليتني عـن حـب مثلك..ترفعـت///ياليت قلبي قبـل اعرفـك دفنتـه

لكن اب ابعد دامني بـك توهقـت///الله يرحـم حبنـا اللـي ذبحـتـه

انا شريت الود والحين انـا بعـت///وانا عطيتك قلبـي اللـي قهرتـه

في يوم جيتك اطلبـك ود واقنعـت///نفسي بانك شخص عادي عرفته

كمل حياتك مثل مـا انـا توقعـت///تبقى اسير الماضي الـي فرضتـه

ولا يحزنك اني غلطان وتراجعـت///حولك بدالي ألف شخـصٍ عجبتـه

اما انا لا يمكن اخضـع ولا طعـت///يحرم علي اعطيـك قلـبٍ خذلتـه

باريّحك من شوفتي يـوم قاطعـت///اسلوبك اللي بـة تجامـل كرهتـه

غلطان يا المقفي انا مـا تتبعـت///غيري يتابع خطوتـي مـا تبعتـه

ما ينحني راسي لو انـي تقطعـت///وما هو بنا من لا رميتـه لقطتـه

وان كان غرك حكي عذالي وطعـت///الله يعلـم كيـف قلبـي سكنـتـه

اللي ملا قلبـك علـي وتسمعـت///خله يعوض شخص مثلي خسرتـه

انـا بمـا فيـة الكفايـة تولعـت///واللي بقى من قلب فينـي حرقتـه

وان شفتني صدفة بعينك تطلعـت///ذكرتني با نسـان غالـي فقدتـه

باول لقا سلمتة احساسي وضعـت///غلطت حياتي يـوم قلبـي سلبتـه

واستسمحك ف البعد كاني تراجعت///ما عاد ابلقـى فيـك شـي فقدتـه

طبعك مثل غيرك وطبعي كما كنـت///احب شخـص ولا تركته...تركتـه

منقوووووووووووووول للأمانه

المزيد من آخر المواضيع من نفس القسم:

**عالية المقـام** · 2005-10-22, 23:32

صح لسااااااااااااان من قصد ..

تسلمييييييييييييين اختي ع هالقصيده الراقيه في اسلووبها ^_^ ..

مشكووره

**روح البداوه** · 2005-10-23, 08:25

يسلم اللي كاتبنها

و اللي ناقلنها
و نتريا المشاركات اليايه ان شاء الله

**صدى حنيني** · 2005-10-23, 14:33

مشكورة عالنقل المميز ...

**ظبية بوظبي** · 2005-10-24, 02:24

تسلمين الغاليه على هالاختيار الموفق
وتسلم يمين اللي كتبها بصراحه قصيده ولا اروع
وماشاء الله عليج يا القاسيه ....كل قصيده تحطينها احلا من الثانيه ونحن فى انتظار مشاركاتج المتميزه دوووم

**فطيم** · 2005-10-24, 04:52

تسلمين علي القصيده الجميله و تقبلي مروري

**القـــاسيه** · 2005-10-24, 11:45

تسلمن

**الفلاسيه** · 2005-11-10, 00:31

صح لسان الشاعر وبيض الله ويهج على النقل ولو بتحطيلنا اس الشاعر بتكونين كفيتي ووفيتي

**درة الإمارات** · 2005-11-10, 18:16

بصراحة قصيدة رائعه تدل على صدق مشاعر كاتبها وذوق من نقلها لنا
تسلمين على هذا الذوق وهذا النقل الرائع
وننتظر المزيد
تحياتي ودعواتي الصادقة لكِ

**منى الحمادي** · 2005-12-01, 01:47

سلم القائل والناقل

**عجيد الريم** · 2006-01-14, 04:03

ماشالله ماشالله رهييييييييبه هالقصيده وقووووووووووويه:1 (32): ...

تسلمين اختي وماتقصريييييييييييييييييين على هالنقل والأختيار الرائع

اختج::عجيد الريم

**واثقة الخطى** · 2006-01-15, 17:07

المشاركة الأصلية كتبت بواسطة روح البداوه

يسلم اللي كاتبنها

و اللي ناقلنها
و نتريا المشاركات اليايه ان شاء الله

**القطوة** · 2006-06-29, 15:06

مشكورة عالنقل المميز ...

الموضوع: آسف انا في جيتي لـك تسرعـت///ظنيت الاقـي فيـك شـيٍ فقدتـه

أدوات الموضوع

عرض

آسف انا في جيتي لـك تسرعـت///ظنيت الاقـي فيـك شـيٍ فقدتـه

المزيد من آخر المواضيع من نفس القسم:

المواضيع المتشابهه

وين الاقـي الشباصات الي مسكتهن شفافه ..

آسف انا في حبي لـك تسرعـت .. .ظنيت الاقـي فيـك شـيٍ فقدتـه

:: يا قبر أعز إنسان غالي رقد فيـك ::

يا قبر أعز إنسان غالي رقد فيـك