غرفة الولادة

[شيطونة]

خواتي
صاحبت الموضوع سألت شو راينا في الحرمة
هب شو راينا اذا يدخل الريال أو لأ

راي انها انسانة قريبة من زوجها وعشان جيه تباه معاها
عادي ما فيها شي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[Mįşš●Ċlaśŝįč]

لا صراحة بالمرة ما أنصح وجود الزوج
مع اني كنت من المؤيدين
انا ريلي دش معاي باول ولادة وواله تعقد
يقولي ما فكرت انج بتحملين مرة ثانية عقب اللي سمعته وشفته
اهو ما شافنا وقت الولادة لآني اكيد متغطية
بس طول الوقت كان عند راسي وكان تعبان نفسيا
فمنها ماقام يدش ولا اخليه
يكفي امي او اختي حوالي مب العيلة كلها تطالع

[خلودxx]

انا بصراحه مع وضد...يعني حسب الريال...اذا قال ما أريد.....فهذا يكون احسن له ولها....بالنسبالي....ريلي هو ما بغا يدخل ....قالي ما احب اشوفج تويعين وان ما اقدر اسويلج شي....

خلود

[miss kash5a]

على حسب طبيعة الرياييل واذا هو يبا يدش ولا لأ

[دانوووه]

نصيحة ادخون الريال غرفة الولادة بتلوع جبدة وبينفر من حرمته

[عالية المعالي]

عادي ما فيها شي

احسن واااااااايد انه يكون وياج اليين قبل ما يطلع الراس

يفضل خروووجه من الغرفه حتى يبشروونه بولادة المولوود


شوه الفايده؟


الفايده الله يسلمج انه بيحس بمعاناتج وتعبج .. وبيحن عليييج اكثر واكثر

ما بيقول ما عليها شر هكيه ربت ونشت .. ما تعول خخخخخخخخخخخخخخخ

[دلووعتهم]

فووووووووووووووووووق

[umsalem7]

ما احبذ الريال يدخل غرفة الولادة....ابدا...

[كعبيه غير]

اللي ريلهاا يقز لا تدخله وياهااا ولي عادي شو المشكله خله يدخل انا ريلي ما يحب هالسوالف يخاااف ييلس يتؤياني لين اولد من اربي خلاص يدخل طبعاا يكون كلشي خلص ههههه

[دبـــــي]

انا مب معرسه بس ريل اختي دخل وياها وزين انه دخل لان محد رام عليها غيره بس الافضل انه يتم عن راسها
لان الريال لو جاف الياهل وهو يظهر وجاف الدم بيعوف حرمته وهالشي بيادي للطلاق

[Alnoon]

[um_shahd]

ها الشي شخصي راجع لزوجين .. دام الرضاء من الطرفين .. احس مالنا راي
هذا بخصوص رايي ..
..
انا ريلي حضر ولاداتي بعيالي الاثنينه وتم وياي لاخر لحظه ماشقت منه اي شي غير زياده الرحمه حتى عيالي يوم يعصبون فيني يقلهم بس لو تعرف امك اشكثر تعبت وشافت الموت فيج ..
وانا احب الريال الي يساند حرمته ويوقف وياهاا دووووم
وسوالف ريال شاف حرمته وطلقهاا وشاف حرمته جز منهاا احسهاا سوالف ماتدخل الراس
ليش شو شااااااااف؟؟ ..
بس انا ضد الحرمه تغصب ريلهاا انه يدخل .. تخليه براحته

[AmOoOna7]

انا من رايي انه يدش يشوف العذاب
انا ريلي دخل لين مابدا الطلق فيني كذب علي اونه بروح اييب عصير اخرطي راح مارد
بس عقب الولاده يخبروني انه طلع برع تم يصيح
بس حسافه الحين نسى ويتم يقولي يله يله احملي وانا صرااحه اذكر ولادتي الاوليه واخاااف

[~خلك معي]

انا في ولادتي بولدي مادخل معايه كانت اميه عندي ويالسه عند راسي.. ناويه انشاء الله بولادتي الثانيه ادخله عسب يحس بالعذاب اللى امر فيه ..

[الله يحفظهم]

انا ريلي في ولاداتي الاربع ويايه ما خاز عني ولا روح البيت ..بس ما يكون واقف على راسي طول الوقت ..لاااااااا
يدخل ويوايج على ويتم عندي خمس دقايق ويطلع ..عسب القسم قبل الولاده يكون حريم يتويعن معاي ..وريلي ما يحب يتكشف ويسمع صريخ الحريم ..والشي الثاني هو ضعيف من يشوف اني اتويع او يشوف الابره او الاجهزه علي ..يفتر راسه ويدوخ ..وفي اخر ولادتي ..ريلي دوخ وبسرعه تلاحقو عليه السسترات ويابو ليه كرسي وعطوه ماي ..وانا بروحي اتويع وتعبانه وريلي كمل علي بطيحته ..وعقب امي زخته من يدينه وطلعته برع وقالت له تحمل تدخل مره ثانيه ..من تربي بسلامه بخبرك ..
عسب جذه ..حلو الريال يوقف مع حرمته ..ويحس بتعبها ..لكن الريال شرات ريلي ضعيف ..ما انصح انه يدخل على حرمته وهي تتويع في ولادتها ..راح يزيد البله طينه خخخخخخخخخخخخ