غرفة الولادة

**أم عواااش** · 2010-06-06, 12:43

خواتي شو رأيكم باللي تدخل ريلها وياها بغرفة الولادة ؟

المزيد من آخر المواضيع من نفس القسم:

**اخت بوحميد** · 2010-06-06, 12:49

لالا
مانصح لانه الريال يقز منه
عقب
ويخاف عليه من الحمل الريال قلبه ضعييف
بس انا يوم دخلت ماكان موجوود اصلا فالمستشفي عقب شاف الشيخ

**عواشهـ** · 2010-06-06, 12:51

انا اقوول على حسب.. يعني يعتمد..

بس انا افضل يدخل مره وحده بس مبين اليهال كلهم بس عسب يجوووف و يعاني لان الريال ما يعرف بالضبط شو يستوي بالحرمه يوم بيجوفها بيحس اكثر..

**amal12** · 2010-06-06, 12:51

من وجهة نظري ان الحرمة تحتاج لدعم ومسانده من ريلها في هاللحظة بس نصيحتي اللي ريلها شرات ريلي يخاف حتى من نفطة الدم انها ماتغامر وتخليه يروح وياها غرفة الولاده لانه بينجلط...وما اظن في حياته بينسى هاللحظة

**عواشهـ** · 2010-06-06, 12:54

اختي انا ييوم ولدت اول اول رووووحي قزيت ليش لان المشتفى الي ولدت فييه ما كان مطور ولاده عااديه جدا و ما دش بو الشباب معاي اما فولدي بطي دخل ليييش؟؟ اول شي لانه مطوور يعني المستشفى عابلوني و ما خلو الريال يجوف الا الياهل يوم يرفعونه بس واقف عراسي و ماسك ايدي و الوساخه و جي كانوا متخلصيين منها قبل ما اعرف شو حطولي و فرغت كل كل شي قبل الولاده ما نزل مني الا الدم بس و و هو ما جافه بس جاف كيف الدكتوره ترفع الياهل..بس.. يعني الصراحه ارتحت واااااااااااااايد و بنفس الوقت حس فيني بدون لا قزز ولا وصاخه اما فالمولاده الاولى المستشفى الاولي لا ما دش لان فعلا كان وصاخه..

**أم سلطان55** · 2010-06-06, 13:08

يعتمد حبيبتي ... في أول ولادة أنا إحتجت وجود ريلي معاي ...لأني كنت خايفة من الولادة
بس روح البيت قبل لا أولد ويوم ولدت رد المستشفى ...أيام ما تنسى
أما في ولادتي الثانية والثالثة ما دخل لأنه ممنوع دخول الريايل قسم عنابر الولادة ... وتعسرت ولادتي... وبس مكالمة منه رفعت لي معنوياتي... ولا أنسى وجود أمي وعمتي وياي... الله يسامحني بس عذبتهن وياي

**ابتسامة قمر** · 2010-06-06, 13:25

ليش الريال يسوي جيه في مرته لو شافها اتربي .!!!

**شذى الألحان** · 2010-06-06, 13:35

هـــب كل الرياييـــل نفــس الشـــئ ..

في رياييـــل يتمنوون يدشـون ويا حريــمهم ويوقفــون وياهــم ..

وفي رياييــــل يخااافوووون ..

ف كل وحده وعلى حســب ريلهــــا ..

وبنفس الوقت المستشفيات بعد تحكـــم في بعض الاوقات ..

**Asooma** · 2010-06-06, 13:56

لو كانوا يخلون في المستشفى جان دخلته

خله يشوفني كيف اتعب خخ

**عيون المهاااا** · 2010-06-06, 14:22

انا ما احبذ فكرة الريال يدخل غرفه الولاده وهذا راي

**حرم الكتبي ™** · 2010-06-06, 14:30

المفرووض يدخل فالبدايه بس حزتة خروج البيبي آآوت

**نجمة الفجر** · 2010-06-06, 14:37

خررررريييييييط ما يخصه؟؟؟

الحمد لله ريلي دخل عندي وقت الولاده بعيالي 2 ولا خاز عني مووول

وما خلا احد يدخل ويايه غيره..... والحمد لله لا جزني ولا شياته؟؟

كا يحترمني ويخاف عليا...هذا رأيه لاني مجربه مب رمسه أحد

**عنود الشوق** · 2010-06-06, 14:49

دخل ويايــه والحمدلله
كبــر في عينــي

**{الملكـــة}** · 2010-06-06, 14:49

ما احبذ الريال يدخل غرفة الولادة

**شيطونة** · 2010-06-06, 14:53

خواتي
صاحبت الموضوع سألت شو راينا في الحرمة
هب شو راينا اذا يدخل الريال أو لأ

راي انها انسانة قريبة من زوجها وعشان جيه تباه معاها
عادي ما فيها شي

الموضوع: غرفة الولادة

أدوات الموضوع

عرض