سؤال يدور فبالي

[ام عمر1]

حريم وبنات،،
عندي لكم سؤال،،
لنفرض انج رايحه لبيت تخطبين لولدج ولا ناس يوكم بيخطبون بنتكم،،

فالجلسات التعارفيه ولا الخطبه الرسميه،،
هل بتروحين انتي وابو الولد ولا تشلون القبيله معاكم(الاجداد والعمات)
انزين اذا ما بتشلونهم معاكم هل بتخبرونهم بالموضوع ولا مب من حقهم يعرفون الا بعد مايتم كل شي رسمي؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ريم الفلاااا]

اكيد الأم والأبو وشويه من الاهل هذا المتعارف عليه الغاليه

[بنوتـــهـ]

اكيد الأم والأبو وشويه من الاهل هذا المتعارف عليه الغاليه

[أم سلطان55]

إذا رايحة أخطب لولدي لازم الأم يكون عندها خبر... عشان ترتب أمورها ووقتها للأستقبال...
من أخذ معاي... يفضل بالبداية أكون بروحي مع وحدة من خوات الزوج المستقبلي وإذا ما وجد تكون حرمة الولد...
وهكذا مب لازم القبيلة كلها... أحسها الأم بتكون مرتبكة أكثر بالموضوع
أتمنى أكون أفدتج

[واقع بس خيال]

الصرااحه هالايام الواحد يقضى حاجته بالكتماان

يعني اهم شي عايلتج انتي ..يعني انتي والاب والولد والعيال يعرفوون بالموضوع


وان شاء الله لو صار نصيييب .. عقب ماتحددون الملجه وجي .. الباقي يعرفوون

الاهل هالايام ..ماعرف شقول ..بس شو بتستفيدي لو عرفوو ؟!
يمكن لاسمح الله الموضوع يتفركش عقب ماتقولين

والحمد لله صلة الرحم مووجووده ..واكيد بالاول والاخير الاهل هم السند والعوون .. والناس الثانيين هم الغرب
لو عايلتج واااايد اوك مع بعض .. يعني ماتخبوون على بعض شي ..خبريهم واستشيرييهم

اختي انتي سويي اللي يرضييج ويرضى تفكييرج

انا قلت مجرد رايي بهالمووضوع

^^ والسمووحه منج
والله يوفقكم

[* ام خماس *]

هلا الغاليه عن نفسي اناا بسير وبشل خوااتي

او خواات ريلي 00والاحسن انهم يعرفون سبب الزياارة

موفقه حبوبة

[أم نهيـان]

لازم نعطيهم خبر و يكونون على دراية ..

بس لما نسير .. أنا و عمتي ( يدته ) وأمي .. بس

[be with me]

لا طبعن مب الكل . .

أحس مب حلووه . . و المخطووبه بتنحرج . .

لا سمح الله ما صار نصيب وانا ماخذه وياي امه لا اله الا الله . . لول

باخذ وياي 2 ولا 3 . . =)

[اللآلئ]

لا طبعن مب الكل . .

أحس مب حلووه . . و المخطووبه بتنحرج . .

لا سمح الله ما صار نصيب وانا ماخذه وياي امه لا اله الا الله . . لول

باخذ وياي 2 ولا 3 . . =)

سيم سيم ^^

[كلي هيبه]

امممم..ششرات ما قالت be with me
يعني لو بسير اخطب لولدي..<< الله اييب هاك اليوم و افرح بعيالي كلهم..
بنوتي و اخوانها و خواتي ألي ان شاء الله بيوون..ههههههه..فديتهم..

المهم..
يعني لو بسير بخطب لولدي..
بسير أنا وأمي وحد من خوات ريلي..او بنات خواته..<< انا واايد قريبه من بنات خواته..
وهم شرات خوات ريلي ولا جنه خالهم..

بس يعني باخذ 3 او 4 بس..
ولو هم يبون يسون حفلة خطوبه هذيج الساعه بعزم الاهل..

[um_7am00d]

والله نحن عندنا نسير نحن البنات قبل نشوف البنيه ويا امايه وعقبها نخبر اخويه برايينا فيها ويوم يقرر اخوي يسير هو وامايه وابويه بس ..ويوم تتم الموافقه ويتحدد يوم الملجه نخبر الاهل قبلها باسبوع عسب يتزهبون وبس..

الافضل الطي والكتمان لان في هالزمن واايدين اللي يتدخلون بنية الحسد ويخربون زواجات وااايده ..

[أم فلونه]

والله عن ريلي يوم خطوبني اول يت امه وخالته وعقب ماستوى الشي رسمي بلغو الاهل وبلغنا اهلنا

اما عن اخويه ف اامايه سارت بروحها ياحليلها ماخبرت حد للين استوى كل شي رسمي مع اهل العروس

وهذا حال اغلب الناس يسيرون للتعارف بالاول بروحهم وعقب مايستوى رسمي يخبرون الاهل وانا اشوف هذا هو الصح

[um YaSs]

اكيد لازم الاهل يعرفون بالموضوع

بس يوم بروح واذا الخطبه رسميه اكيد ابوه وعمومته وحد من اخوانه والحريم انا ويدته وخالته مثلا

مب لازم وايدين يروحون