مرض الثلاسيميا

[qmr.uae]

خواتي الغاليات
بأدش في الموضوع على طول
من كم أسبوع ولدي الصغير وريلي كانوا
أمرض(زجام وحمى ماتروح عنهم)
راح ريلي عيادة خاصة وأخذ وياه ولدي
الصغير.
عطاهم الدكتور أدوية وقالهم هذا فيروس
منتشر اللحين بس أنا بأسوي لكم تحاليل وبأشوف
شو بيظهر،المهم ظهرت النتيجة وكانت(ريلي وولدي
نفس الشي)وهي ان كريات الدم عندهم وايد صغيرة
وبالتالي ماشي عندهم مناعة.
بس رجع الدكتور وسوى لريلي تحليل ثاني وكان
مال الوراثة وقال له هذا التحليل وايد يتأخر
المهم ريلي راح أمس وأستلم النتيجة وقاله الدكتور
النتيجة وايد أوكي مافيها شيء
اليوم ريلي تعب شوي فالدوام وودوه عيادة الدوام
وكانوا بيسوا له تحاليل عشان يشوفوا شوا فيه
بس قالهم مافي داعي أنا مسوي تحليل في عيادة
خاصة وراح السيارة وياب لهم الورقة
وأول ماشافها الدكتور احتشر على ريلي وقال انت
في الجيش ولازم نحولك مستشفى عسكري واللحين
بأسوي لك موعد-قاله ريلي ليش أنا شو فيني
قال الدكتور عندك فقر دم(ثلاسيميا)ريلي استغرب
ويوم رجع من الدوام خبرني والمغرب راح عند الدكتور
وتهازب وياه ليش مايخبره قاله الدكتور ماكنت أبغي
أخوفك-وأنت مب مصاب انت حامل وأحمد ربك ان
حرمتك مافيها شيء وعلى فكره أنا عندي اثنين من
عيالي عندهم أنيميا الفول اللي هي(تكسر الدم)
بس في نقطة قالها الدكتور لريلي واللي هي ان عادي
على قدام يتعب أو يروح نهائي هالمرض-وقاله حاول
ماتييب عيال اللحين(يعني ستوب)
بس معقول خواتي الثلاسيميا تظهر في وقت متأخر
من عمر الانسان ومعقول تأثر على العيال
والله خايفة بس ماقول غير ألف الحمد والشكر
لرب العالمين.

المزيد من آخر المواضيع من نفس القسم:

• اهم اسباب حساسية الطعام وطرق علاجها
• اهم اعراض قصور عضلة القلب وطرق علاجه
• اهم أسباب واعراض التهاب المفاصل وطرق علاجها
• اهم الأعراض وطرق الوقاية من الجلطات
• شو علاج عرق النسا نهائيا بدون عمليات في حد...
• اهم الفوائد الصحية للشوكولاتة الداكنة
• اهم لقاحات كورونا المنتظرة خلال الفترة...
• تطبيق جديد على الهاتف سيكشف إصابتك بفيروس...
• اهم أعراض الانزلاق الغضروفي والأسباب...
• طرق علاج غازات البطن وطرق الوقاية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[يتيمة 555]

اختي انا اعيالي الاربعه عندهم تكسر الدم وبنفس الوقت حامل الفا ثلاسيميا وبعد زادهم انهم فيهم ربو يعني مناعتهم دااااااااااااااااااااون من اقل شي يمرضون يدامون اسبوع فالمدرسه واسبوع مرضى وغياب ولو واحد يا بيتنا ومريض بسرررررعه ينتقل لهم المرض بس اللي فاعيالي ما ايروح لانه من يوم هم ينولدون فيهم الا باذن الله محد يعرف ....... بس فيه شي اسمه تكسر دم مكتسب اللي هو يظهر فجأه على كبر بس يروح عقب ما يتحسن الدم ....... والله يشفي اعيالج واعيالي ياااااااااارب .......

على فكره الام تعطي الاولاد والاب يعطي البنات هذا اللي قالوه لي فالمستشفى ...... بس للاسف انا مافيني واخر مره سويت تحليل دم شاااااااااااااامل كان بشهر اربعه وطلعت سليمه وهم مستغربين .... من اهل ريلي وريلي مصابين تكسر دم ومن اهلي مصابين تكسر دم ..... الله كريم الغاليه

[يتيمة 555]

هيه صح نسيت اقولج سوي انتي تحليل دم شااامل افضل لج ولعيالج ...

[غوآآآآآني]

حبوووبه لا تحاتين هذا شي عاااااااادي ..

وبعدين حامل المرض ما ياثر بشي اذا كنتي انتي سليمه

واذا حااابه اتعرفين اكثر خبريني ع الخااص

[ام بدر]

الغالية صدقه الدكتور ..هو حامل للمرض مب مرض ثلاسيميا

وهالشي عادي ويعيش حياته طبيعيه لا تحاتين ..وما الها اي اعراض

دام انتي مب حامل للمرض خلاص اطمني ..ولا تحاتين سالفه الانجاب وللعيال ترا عادي

اهم شي ما يكون زوج والزوجه حاملين للمرض

نحن نص العيله عدنا حاملين للمرض وعايشين حياتهم طبيعيه

[حوردبي]

اللهم وإشفي وعافي جميع مرضى المؤمنين والمؤمنات

[دريمه]

انا حامل للثلاسيميا وريلي سليم وعندي ولدي حامل بس الحمدلله صحته زينه ونشاطه طبيعي
وكان في البدايه يمرض وايد بس صرت اعطيه ملعقه عسل على الريق يوميا والحين الحمدلله مناعته وااايد تحسنت
وماعليج من خرابيط هالدكتور والعيال وريلج ماعليهم شر بس حاولي اكلهم يكون فيه وايد فيتامينات عسب الدم

[qmr.uae]

يزاكم الله ألف خير ريحتوا لي بالي
وطمنتوا قلبي الله يطمئن قلوبكم
يـــااااااااااااااااااااااااااارب

[شيخه بمعانيها]

لاتحاتين عزيزتي ..

عيل شو تقولين عنــآ .. نص العايله حآمله للمرض .. واثنين مصابين .. اختيه تعالجت الحمدلله وصارت حآمل للمرض واخوويهـ الحيين برع البلآد بيسوي العمليه وان شاء الله ربي يشفيهـ ..

انا الحمدلله الوحيده بالعايلهـ .. غير حآمل للمرض ولا مصآبه .. مع ان امي وابوي حآملين للمرض ! --> حكمة ربج فوق كل شي ..

وثانيـــآ اهتمي بآكلهم .. وربج يشفيهم لج ان شاء الله .. ودوري لهم الاغذيه الي تقوي المنآعه .. عشان منآعتهم تكون قوويه وباذن الله مايصيبهم شر ..


وربي يحفظ لج بآقي عيآلج ..

[مروهاج]

الله يشفي كل مريض

[ℓσηєℓу ©]

حبيبتي ريلج حآمل ثلاسيميا ومب مصاب

يعني عااااااااااااااااااااادي =)

بس بعضهم يحتاجون للمتابعه ..

حتى انا حامل ثلااسيمياا .. والحمدالله مافيه شي بس المفروض ماآخذ واحد حامل

عشان مايطلعون عيالي مصابين ..

[بنوتة عيمان]

اختي اقري اكثر عن معلومات امراض الوراثية

وهالرابط

http://www.geneticblooddisorders.info/bmasct.htm

ع الفكرة انا كنت مريضة بالثلاسيميا و تعالجت و 4 من اخواني حاملين المرض والحمدالله هم ابخير


و دعواتج لي بالشفاء العاجل

[أم بيات]

انا حامل لمرض الفولي بس ما فيني بس عندي الاولاد فيهم
وهالمرض نوع من انواع فقر الدم