اسير وياهم ولا لأ

**غدر الليالي** · 2010-05-30, 22:11

السلام عليكم ورحمة الله وبركاتة

خواتي الغاليات انامتزوجه لي 14 سنه وعندي 5 اطفال وحياتي مستقره والحمدلله اعيش في بيت منفصل من وعلاقتي مع اهل ريلي اكثر من ممتاازه وهم يحبوني لاني اقدرهم وااايد
حبيت اخبركم بشئ مختصر عشان ادلوني كيف اتصرف الحين ريلي بيسوي عمليه منظار ابوة وخوانة بيسيرون وياه المستشفى وقت العمليه وانا ودي اكون عنده في اللحظه هاي بس مادري هل وجودي عادي ولا عقب العمليه اسير انا ماحب حد يتكلم عني ويقولون ليج يات احنا الرياييل نسد مع العلم ان امه ما بتسير وياهم
سامحوني ماعرف ارتب الكلام بس اكيد فهمتوا سؤالي ارجو الرد
ويزاكن الله كل خير

المزيد من آخر المواضيع من نفس القسم:

**زهرة الشحوح** · 2010-05-30, 22:14

خليج قريبه من زوجك وحلاته يفتح عينيه وانتي اتكونين عنده
بس عسب ماتنحرجين مع اهله اتصلي لعمج انج بتروحين المستشفى عسب مايتفاجا بوجودج او يكون حد معاهم غير القرايب

**شحيه_عنيده** · 2010-05-30, 22:51

المشاركة الأصلية كتبت بواسطة زهرة الشحوح

خليج قريبه من زوجك وحلاته يفتح عينيه وانتي اتكونين عنده
بس عسب ماتنحرجين مع اهله اتصلي لعمج انج بتروحين المستشفى عسب مايتفاجا بوجودج او يكون حد معاهم غير القرايب

من رايهاا

**كلي هيبه** · 2010-05-30, 22:17

أنا راي من رااي اختي زهرة الشحوح..

خبري عمج انج بتسيرين وياهم وها ريلج ولازم توقفين وياه..
ولو تقدرين تخبرين ريلج انج تبين تكونين هناك متواجده عسب يخبر اخوانه و ابوه..
أنا هذا الي اشوفه..

وربي يقومه بالسلامه و تقر عيونكم بشوفته..

**Pearl jumeira** · 2010-05-30, 22:25

صراحه سؤال محير لأنه فضيحه الوحده يالسه مبين الرياييل و مب حلوه تودر ريلها

اتمنى الخوات ايفيدونج

**روح الــــورد** · 2010-05-30, 22:32

اتفقي ويا عمتج اتسير وياج ..

**العوف** · 2010-05-31, 02:00

المشاركة الأصلية كتبت بواسطة روح الــــورد

اتفقي ويا عمتج اتسير وياج ..

**اذكروا الله** · 2010-05-30, 22:34

انتي و امه اولى انكم تسيرون

**بدر البدو** · 2010-05-30, 22:36

الله يقومه بالسلامة ان شاء الله
حبوبة سيري و فرحيه راح يستانس بوجودج

**سحــر العيـون** · 2010-05-30, 22:45

شاوري ريلج حبيبتي...

شوفي شو بيقول...

اذا قال اوكي روحي واذا قال لا...بعد لا حول ولا قوه الا بالله...لا اتروحين...

**ام بدر** · 2010-05-30, 22:50

شاوري عمتج اذا بتسير وياج افضل

اذا ما بتسير مب حلوة ..انتي بتنحرجين لان بيكونو كلهم رياييل وقعدتج وياهم لين يظهر ريلج بتكون مزعجه شوي

لو ما قدرتي اتواصلي معاه بالتلفون وقبل ما يظهر من العمليات روحي

**غدر الليالي** · 2010-05-30, 23:30

يزاها الله خير كل من ردت وجعلها في ميزان حسناتكن
ونعم الخوات ماقصرتن ربي ايسر اموركن يارب

**أم خالد الحلو** · 2010-05-30, 23:32

حبيبتي الغالية
أحياناً الظروف تمشي عكس ما نبيه

في أمور الواحد يتمنى يكون مع أغلى الناس .. بس الموقف يحكمنا

ريلج بسووي عملية منظار .. الرياييل بكونون موجودين
فشكلج بيكون مب حلو وانته هناك .. يعنى مب حلوه

لو أمه بتروح .. بنقول مب مشكلة سيري وياها
بس الرياييل بروحهم سايرين .. فأشوف صعب تكونين هناك

وأكيد ريلج بيعذرج ومقدر هالشي
عادي حبيبتي ^_^

أنا ريلي سوا عملية أكبر من المنظار .. وما قدرت أروح لنفس السبب

بس عقب العملية سرت ^_^

**أم رواضـي** · 2010-05-30, 23:57

لو انا مكانج بسير ما بخلي ريلي روحه اصلا ما برتاح
اذا كان الوضع محرج و عمتي ما قدرت اتي
بتصل في حد من اخواني ايون معاي
و الله يشفي ريلج و يرد لكم بالسلامة ان شاء الله ...

**حلم المسافر** · 2010-05-30, 23:58

عادي الغالية من الواجب تكونين وياهم واذا تستحين انج حرمة بروحج خذي حد من خواته وياج على الاقل بتم حذاج بالاستراحه ..
والله يقومة بالسلامة وطهور أن شاء الله

الموضوع: اسير وياهم ولا لأ

أدوات الموضوع

عرض

العرض المتطور

اسير وياهم ولا لأ

المزيد من آخر المواضيع من نفس القسم:

المواضيع المتشابهه

شو الحل وياهم

انا محتاره اسير ولا ما اسير =(

تتعشين وياهم او لا

شو الحل وياهم؟؟؟......