طيبة قلبي ضيعتني !!!

**عــ وردة ــمر** · 2010-05-30, 21:00

مرحبا بنات .. شخباركم ..

بنات من امس وانا اصيح لليوم حتى شكلي متغير من كثر ماصيح ومارحت الجامعه اليوم ...

حآآسه بضيجه اعوذ بالله منها كل مااي ادرس اعق الكتاب مااقدر غصبت نفسي ادرس لو شوي ماقدرررت مع اني لو شو ماسويت لازم اييب علامه حلوة عسب اظمن النجاح وانا ماقدر اييب هالعلامة لانه الماده صعبببه مظااايجه من الدراسه ومن ربيعاتي ومن اهلي ومن الدنيا كلهاااا

يوم اتصل في وحده اقولها فلانه محتايه تساعديني شوي وتفهميني كل وحده ترد علي انا بكبري مب فاهمه لو انتو مب فاهمات جان ماسالتكن ومن هناك ماشاء الله فاهمات الماده مادري ليش هالانانيه والغيره !! ..

واحسهن يتشردون مني يخافن اسألهن ولا شي ومايردن علي يوم اتصل ..
مرة نزلت مشروع بالمنتدى وساعدوني فيه ناس يزاهم الله الف خير وهن ماكنو عارفات يحلونه ومادري لاني غبيه او طيبه رحت عطيتهم الواجب كامل والسير حطلهم اعلى مني مع انه نفس الحل بالضبببط لانه ماخذ فكره عني اني كسوله يمكن او يتحراني ناقله منهم ماقلت شي ابدد وسكتت قلت خواتي هذيل ...

ومعدلي نزل ونفسيتي في الحضيض وكل يوم يمر لازم اصييح احس الدنيا سوده بعيني لا اهل ولا ربيعات محد فيه خيررر ...
يالسه بغرفتي لا اشوف الناس ولا الناس تشوفني والطلعه ممنوعه برا البيت احس كل شي مسكر في ويهي الحمدلله اصلي ومسويه جدول علشان احفظ القرآن في هالصيف ان شاء الله ... بس فعلا احس شي ناقصني .. خاطري اسمع خبر حلوو عمري ماسمعت خبر حلو يفرحني ابددد والحمدلله على كل حال
حتى مسويه دفترر دايما اكتب الي في خاطري والي اتمناه من رب العالمين عمري ماطلعت الي بقلبي سوا رب العالمين ثم انتوو لاني صج احس عمري وحييده ... حتى تخيلو اذا طلعت السوق اسررح واايد احس فعلا اني مب عايشه في هالدنيا .. حتى مرة شفت بنوته ماشاء الله عليها في السوق تميت العب وياها ويوم راحت بغييت اصييح ... ادعولي يا بنات انه الله يفرج همي ويرزقني الزوج الصالح وبنوته حلوة اشغل نفسي في تربيتها ....

وسامحوني يااخواتي

المزيد من آخر المواضيع من نفس القسم:

**عواشهـ** · 2010-05-30, 21:07

اختي لا تتعاملين ويا الناس بطييبه زاايده..
اتعلمي دووم من اخطائج ولازم تستوين قووييه لان الدنيا تبا جي..

اختي قومي صلي لج ركعتين و انسي الي طااف كلللللللله و حاولي و سوي حطي فبالج انا بذاكر و بفهم الي ابا افهمه لا اتخلين شي يكسرج فديتج.. و ربيعاتج تراج عرفيتهم خلااص خلج معاهم سطحي بس سولف و جي.. انتي عاطفيه زياده شلي من قلبج اشوي عاطفه و حطيها بالحماس و الاصرار و جوفي باجر كيف اربيعاتج بيركضوون وراج.. اشغلي عمرج بالدراسه بالقران باي شي بالدنيا بس لا تياسسييين لان الدنيا حلوه..حطي بنفسج الارااده و عيشي صح عسب ما يتعور قلبج كوني قويه لان هالايام محد يساعد حد الا من رحم ربي.. انتي قوي عمرج والله بيوفقج انشالله...و اتعلمي من الي فااااااااااااات

**اذكروا الله** · 2010-05-30, 21:07

الله يفرج همج

هذي فترة وبتعدي فترة الامتحانات تفتح كل الجروح وتحسين ان الدنيا كلها فوق راسج والا هم ايام بسيطة
توكلي على الله وسويلج جدول وذاكري واذا شي مب فاهمتنه سيري عند اللي يدرسونج واساليهم لين ما تتوضح الصورة
واذا شفتي ان درجاتج نازلة لتسكتين شوفي شو الموضوع يمكن التصليح غلط وياما استوتلنا
واذا ما طاع اللي يدرسج يعدلها وديه الادارة لان هذا حقج ومستقبلج

**ابتسامة قمر** · 2010-05-30, 21:10

الله يوفقج

وان شاء الله تيبين فوق الدرجة المطلوبة ^^

**ᴥĦĭģĥ ħęᾷľšᴥ** · 2010-05-30, 21:11

الله يوفقج

**نبضة أمل** · 2010-05-30, 21:16

حبوووووبه

حطي في بالج شيء واحد الدنيا (نكد وكدر) يعني لا تضيعيين عمرج على ليش الناس جذيه تصرف

انتِ اخترتي تكونين طيبة واختيارج صح...كوني طيبة بس لازم تعرفين منو يستاهل طيبتج ومنو ما يستاهل

انتِ اختبرتي مرة من ربيعاتج بالواجب اللي عطيتهن اياه..ولاحظتي بعد كل هذا انهن مستمرات في انانيتهن

كان المفروض ما تضغطين على نفسج أكثر وتتوقعين منهن يساعدنج ...انتِ ما تقدرين تغيرين طباعهن

بس تقدرين تغيرين طبعج بعدم الاتكال عليهن وابدأي بالاعتماد على نفسج بنفسج..والا راح

اتضيعيين دروسج ودرجاتج لانج تفكيرين ليش هن غير عنج... نحن في هالدنيا ربنا يختبرنا عشان نميز

منو يستاهل طيبتنا ونسمر معاهم ومنو ما يستاهل طيبتنا بس نعاملهم بالحسنى والادب مب نعتمد عليهم

نصيحتي لا تضغطين على نفسج بالتفكير ليش هم جذيه...نصيحتي اقول صفي ذهنج وركزي على

دروسج واطلبي مساعدة من ناس ما يبغون لا جزءاً ولا شكورا...واذا حصلتي كان بها وان ما حصلتي

لا تهملين مذاكرتج ولا جامعتج لانه مستقبلج...وخلي قلبج قوي لان هذا اختبار دينوي وباجر باذن الله

تتخرجين من الجامعه وبشوفين اسوأ من هالصديقات بس الفرق انج عندج خبره تمييزين

بين اللي يستاهلج واللي ما يستاهلج...شوفي اللي صابج نعمة لاجل تعرفين كيف توزنين في حياتج

صدقيني هالشيء يدرسونه في جامعات الكبرى العالمية وانتِ درسينه بالمجان عن طبايع الناس والبنات يعني تكتسبين مهارات التعامل مع البشر لانج بتحتاجينه في شغلج وزواجج وعيالج في المستقبل والله حصلتي درس بالمجان وقدري هالنعمة

ربي يوفقج في الدراسه...واضحكي وفرفشي وركزي على الامتحان لانه مستقبلج والشهادة

بتنفعج مب الزعل والحزن وليش وليش...

بالتوفيج يا حبوووووبه

**Miss_Baby** · 2010-05-30, 21:25

ما عليه حبيبتي اهم شي انج اكتشفتي اللي حولينج خليج قويه

و حاسبي من اللي حولينج يعني لا تكونين ماكره و لا طيبه وااايد بس عرفي كيف تتعاملين مع اللي وياج

حتى انا حبيبتي مريت بنفس الموقف فقلت هم الخسرانين

و الحياة حلوة لا تعبين عمر و ركزي على دراستج لانه محد راح ينفعج غير دراستج

و موفقه ان شا الله ^^

**dream girl** · 2010-05-30, 21:52

فديتج والله نفس حالتي
الله يفرج همج ويبعد عنج الضيج ويرزقج بالزوج الصالح يارب

انا ايلس اصيح وبس استانس ههههههه
واحيانا اقول متى اعرس ابا حد يهتم فيني يسال عني.. ولكن يوم ايي الخطيب اقول لاااا خسي مابا توني ياهل عمري 19 ههههه

الحين انتي حاولي تشدين ححيلج عشان المعدل انسي والبنات خليهم ولا عليج منهم لا تشغلين بالج في اي شي يعكر مزااجج خاصة هالفتره
حطي لج اذكار اسمعي في وقت الفراغ او سورة البقرة بتحسين براحه والله

فديتج الله يوفقج حبيبتي

**روح الفجيرة** · 2010-05-31, 01:27

الله يعينج !

و يوفقج ..

الموضوع: طيبة قلبي ضيعتني !!!

أدوات الموضوع

عرض