نزلت اكثر من 60 كيلو حياكم...

**قلب أخضر** · 2010-05-30, 17:38

هلا ,,,,,,,,, دباديب .... طبعا أنا أولكن.....الدبة الأم

حبيت أنقل لكم هالقصة الظريفة .... عجبتني .... ورجيمها بسيط , ما فيه شي غصب

وياريت نستفيد منها ..........

نزلت اكثر من 60 كيلو حياكم...

--------------------------------------------------------------------------------

السلام عليكم ورحمه الله و بركاته

هذي اول مشاركه لي وربي شاهد على اني ابي افيدكم وسجلت علشان افيدكم

انا يابنات وزني كان 130 شهر سته
بين يوم و ليله حسيت اني تعبانه من نفسي ومالي خلق اي احد

علشاني قبلها بيوم رحت حق عزيمه وكل ما التفت اشوف بنات اشحلات اجسامهم
رجعت للبيت وانا ابجي من كل قلبي و دموعي عشر عشر
زوجي يقول شفيج قلت ما فيني شي بس تعبانه

المهم بنات قعدت ساعتين وانا ابجي جنه ميت لي احد واحس جسمي كله يعرق وأرجف من الحرقه الدموع

انا تزوجت وانا عمري 14 وزني كان 70 كنت مربربه يعني
تزوجت ويبت 2 اطفال وصلت لين 130 كنت تاركه نفسي وعمري ما فكرت اسوي رجيم بحياتي
المهم

اخذت عهد على نفسي اني ما اطلع برا البيت كلش بس بالعيد
اروح لاهلى و ارجع على طول و ما اقول حق اي احد اني مسويه رجيم حتي امي واختواتي
ولا حتي زوجي

وحطيت نظام حق نفسي
من غير دكتور ولا دكتوره
بديت الرجيم 15.06.2009

المهم

رحت غسلت واهيي وكتبت شنو بيكون رجيمي

للحين كاتبته بالمذكره عندي

الي اهو
اول شئ يوميا مشي ساعه او رقص ساعه على مسيقي
كلاسيكه بما انها مو حرام
طول اليوم اشرب اعشاب واذا جعت باكل
سلطات او خضار او فاكهه
والغدا قطعه لحم او 2 بارقير او 2 صدر دياي مع خضار + علبه روب او زبادي
وانا اكثر شئ كنت اكله من الخضار الجزر علشاني حيل احبه
وتفاح

عرموط ........... ما أعرف شو؟؟؟

خس
خيار
طماط
بصل اخضر
بطيخ
رجي
بس هذول بما اني ما اقدر اشتري غيرهم

و في اليل اذا حسيت بقرصه الجوع
اخذ شده كرفس واكلها
او بقدونس

يشهد الله على اني كنت اموت من اليوع بس اصبر نفسي واسوي لي مشروبات شاخنه
مثل شمر ,شاي,حليب خالي الدسم مره باليوم هذا,شاي اخضر,زنجبيل يعني اشكل تقريبا اشرب
5 كاسات باليوم

كان زوجي يسئلني ليش كله تشترين فاكهه و خضار للبيت محد ياكل كنت اقول له الياهل لازم ياكلون فاكهه ويتغذون
ما قلت له ابد .. صار كل ما يطلع يجيب معا جيس خضار معا

كنت استانس حيل

من اول اسبوع
نزلت 10 كيلو اكيد نصهم ماي

المهم انا ما صدقت عمري كنت شويه و يغمي على بس ما قلت له ولا حق اي احد

صار زوجي كله يسئلني خاف فيج شئ شرايج تروحين للطبيب
قلت لا ما فيني الا العافيه بس عيالك معذبيني

المهم الاسبوع الي ورا نزلت 5 كيلو فرحت حيييييييييل بجيب وصليت صلاه شكر

الاسبوع الي ورا نزلت 4 كيلو

والي ورا والي ورا صرت كله انزل 3 كيلو او 2
وثبت على 2كيلو اسبوعيا

الحين بفضل الله صار وزني 69

وابي اكمل لين اوصل 60 وعقب بذن الله 55
يا كريم يارب

المهم بقول لكم شنو صار

من الشهر الثاني زوجي قالي اذا ما قلتي شفيج ترا بزعل عليح شفيج جذي ضعفانه
قلت له ما في شئ بس فيني القولون و ما اقدر اكل كله اشرب ماي
سويت روحي ما ادري ,, وقلت له صج انا مبين على نازله

قال بصوووووووووووت عالي اييييييييييييييييييييييييي وااااااااااااااااااااااااااااا يد

المهم عقب حرام صار كل ما سمع عن علاج حق القولون يابه لي وانا اعطيه حق ابوي لووووووووول

زوجي اول ما يقرب لي و ما يحسسني اني انثي
صج انه حيل طيب بس احسه متقزز من شكلي
و ما يطلعني يستحي من شكلي

الحين ما شاء الله تبارك الرحمن كل ويك اند طالعين

وكله يسمعني كلام حلو

وايد يقرب مني بشكل يومي.......

وانتو ادرا

بذن الله تستفيدون من التجربه الي غيرت حياتي فوق تحت

هذي تجربي مو منقوله كلاش ,,,,,,,,,,,,, النقل عن طريقي

الله يحفضكم يارب

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
♥لا تجادل بليغاً و لا سفيهاً .. فالبليغ يغلبك ، والسفيه يؤذيك.......

المزيد من آخر المواضيع من نفس القسم:

**BenT UaQ** · 2010-05-30, 17:45

الي تكوووون دووووووبه مثلنا وبعدين تستوي رشيقه فعلا تتغير حياتها 360 درجه
تسلمين على هالنقل الحلو ^_^
انا مسويه مفاجاه لاهلي محد يدري اني مسويه رجيم غير اخواني وامي ابا اصدم الكل فالعيد خلاص انا معزمه
وان شاء الله اثبت على عزيمتي

**قلب أخضر** · 2010-05-30, 18:42

الله يثبتج يا غناتي ..... تصدقين إنج حمستيني زيين .... نبا نعيد ..... ونحن رشيقات......

يا الله يا غناتي اتخيلج بشريني من تنزلين.... بنتشجع .... دااامنا متخاويات بالوزن.......

أسعدني مرورج ..........

رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ (*)
رَبَّنَا إِنَّكَ جَامِعُ النَّاسِ لِيَوْمٍ لَا رَيْبَ فِيهِ إِنَّ اللَّهَ لَا يُخْلِفُ الْمِيعَادَ

**غريبه وحيده** · 2010-05-30, 19:21

الف مبروك نزول الوزن فعلا اراده حديد وعزيمه ما شاء الله وعملتي كل هاد بالسر علشان ما حد يسمعك كلام تبارك الرحمن الله يسعدك مع زوجك كمان وكمان وتشوفي ايام حلوه تعوضك اللي راح باذن الله

بس اختي ممكن اسالك سؤال ولو انه يمكن يكون بايخ شوي بس حبيت اعرف وافيد البنات انا بعرف انه اللي بنزل اكتر من 30 كيلو بترهل جسمه وبحتاج عمليات علشان الجلد الزايد وانتي ما شاء الله نزلتي 6 كيلو طيب كيف بالنسبة للترهلات ممكن تفيدي البنات لو سمحتي وما كان في تقل دم يعني

تسلمي فرحت لك من قلبي وحافظي على هالرشاقة اللي ما جت الا بعد تعب

سلام

**راعية الفزعات** · 2010-05-30, 20:03

بصراحه انا بعد تحمست خاطري اغير لوكي وناويه بإذن الله الواحد الاحد اني ابدا من شهر 6 بعد يومين ^__^

**دانة ذهبية** · 2010-05-30, 20:08

العرمووووووط هي الكمثرى ^^

بس عفية عليها ..نزلت 60 كيلو..ما شاء الله

**ضنا روحي_زايد** · 2010-05-30, 20:57

عقبالنا يارب

**BenT UaQ** · 2010-05-30, 21:08

المشاركة الأصلية كتبت بواسطة قلب أخضر

الله يثبتج يا غناتي ..... تصدقين إنج حمستيني زيين .... نبا نعيد ..... ونحن رشيقات......

يا الله يا غناتي اتخيلج بشريني من تنزلين.... بنتشجع .... دااامنا متخاويات بالوزن.......

أسعدني مرورج ..........

رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ (*)
رَبَّنَا إِنَّكَ جَامِعُ النَّاسِ لِيَوْمٍ لَا رَيْبَ فِيهِ إِنَّ اللَّهَ لَا يُخْلِفُ الْمِيعَادَ

أمين يا رب الله يسمع منج ..بشرج الله بالجنه قولي امين .. هيه ماشي باجي عن العيد والايام تمر بسرعه ماشاءالله والي يسوي رجيم هالفتره ما بيحس الحمدالله..

**زينو0** · 2010-05-30, 21:52

ما شاء الله عليج

**Cute_1990** · 2010-05-30, 22:21

ماشالله عليج
تف تف تف اللهم لا حسد

بنات اذكروا الله

**ام غنوووم** · 2010-05-30, 23:21

ما شالله تبارك الرحمن وعقبال ال50 ياقلبي

**قلب أخضر** · 2010-05-31, 21:50

هههههااااا ..........

يسعدني مرررررررررروووووررركن الطييييب .....

فديييت قلوبكن هذي هب أنا هذا القصة نقلتها من منتدى غيرررر .....

عسى ربي ما يخيييب فرحتكن وتضعفن بخييييررر وصحة وعافية وبدووون ترهل ....

بس خواتي ... أنا اتعالج عند د... نوترشن ... وعطاني كريمات ومصررر أني استخدمهن ....يقول أنهن يشددن ....

وطبعا صديقتكن الكسوووولة ما حطت لييين الحين ، كل يوم أقول باجرررررر,,,,

خلاص باستخدمه من اليوم جااان بيمنع الترررهل .... بعدالشحوووم ما فينا على اليووواني

وبخبركن بالنتيجة ......
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

سبحان الله وبحمده سبحان الله العظيم
لإ إله إلا الله
عدد خلقه
ورضاء نفسه
وزنه عرشه
ومداد كلماته

**@أم فزاع@** · 2010-05-31, 21:57

ماشاءالله عليييها صدق عندها عزييمه قويه

وفعلا الرجييم محتاج عزيمه والله ايقوي عزيمتنا يااارب

ومشكووره ع النقل المفييد

**نانا الحيرانة** · 2010-05-31, 22:07

ما شاء الله فعلا ما في احلى من الرشاقه والعزيمه والاراده

**دلوعة زوجي** · 2010-05-31, 22:36

الارآآآآآده والعزيمه أسآآآآآآآس كل شيء
ربي يوووووفقهآآآ ويسعدهآآآآآآ

الموضوع: نزلت اكثر من 60 كيلو حياكم...

أدوات الموضوع

عرض

نزلت اكثر من 60 كيلو حياكم...

المزيد من آخر المواضيع من نفس القسم:

المواضيع المتشابهه

نزلت 8 كيلو واااااااااااااااااااااااااو

بنت من 100 نزلت 40 كيلو

ريجيم اليزابث تيلور وهي نزلت عليه 27 كيلو باسبوعين..وانا نزلت عليه 20 كيلو

تجمع من وزن 90 كيلو الى 120 كيلو حياكم الله معانا

نزلت 5 كيلو