؛؛ تجارب واقعية ؛؛

[زيورخ]

بنات المنتدى
أنا صارلي فترة طويلة أتابعكم من وقت لوقت
وماشالله يكثر الجروبات والتجمعات والمسميات

ادخل هني وهناك اقرا قصة هذي وقصة هذيج
واصرارهم على الوصول للهدف بتاريخ معين مثلا
وأروح وأرجع بعد فتره واقرا تجمعات يديده وقروبات غير
وماعرف شو صار ومنو اللي وصلت للهدف وحققت الوزن المثالي
ولا كنسلتوا ولا مليتوا .. ماشاء الله كل مره جروب يديد ومسمى غير..

فسجلت اليوم عشان أعرف تجاربكم هل فعلا كانت ناجحه ولا باءت بالفشل الذريع

وممكن تخبرونا بتجاربكم أو بتجارب ناس تعرفونهم
نزل وزنهم خلال (( شهر واحد )) 15 كيلو

أبا أسمع تجارب عشان أتشجع أكثر ..

مادري هالريجيمات اللي نسمع عنهن خلال أسبوع ينزلون 8 كيلو وخلال اسبوعين 16 كيلو
هل هيه صحيحه ولا لا ؟!!

وهل فعلا الوزن يرد بأضعاف بعدين ؟!!

في انتظاركن وبانتظار تجاربكن

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[alna8h]

مرحبا عزيزتي

محد كثري جرب الرجيمات والخرابيط

تدرين من خلاصه تجاربي اي رجيم ينزلج بسرعه يرفعج بسرعه

واي رجيم بدون تثبيت وعقبه موازنه ما يدوم

والرياضه تمتن بعد ما تتكرينها ودبل والله العظيم من تجربه ومع قروب كبير مش انا بس
كلنا تدربنا فتره الشهرين والنص وانا كملت عقبهن 4 شهور وتركنا الرياضه على رمضان وعقبها حملت
زاد وزني 3 اضعاف يعني 30 كيلو وكلهم اجمعوا على نفس السبب كل اللي اروحلهم قالوا نفس الشي

واخر حل اكتشفته
نظام السعرات الحرارية اللي ينوضع على حسب سرعه الحرق عندج يعني معدل الايض على عمرج وطولج وibmيعني اللياقة عندج ، ما بتقتنعين فيه في البداية لانه وايد اكل 5 وجبات وانتي متعودة على اليوع والبروتينات وماعرف شو .. تركي عنج الخرابيط ومن تجربه اتبعي نظام يناسب وزنج وجسمج ومتنوع عشان ما تمرضين ولا تنقص فيتاميناتج وتتعودين عليه ويدوم لج ك نظام مدى الحياه ..

كوني انسانه راقيه في التعامل مع جسمج وكوني متفهمه لاحتياجاته وحنونه عليه لا تكلفينه فوق طاقته / اصلا الرجيمات الثانيه تنزل العضلات والبروتين والدهون تخليهن تتوهمين بانج نزلتي وانتي نزلتي عضل عشان جيه بسرعه تمتنين / ...

نظامج خليه :: >

1- دلعي نفسج : بيومين حمام ساونا جهاز الساونا ، عشان يتخلص جسمج من السموم حطي في الاستريمر مالته اعشاب تنحف او تعرق تساعد على زيادة معدل التعرق عشان تتخلصين من السموم

2- رفهي جسمج : بالمساجات الدائريه كل ليله قبل لا ترقدين حتى لو كان عندج ريلج رقديه واجبري نفسج تروحين الحمام 5 دقايق او 10 / خلطي زيوت من محلات العطارين اللي تساعد على التخلص من الدهون وتلين الجسم في نفس الوقت وخلطي فيهن كريم تنحيف من اي ماركه ترتاحين لها كل يوم على هذا الحال وشوفي النتيجه بس خليه روتينج مدى الحياه حتى لو حملتي تفيدج في الخطوط الغي كريم التنحيف وحطي كريم تشققات مع الزيوت وبس .

3- تناغمي مع جسمج : عودي جسمج بالتهيئة الحافزة عشان ساعتج البيولوجيه تنبهج على موعد البرنامج التالي ، مشي كل يوم نص ساعه على سرعه متدله 3 او 30 على حسب الاجهزة مع 10 دقايق رياضه خفيه على اي جهاز متوفر عندج لين ما تخسرين وزن وشفتي انج وصلتي للوزن المطلوب زيدي من قوه الرياضه يعني مشي على سرعه 4 او 5 او جري 7و8و9 على كيفج ، اثقال خفيفه 1.5 و تمارين بطن شد والاوربت تراك 20دقيقه او اكثر ومقاومه اقوى . مافي مانع تستعملين سيديهات تتبعين مدربات رياضيه .

4- نقى الروح : خاطبي عقلج يوميا بقدرتج على الوصول للهدف المطلوب وبالاصرار ، بس تخيلي كيف تقسمه الجسم بعد ما توصلين للهدف .

5- تفهمي احتايجات جسدج : لا تزودينه بالطاقة اللي ما يحتاجها . قيسي احتايجات جسمج من الطعام ولا تزيدينه فوق احتياجاته .

6- احترمي الوقت : تعلمي تعطين كل شي حقه سواء تنظيمج للاكل او الرياضه او الصلاه او الاهل او الشغل يعني وزعي جدولج على حسب احتايجاتج وتعلمي تنجبرين اطبقين كل شي وتجبرين اللي حولج يحترمون وقتج .



والســــــــــــــــــموحه

[زيورخ]

alna8h

كلااااااام راااااائع جدا
قريته ع السريع
وبرجع أقراه مره ثانيه برويه

كلامج درر والله
أشكرج من الاعماق

[زيورخ]

شكرا مرة ثانية عزيزتي
alna8h

.
.


يالله نبا تجارب ثانية
نستفيد منها

[alna8h]

يا حياج الغالية حبيت افيدج من شي طحت فيه وبعد ما سالت وايد ومريت على اكثر من 9 اخصائين تغذيه في بوظبي والعين قدرت اطيح على ناس تفهمني وتشرحلي وضع الرجيمات الغلط والطريقه الصحيحه لحياتنا وكيف إنا نقدر نحافظ على انفسنا بكل سهولة ، مع العلم ما اخترب جسمي الا بعد الحمل والولادة والادوية اللي فيها نسب كورتيزون واخر شي اكتشفت كيف ارجع ثقتي بنفسي وكيف ابني جسمي بطريقه صحيحة ...


في شي يديد ، قالت لي أخصائية بروفيشنال ، تقدرين تروحين عند 60الف شخص واكثر لين ما تشبعي وترتاحي ، غير هذا الواقع مافي ولو انه ينقال كلام خزعبلات من بعض المروجين .

كيف تنزلين اذا احتبس وزنج .. نفس الجدول الغذائي احذفي منه النشويات بمدة اسبوع مع والحليب في الشاي وارجي على نفس النظام مره ثانية ..

بالنسبة للرياضة اللي من DVDs تقدرين تسوينها بشرط اذا حملتي ما تقطعين المشي ولا الرياضة الخفيفه للحامل. اذا قدرتي وكان وضعج الصحي يسمحلج .

ان شاء تسمعين الاخبار الطيبه من البنات وترتاحين زود.
اتمنالج التوفيق عزيزتي والله يسهل عليج نظام حياتج ....

[دفوشة]

alna8h

هههههه يضحك نكج ما حصلتي غيره ... اكيد انتي طويــــــلة

المهم

انتي تسالين انا بعد واااايد جربت ريجيمات

جربت الريجيم القاتل 8 كيلوو باسبووع نقصت 3 كيلوو تقريبا

وردتيهم بيومين عقب الريجيم مع اني كنت مخففة اكل

وسويت ريجيم 10 كيلو باسبووع

نزلت كيلوين وبعدني ما رديتهم

وحدة ثانية نكها غزلان

سوت نفس ريجيمي وغيرت فيه اشياء وما شالله نقصت 5 كيلوو قبل لا تكمل الاسبووع

هو يعتمد على حسب الجسم

وجسمج ترااه ذكي

يبدي يخزن دهوون وما يرضى يحرق اذا تعود ع الريجيم

اذا تبين نظام لحياتج

خلي ريوقج ريوق ملووك .. وغداج غدا امراء .. وعشاج عشا فقراء

بالمصري يقولوو

خدي فطارك كله .. وتقاسمي غداك مع صديقك .. وارمي عشاك لعدوك ..

[alna8h]

alna8h

هههههه يضحك نكج ما حصلتي غيره ... اكيد انتي طويــــــلة


..

[زيورخ]

alna8h

إضافة ثانية جميلة منج
ماشاء الله خبره
تخلي الواحد فعلاً يعيد تفكيره
وفي النهاية نفس ماقلتي هو نظام حياه وكيف الواحد يقدر ينظمه

(( تعلمي تعطين كل شي حقه سواء تنظيمج للاكل او الرياضه او الصلاه او الاهل او الشغل يعني وزعي جدولج على حسب احتايجاتج وتعلمي تنجبرين اطبقين كل شي وتجبرين اللي حولج يحترمون وقتج ))

هذي الجملة وايد عيبتني وقريتها أكثر عن ٥ مرات .. لأني أحس فعلا هذا اللي مخلي حياتي وحياة كثير من الناس مخربطه ,,, بس كيف التطبيق .. نتكلم وبس ووقت التطبيق نشوفه صعب !!!

أتمنى عزيزتي تمرين من فترة لفترة
تضيفيلنا نفس هذي الاضافات القيمة

[alna8h]

alna8h

إضافة (( تعلمي تعطين كل شي حقه سواء تنظيمج للاكل او الرياضه او الصلاه او الاهل او الشغل يعني وزعي جدولج على حسب احتايجاتج وتعلمي تنجبرين اطبقين كل شي وتجبرين اللي حولج يحترمون وقتج ))

هذي الجملة وايد عيبتني وقريتها أكثر عن ٥ مرات .. لأني أحس فعلا هذا اللي مخلي حياتي وحياة كثير من الناس مخربطه ,,, بس كيف التطبيق .. نتكلم وبس ووقت التطبيق نشوفه صعب !!!

اشكرج الغالية على الإطراء الجميل / بالنسبة للتطبيق ، مثل ما قلتي ، صعب التطبيق ، أتفق معاج ... لكن بالمحاولة كل شي يسهل عليج ...
في بداية الأمر ، كتبي في ورقة جدولج اليومي والروتين بالتفصيل ، وانتقلي منه إلى الروتين الاسبوعي والويكنك .
وابدي في تقسيم الجدول ، قولي إني بقدر اسوي جدولي ، خلي المفكرة على طول عندج / لا تستهينين بكلامي / هذي حياتج ، خصوصية تتفردين بها عن باقي الناس ، حبيها واعطي نفسج الحق الكامل بالتمتع فيها .
بســــــــــم الله نبدأ:

1- اقوم الصبح بدري ، اذا انا اداوم بخلي النشه قبل طلوعي من البيت بساعتين وببتعودين والله العظيم وبتحبين يومج وايد وايد ، انش واسمي بسم الله وصلي وعقبها اشرب ماي دافي فيه خاشوقه عسل عصرة ليمون ، واسير الحمام ودلع نفسي بحمام دافيء متأني ، أهم الشيء التروي ، واطلع واتلبس وهندم عمري واسير اتريق ، وعقب الريوق الوقت للي بيبقى اقرى فيه شويه على كيفي . واذا ما اداوم بسوي نفس الروتين ولكن بدون سبوح ، بشرب ماي دافي ، بدش الحمام وبدهن جسمي وبطلع بمشي على المشاية نص ساعه وبلعب رياضة وبخلص ن عقبها برتاح في جو هادي وانا اقرى كتاب لمدة 20 دقيقه نص ساعه وبدش الحمام وبكون مجهزة خلطات وبحطها على جسمي وبتفرك يعني برتب جدول على حسب اللي يحتاجه جسمي ن بقعد في الساونا انا ارتب وجسمي يتأقلم .. وطلعي وتريقي وعقبها بغيتي تكملين رقاد كيفج تروحين اي مكان كيفج .... هذا مثال ما ببالغ زود كلن حسب يومه .

2- بكمل الجدول على حسب وضعي الاجتماعي والاسري ، بخلي وقت حق عيالي ، وقت لنفسي ، وقت لريلي ، وقت لهليه وهله ، وقت للعبادة ، ووقت للراحة ,,,,,,,,,,,, مش صعب شوية إصرار وعزيمة وكل شي بيمشي ..

3- حطي فيبالج مش كل شي نباه بيينا بسهولة ، مع شوية صبر ، مرة جدول مضبوط ومره متخربط ومرة هذا بدال هذا ، اهم شي رتبي كل شي في الاسبوع ولا تبالغين في اعطاء كل شي اكبر من حجمة .
الرياضة تكفي 3 مرات ، المشي كل يوم ، الساونا 3 او مرتين . وجيـــه

[زيورخ]

دفوشة

شكرا عزيزتي ع مشاركتنا تجربتج

بس ليش بظنج ماقدرتي تنزلين
هل كنتي اطبقين الريجيم بحذافيره ؟؟

ولا كنتي تخربطين ؟؟

إضافة جميلة تشكرين عليها

[دفوشة]

دفوشة

شكرا عزيزتي ع مشاركتنا تجربتج

بس ليش بظنج ماقدرتي تنزلين
هل كنتي اطبقين الريجيم بحذافيره ؟؟

ولا كنتي تخربطين ؟؟

إضافة جميلة تشكرين عليها

الغالية انا اطبق الريجيم بحذافيره

بس يختلف من جسم للثاني وقابليته للنزول

[زيورخ]

امممممم

يعني مافيه شي اسمه ريجيم ينزل خلال اسبوع ٦ أو ٨ كيلو ؟؟

أصلا منطقيا غير أنه مب صحي مب منطقي ولا واقعي أساسا

هذا لو تم انسان من غير أكل امره اسبوع كامل ماظني بينزل ٨ كيلو

شكرا عزيزتي

[زيورخ]

نبا نسمع تجارب واقعيه

نتمنى الإفادة للجميع

[زيورخ]

alna8h

ماشاء الله عليج أختي العزيزة
ربي يبارك فيج وفي وقتج وبيتج

من الأمثلة والشخصيات الجميلة اللي الواحد لازم يقتدي بها..
لأن فعلا كل واحد لازم يرسم حياته بهالطريقة وبتتغير أشياء كثيره فيها للأحسن ..

أنا دايم أفكر بهالطريقة وأتمنى فعلا بتطبيقها من فترة طويلة
ولكن دايم ما استصعب البداية وأخلي الأيام وظروف الحياة تجرني على ماتريده
وأعيش اليوم بيومه شو مايمر فيه من مواقف وحيثيات ..

خلينا الدنيا تجرنا وماحددنا نظام حياة صحي وممتع من المفترض اتباعه وإعطاء كل ذي حق حقه ..
حياتنا تلقائيا بتتغير وبتصبح أكثر ممتعة وجميلة ..

شكرا من الأعماق عزيزتي
وشوقتيني اعرف كيف نظام حياتج وجدولج اليومي



.
.

هل من خبرات وتجارب يديده
نستفيد منها..

أنا في الانتظار

[alna8h]

alna8h

ماشاء الله عليج أختي العزيزة
ربي يبارك فيج وفي وقتج وبيتج

من الأمثلة والشخصيات الجميلة اللي الواحد لازم يقتدي بها..
لأن فعلا كل واحد لازم يرسم حياته بهالطريقة وبتتغير أشياء كثيره فيها للأحسن ..

أنا دايم أفكر بهالطريقة وأتمنى فعلا بتطبيقها من فترة طويلة
ولكن دايم ما استصعب البداية وأخلي الأيام وظروف الحياة تجرني على ماتريده
وأعيش اليوم بيومه شو مايمر فيه من مواقف وحيثيات ..

خلينا الدنيا تجرنا وماحددنا نظام حياة صحي وممتع من المفترض اتباعه وإعطاء كل ذي حق حقه ..
حياتنا تلقائيا بتتغير وبتصبح أكثر ممتعة وجميلة ..

شكرا من الأعماق عزيزتي
وشوقتيني اعرف كيف نظام حياتج وجدولج اليومي



.
.

هل من خبرات وتجارب يديده
نستفيد منها..

أنا في الانتظار

الله يذكرج بالخير وين ما تروحين وتكونين
حاليا بعد ما اجبرت نفسي على الالتزام بجدول رياضي يناسب وقتي وحياتي
حبيت اضيف اليوغا yoga للجدول ...
بخلي يومين يوغا ويومين رياضة لاني اكتشفت DVDs لليوغا والرياضة لنفس المدربات تنفع للحامل .. بحيث انه لو حبت الحامل تمارس الرياضة مافي مجال تترك........ويخترب اللي سوته...
فقررت التزم بجدول وماعرف يمكن تصيب ويمكن تخيب ؟؟
و باذن الواحد الاحد انها بتصيب وهذا عشمي واحساسي واليقين بالله تعالى يقوي عزمي من هاي الناحية ...
يالله شدي حيلج ورتبي لج جدول والتزمي فيه وحطي بدائل لو طلعتي السوق وراح عليج اليوم كيف تسوين رياضة ولو سافرتي كيف تعوضين ولو ياج ظرف طارئ شوتسوين ............
وافدينيا انتي ...........