حب خلف الكواليس

[memo22]

الصراحه انا مستغربه منج
كيف ما لمتي ريلج ولا زعلتي عليه ولا عاتبتيه ولا عاقبتيه
حبيبتي ريلج حبها و هي كانت ياهل عمرها 14 سنه ما نقدر نلومها اذا تعلقت فيه
تعرفين شو معناة 14 سنه يعني بنوته و المفروض اقل شي عمر ريلج كان 22
وين توازن الامور عندج ، تقولين يحبها يموت فيها و ما يبي يتزوجها
والله لو انا مكانج اهون علي يتزوجها لانه ها بيدل على اخلاقه انه انسان نبيل و ما كان يتسلى في هالبنيه
كل ها السنوات وكيف يحبها و مايباها كل هالسنوات
صح ان علاقتهم غلط في غلط لكن البنيه غمضتني، ويمكن تصرفج صحيح لكن وين موقفج من ريلج
الله يصلح الحال و يسعدج و سامحيني لكن هذا رايي بصراحه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بين نارين]

لو مكانج بقول له يتزوجها ويفكني من هالحرب النفسيه
جيه ولا جيه انتي راضيه وموقفج ضعيف
وياخذها بالحلال احسن من الحرام
واصلا ريلج مب ناوي يتركها
والله يعينج

[دمووووع]

والله انه يتني الغبنه على حااالج..

فديتج والله حاسخ فيج...لو مكاااااانج اكيد بحتاااار وما بعرف شو اسوي
مع ان مب هذا طبعي...!!
بس موقفج وااايد صعب وربي يكون في عووونج


اللي سويييته صح..زين يوم انج خبرتي امها..,لو انها جليلة الحيا ما تحس..ردت تكلمه مره ثانيه !!
انا من رايي تخبرين ريلج يحط حد وياخذ قرااار في هالشي..
لااااااااااازم يكون حاسم واخييير ...

خليه يقرر ..!!

الغلا حاولي وانتي ترمسينه تنغزينه بالرمسه...قوليله انج تخافين ان الله يرها في بناتكم>>>الله لا يقول..بس صدقيني بيفكر فيها مليوووون مره..ومافي اغلى من الضنى ...


هذا اللي عندي الحينه ..وان شاء الله برد على موضوعج مره ثانيه اطمن فيه عليج...

الله يعينج ويريج بالج ويصرف عن ريلج بنات الحرام

[شهيق]

فديتج : (


ما شاء الله عليج

الله ما يبلي عبد إلا و هو يعرف مقدار صبره و يختبره لحد وين يقدر يصبر

ربي يحبج حبيبتي

وشو غير الله نبغي حبه !


والله قلبي عورني واايد فوق ما تتصورين

ما اتخايل أكون ف موقفج ما بقدر أصبر بنهار بنهار بنهار !!


بس ما شاء الله عليج اصبري وصابري ورابطي !! والله معكِ ثقي ثقي ثقي


واستمري بحبكِ لزوجكِ و كوني دومآ عظيمة في نظره ولا تبيني له أي شئ >> بالنسبة لي ما أقدر أسوي هالشئ

بس حسيتج إنتِ قويه ما شاء الله عليج و استمري الله يكون ف عونج

والله يخليج الله يخليج


اتصلي لمستشار أو مسشارة وطمنيني عليج

الله يخليج





ربي يكون معاج حبيبتي


طمنيني

[h2h]

الغلا اللي انتي سوتيه صح ولاتحسين بالذنب ابد . .

وريلج واجهيه بهالشي ليش ساكته ؟؟؟!!! ما اعتقد ان الوضع اللي انتي فيه عاجبنج . .

صارحيه وشوفي شو رده . .



والله يهدي الجميع . .

الله يعينج اختي والله اني تأثرت وايد بقصتج

الله يصبرج ولا تسكتين .. سكوتج اللي يخليه يستمر بها الشي

دايما واجهيه

خله يحط حد لهاي العلاقه ! اللي مادري شو نهايتها

والـ 14 سنه مب شويه

عمرررررررر

[الخــــــــافق]

شكلج طيبة...
لدرجة انج تلومتي فيها ان صارت مساكل بينها وبين اهلها
وهلي ولا فكرت فيج و14 سنة تلعب عليج...

هاي ما عندها قلب

وانتي قوي قلبج
والي سويتيه صح
طلعي عينها...
وخليها تندم انها فكرت في ريلج..

اتصلي خدمة الامين وقوليلهم الساالفه
وهم بيأدبونها لج...
وبيحلون لج السالفه بكل سرية وامانه...

وريلج ...

حاولي تشغلينه بأي ش عنها
طلعي معاه
فاجئية بليلة حلوة ورومانسية تنسيه هالعله...

والله يعينج

[أم عبير..]

الصراحة ما ادري كيف صابره على خيانته لج
لو انا منج رحت بيت اهلي لين ما يعدل تصرفاته
كرامتي ولا ان يضحك علي من وراي وانا ادري فيه

الله يصلح من بينكم وحاولي تكلمينه ولا تسكتين عن حقج
صدقيني لو كانت هالبنت جدامي وتكلم ريلي ما اخلي شيء صاحي فيها
واسوي لها اكبر مشاكل بس عشان على قولتج احمي زوجي منها

دائماً ادعي بهالدعاء ((اللهم اصلح ذات بيننا))..

[ابتسامة قمر]

الله يقووووووووووووي قلبج ويصبرررج

مااعرف شو اقولج اختيه


بس الله وياااج وان شاء الله ربي يفرجها عليج

[memo22]

الصراحه انا مستغربه منج
كيف ما لمتي ريلج ولا زعلتي عليه ولا عاتبتيه ولا عاقبتيه
حبيبتي ريلج حبها و هي كانت ياهل عمرها 14 سنه ما نقدر نلومها اذا تعلقت فيه
تعرفين شو معناة 14 سنه يعني بنوته و المفروض اقل شي عمر ريلج كان 22
وين توازن الامور عندج ، تقولين يحبها يموت فيها و ما يبي يتزوجها
والله لو انا مكانج اهون علي يتزوجها لانه ها بيدل على اخلاقه انه انسان نبيل و ما كان يتسلى في هالبنيه
كل ها السنوات وكيف يحبها و مايباها كل هالسنوات
صح ان علاقتهم غلط في غلط لكن البنيه غمضتني، ويمكن تصرفج صحيح لكن وين موقفج من ريلج
الله يصلح الحال و يسعدج و سامحيني لكن هذا رايي بصراحه

[يدووه موزه]

حسبي الله ونعم الوكيل
الله يعينج حبيبتي

[سنفونية]

خيييييييييييييييييبة ا14 سنه جذب ما اقدر الصراحة اقول شييييييييي

[الغنادير]

الموقف جدا صعب...
تحملي فديتج تروحين بيت هلج وتهدين "القرعه ترعه".. اكبر غلط...
شوفي لازم تكلمين اخوج اوابوج تدخلينهم في السالفة حتى يكلمون اهلها ويرمسون ابوها حتى يأدبها
ولا عليج من حد .. علاقتهم مع بعض كيفهم يتضاربون يتزاعلون تراهم اهل وينيازووون

اتصلي ابها وهدديها انج بتفضحينها في الجامعه , ومثل ماقلتي اهيا استاذه فطبيعي بتخاف على سمعتها ومركزها الوظيفي, فبالتالي بتوقف عن سوالفها البطالية مع ريلج...

والله يعدي امورج على خير...

[عليونة]

تصرفج كان صح
وسويها مرة ثانيه خل يحطون حد لبنتهم..وان اضطريتي راويهم مسجات بنتهم عشان يعرفون حجم المشكله
وريلج واجهي قوليله يا انا وعيالك يا خربطانك..وان رد مرة ثانيه لسواله هاذي خلي ابوج واخووانج الاولاد يتفاهمون معاه حتى لو يا يرمسج قوليله تفاهم مع اهلي..خليهم هم ايون البيت مب انتي تروحينلهم لا تطلعين من بيتج

[قارب uae]

صدق الله يعينج

شكله ريلج مدمن بحبها و لا تزعلين من رمستي بس أتوقع لقى عندها شي هو يحتاجه و يفتقده
بس حبه لج و لأولاده و حبه للاستقرار خلاه يرفض يتزوجها رغم السنين الي بينهم
انتي محظوظه من هالناحيه و هي أكيد تتعذب كل يوم و تسأل نفسها ليش ما ياخذها ؟!
زين انج خبرتي أهلها عسب يراقبونها و ما يخلونها على راحتها
أدري صعب تقطعين علاقه ظلت سنين بس خلج متأكده ان بيتج ان شاء الله ما بينهدم و هالشي بايدج انتي
خلج واثقه من نفسج و حاربينها حرب نفسيه

تعرفي شو هي الحرب النفسيه ؟؟؟؟

بينيلها انج قويه ما يهزج ريح خلج حاضره في كل المناسبات الاجتماعيه و بيني انج عايشه مرتاحه
و انج شرات العروس كل يومين طالعه مع ريلج او مسافره
بيني لناس ان ريلج يموت فيج و مغرقنج هدايا عسب يوصلها هالشي
حاولي تخلي ريلج يقعد في البيت أغلب وقته بأي حجه تخترعينها .. العيال و طلباتهم او حاجه في البيت محتاجه تصليح
او لاي سبب

خليها تحس ان زوجج ما يستغنى عنج و انه مرده لج
اطالعيها بنظرة غرور و بينيلها انها كاسره خاطرج لانه ما خذاها

اعلني الحرب النفسيه و خلي بالج طويل و طبخيها بنار هاديه ^_^

[الرحيق]

شيلي من بالج كلمة ما اقدر اواجهه

لانج لااازم تواجهينه وتكلمينه وتحطين النقاط على الحروف بخصوص هالعلاقة ..

خيريه بينج وعيالج وبين هالعلاقة المحرمة

انتي لو تحبينه من صج جاان خفتي عليه من الحرااام الي يسوسه كل يوم ومن عقاااب الله ..

وتبين الصج الغلط كله من ريلج الي عاجبه الي يصير ..

محصله زوجة متفانية ومريحته على الاخر ..

وبالجانب الاخر عشيقة .....

الله يعينج على هالحااال