الظلم ظلمااااات

**بطاقه** · 2010-05-26, 12:42

كل سنه اكتب هذا الموضوع

بتبدأ الاجازه الصيفيه وزوجي بيسافر مع زوجته وعياله لمدة شهر الى اوروبا

للسنه السابعه على التوالي , وانا وعيالي ما لنا نصيب ..

انا خلاص عادي طلع من خاطري هالشي بس عيالي يغمضوني خاصة ولدي وايد متعلق

بأبوه ..

انزين يوم هو ظالم ليش زوجته تعينه على هالظلم ؟؟؟؟ والله الانسان شو بياخذ من هالدنيا

غير كفنه الأبيض وعمله !!

ودنا نسير نعتمر وأراوي عيالي الكعبه والحرم .. الله كريم

لا إله إلا أنت سبحانك إني كنت من الظالمين

المزيد من آخر المواضيع من نفس القسم:

**ابتسامة قمر** · 2010-05-26, 12:52

فديتج حبوبتي

الله ايسر لكم اموركم ان شاء الله

وربي يلين قلب ريلج ويسفركم وين ما تبون 70 سنة ع التوالي ^_^ << توالي ولا توازي لوول

هممم حبوبة حاولي اتكلمينه في الموضوع .! او خلي ولدج يحن لوول

والله يوفقج

^^

**أم حـ م ـد** · 2010-05-26, 12:53

الله ايسر لكم اموركم ان شاء الله

ربج كريم الله فوق

***أم شهد*** · 2010-05-26, 13:02

(( لا إله الا انت سبحانك اني كنت من الظالمين ))

الله يلين قلب زوجج ويهديه ،،، وباذن الله اتجوفين الكعبه انتي وعيالج

**اخت بوحميد** · 2010-05-26, 13:19

انشالله تشششوفين الكعبه انتى واعيااالج000

والله يلين قلب زوجج لج ياااارب000

**عواشهـ** · 2010-05-26, 13:39

رمسيه بالهداوه اختي اتفاهمي معا\ه لاااااااااااااازم يعدل..

**ام سيفوه1** · 2010-05-26, 14:01

انا حاسه انج الزوجة التانية و الله اعلم
بس هذا هب مهم المهم دعواتي لج
الله ايسر لكم اموركم ان شاء الله
الله يسخر لج ريلج يل رب قولي امييين

دعاء حلو حق الزوجة لريلها

اللهم ألف بين قلبي وقلوب أهله برحمتك يا أرحم الراحمين..

اللهم سخر لي زوجي تسخير العبد لسيده..

اللهم يسر اموري معه واصرف عني شرة وأقنعني به وأقنعه بي..

اللهم اجعلني في عينه كبيرة وفي عيني صغيرة ..

اللهم افتح بيني وبين زوجي واهلي وانت خير الفاتحين..

اللهم ياجامع الناس ليوم لاريب فيه اجمع بيني وبين زوجي على خير..

اللهم اجعلني له كما يحب واجعله لي كما احب واجعلنا لك يارب كما تحب..

اللهم اجعل قلب زوجي معلق بحبك وبحب نبيك ثم بحبي

**الــمــدلــلــه** · 2010-05-26, 14:20

إن شاءالله يارب تسيرون العمرة وتراوين عيالج الحرم

والله يهدي ريلج ويعدل بينكم

واذا ولدج كبير أو في عمر يسمح له إنه يسافر بدونج
خليه يسافر ويا ابوه

أنا وريلي بنسافر فالصيف وأقوله خلنا ناخذ بنتك اللي من الحرمة الأولى ويانا،، بس هو يقول بعدها صغيرة يوم تكبر شوي بناخذها

**بطاقه** · 2010-05-26, 15:55

جزاكم الله خير

انا كلمته وايد بس ما فيه فايده

**الأمل الساطع** · 2010-05-26, 16:01

الله يعيينج ياارب ويحنن قلب ريلج عليج ياااارب ..!!

**عالية الغالية** · 2010-05-26, 16:19

لاحول ولا قوة الا بالله

المشاركة الأصلية كتبت بواسطة AnOoOnA

مساء الخير اختي

حبيت اعلق ع عده الحلاقة

انا ريلي عنده نفس العدة ومشترنهااا 1800 ويمكن 15 قطعه

كان ريلي كل اسبوع يروح بوظبي بس عشان يتحلق عند الحلاق
ومن خذا العده ارتااااح وااايد..وصار برووحه يحلق..

وسعرج وااااايد مناسب ..والله يوفقج في تجارتج

**M!SS_GUCC** · 2010-05-26, 16:28

ياختي من حقج يسفرج ويعدل امبينكم

واذا مش راضي اتسافرون معاه علي الاقل يعطيج قيمة السفر فلوس عشان بس يعدل

ولله شي يقهر الله يصبرج

**بطاقه** · 2010-05-26, 18:30

انا ما أبغي فلوس عفت كل شي ، بس أبغي ولدي يستانس بعد تعب المدارس

والواجبات والحبسه في البيت .

**ملكة الاحاسيس** · 2010-05-26, 19:07

سواء كنتي الاولى او الثانية .. الظلم ظلمات .. فعلاً

كان المفروض تناقشيه بالتي هي احسن .. وتتفهمي معه لماذا يتصرف بالتصرف هذا ؟ هل من قلة الفلوس ؟

هذه مشكلة الرجل المعدد ... يفضل امرأة على اخرى للاسف .. لذلك ترفض النساء التعدد

**UmKhaloof** · 2010-05-26, 19:28

الله يهديييه...بس الي قاااعد يسوييه حرااام...وييين العدل....!!!!!!

الموضوع: الظلم ظلمااااات

أدوات الموضوع

عرض

الظلم ظلمااااات

المزيد من آخر المواضيع من نفس القسم:

المواضيع المتشابهه

هــــــــــام جدا لكل مسلم يعاني من الظلم أو يجابه الظلم.....

وقاني الله وإياكم شر الظلم وأهل الظلم...

الظلم وما أدراكم ما الظلم؟؟؟؟؟