++** التجمع الأول للمستغنيات عن الخدامات**++

[ام سالم]

تبارك الرحمن

تعجبني الحرمه قوية الاراده

اولا خذوها نصيحه ما في شيء سهل ولكن كل شيء اييي بالتعب والجهد تكون ثماره حللللللللللللوه وطيبه

ثانيا ما وصيكن بصلاة الفجر في وقتها والدعاء وصلاة الشفع والوتر متى ما تبين قبل الرقاد ولا عقب صلاة العشاء ولا قبل آذان الفجر بربع ساعه مثلا بتشوفين ابركه عجيبه في بيتكم وصحتكم ومالكم

ثالثا حاولي اتخلصين اي شيء سهل اول باول

رابعا علمي عيالج انهم يعتمدون على نفسهم في ابسط الاشياء على الاقل واشوي اشوي الين ما يتعلمون الاشياء لكبيره وصدقوني ها بحث سووه والنتيجه انه الاطفال اللي يشتغلون في البيت ويساعدون امهم كانوا من الاوائل والشطار ليش شو الاسباب ما ادري بس ها بحث وانا شفته في الحياة الواقعيه مع العوائل الوافده سبحان الله

خامسا لا تثقلين على عمرج واللي تقدرين عليه سويه الدنيا ما بتنهد والشغل ما بيوقف ولا بيخلص فخليج ريلااااااااااااااااااااكس

سادسا الاكل حاولي تسوين كذا شغله في وقت واحد مثلا الغداء والعشاء او اتتجهزين حق العشاء مع الغداء وعقب تطبخين العشا مثلا طبعا ها بتكتسبينه بالخبرة والاخطاء

سابعا لا تنسين انه الاجر العظيم للحرمه اللي تقوم وحافظ على بيتها وحدمته واحتسبي الاجر عند الله وتعبج ما بيضيع وانا اختج

الله يوفقنا جميعا ان شاء الله

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ralbadi01]

أنا بعد أطبق شعار لا للخدمات

[ஐ عَـفـرٌة ஐ]

مستحيـل ادخل خدامة بيـتي
اكرهـهم على كثر ما عذبو امي

[دنياالاسلام]

انا يا الغوالي

عندي 3 عيال لكن بعدنيه ما طلعت بروحي فالبيت

لكن انتوا اعلم بجيل هاليوم يبيلهم تربية وغيره

والبيت من صوب

والريل من صوب

وكله يباله اهتمام

انا الحمد لله ما عندي شغالة ولا افكر بعد

لكن احاول انظم وقتي كل يوم ارتب لي شي

لكن انا بخركن اللي تقوم الصبح وتبطل رقاد لين 9 و10

وتقوم بعد صلاة الفجر وتنظف بيتها احسن لها عن الخمول

ويمدها تخلصه كله قبل لا يقومون اليهال

وبعدين الوحدة لازم تعود عيالها على النظافة وانا تخخليهم ينظفون وياها

عشان يعتمدون على انفسهم ويكون البيت مرتب اول بأول

[alramla]

أنا عانيت وايد من الخدم في الماضي والحين صار لي أربع سنوات ما فكرت أدخل وحدة لبيتي والحمد لله أموري ماشية تمام وبيتنا ماشاء الله متروس يهال كبار وصغار وعيال خواني مرات ييون عندنا بعد بس أسيطر ع الوضع تمام تعرفون يهال يوسخون ويخربون يبيلهم واحد يجابلهم لكن كل شي يهون ولا مشاكل المشاكير اللي ما ترتاح لهم أبد ...التنظيف والترتيب لازم يكون باستمرار لأنه تراكم الشغل بيكون صعب عليج تخلصيه الا اذا كنتي باستمرار تهتمين ...
الوحدة تعيش مرتاحة لما تخدم بيتها وريلها وعيالها بروحها والله ياجرها على عملها هذافي الدنيا والآخرة ...وان شاء ما نحتاج للخدم أبدا ...

جوفوا الشعب الصيني كيف عايش خذوا الحكمة منهم هم ما يعتمدوا أبد ع الخدم حتى الأغنياء منهم الكل يشارك في العمل صغير وكبير ويتعاونون حتى الصغير اللي في الروضة يعلمونه ع الترتيب والنظافة حتى تكبر معاه هذه الصفة ...

واسمحوا لي ع الاطالة شكلي هذرت وايد عليكم ><

[حرمه يديده]

ما شاء الله عليكن .. انا صح ساكنه في بيت اهل ريلي و ما عندي غير حجره و حمام عزكن الله بس بروحي انظف ^^ و مرات ادخل المطبخ ،،

ربي يعطيكن العافيه ..

[أم عبدالعزيز8]

الصرااااااحه هالتجمع عيبني وااااايد وان شاء الله الكل بيستفيد من التجارب بعضنا بعض،،،، انا يبت شغالتين والحين الثانيه بتسافر وان شاء الله ما بيب غيرها من الرغم الكل الي حووولي مب مشجعيني إلا ريلي فديته مشجعني،،،، وعندي ولد 5 سنوات وبنوته 3 شهور ،،،،،،و ساكنه في بيت بروحي وان شاء الله بهتم بعيالي وبيتي روحي من دون شغاله وطبعاً استقلت من وظيفتي علشااان عيالي فديتهم هم اهم شيء عندي محد بيكون احن عليهم غيري

[Lady Oscar]

هلا ومرحبا بكم

أنا شغالتي خلصت مدتها وروحت والحين بروحي اشتغل في البيت

صح أنه شغل البيت متعب شوي بس أنا امرتبه وقتي

بس عندي مشكلة صغيرة إن عندي ماشاء الله 4 أطفال وأصغرهم امتعبني

عمره سنه و4شهور يعني فالطلعات ما أروم اطلع بروحي لازم آخذهم كلهم وياي

وطبعا متعبين فالطلعة حتى كنسلت اشتراكي فالنادي ( الآيروبيك) لأن ما عندي حد ييلس وياهم

وكنت اتدرب عالسواقة وبعد قطعت تدريبي بسببهم

شغالتي الأولية كانت تمسك عيالي فغيابي خاصة إني ساكنة بعيييييييييييييد عن أهلي وريلي كله مشغول

الشغالة فهالظرووووووف وجودها ضروري

[ام راشـد]

حاليا ما عندي واتمنى اتشجع واتم مثلكم بدون مشاكل الخدم

[الياسية]

ان شاء الله .. الله بيساعدنا وبنصمد من دونهم

[qween12]

وأنا ويااااااااج لحد ألحينه ....رافعه شعار ....لا للخدامه ف بيتي

بس لين الحين الشغل شوي اذا تراكم الشغل ما في حل غير الخدامة
هاي قاعدتي

[اخت بوحميد]

انا معاكم بس يونا عرب وااايد والله احتاى على اقل وحده تساعدنى

[شمس الامارااات]

ما شاء الله زادوا المستغنيات عن الخدامات ^^

ان شاء الله طول عمرنا ما نحتاجهم
لانه بلاهم اكثر من نفعهم ^^

[الريـم2009]

حتى انا ابي اكوووووووون وياكن مع اني ساكنه فبيت اهل زوجي وعندي غرفه وحمام بس خخخخ

ومووووووووووووول ما اعتمد ع الشغاله الا بغسل الملابس ,,,,,,,,,,,, غصبن عني ريلي مايخليني وحاولت وياه اييب لي غساله فالحمام عندي تم فتره معاند الفكرة بس احسه اقتنع من يومين خخخخخخخخخخخخخخخخخخخخ

عندنا 3 شغالات وعععععععععععععع مادانيهم خيييييييير شرررررررر ولا اعتمد عليهم بأي شي احب اشتغل بنفسي كفايه وقت الفراغ اللي اقضيه اسلي عمري بالشغل خخخخ

[حلاتي ف غلاتي]

امممممممم انا بعدني عزابيه بس مستحيييييييل ادخل خدامه بيتي لو تزوجت ^^

عندنا فالبيت 3 خدامات وبصراحه الكل يعتمد عليهن فوايد اشياء بس اانا ماحب اعتمد عليهن ابببببد والحين اتعلم شغل البيت لاني كنت دلووعه ما عرف اسوي شي موووووووول اذا دخلت المطبخ لازم احترق بس الحين بديت اتعلم الحمد لله ^^