الريال والتطنيش

**اسمهايت** · 2010-05-23, 08:00

طنشيه
اثقلي عليه
كوني غامضه
بيموووووووت عليج ريلج

اهتمي فيه
خافي عليه
تحاتيه
تلبي طلباته
تزعلين لزعله

يطنشج

ليش؟؟؟؟؟؟؟
ليش الريال يحب الوحده الى تنفض له على قولة اخوانا المصريييين؟

حد منهم جاوب لان هذا طبعنا ونحب نحن الى نلاحق الحرمه

انزين والى تحب وتهتم وتخاف وتدارى هذا جازتها؟؟؟؟

شو رايكم؟

وكل وحده تخبرنا طريقتها لكسب قلب الزوج؟؟؟

المزيد من آخر المواضيع من نفس القسم:

**العفريتة** · 2010-05-23, 08:03

صح والله
كلام 100% حلو
عن تجربة .....

**سحــر العيـون** · 2010-05-23, 08:06

هاهاهاهاهاهاهاهاهاهاهاها شكلج اتعانين

اذا عرفتي الريال في شو ايفكر في يوم...

فاتأكدي هذا بيكون اخر يوم في حياتج...

جربي اسلوب الاعتدال...لا تهتمين فيه وايد ولا اتطنشينه وايد...هذا احسن حل...

الريال ايمل من حكر الحرمه...ما ايحب ايكون محصور بالاصح ما ايحب الاهتمام الزايد عن حده...

حسسيه بالامان متى ما هو يحتاج...مب تعطينه الامان عمال على بطال...ينفر...

مثل الزرع اذا سقيتيه زياده عن حده ايموت...

الاعتدال ثم الاعتدال...

بصراحه هذا الي اتبعه انا...

**رحلة الحب** · 2010-05-23, 08:08

ياختي هالرياييل ماينعرف لهم اذا كنتي تدارين وتهتمين فيه يقول لاصقه فيني واذا طنشتي يقول ماتهتم احسن حل الوسط مره جذا ومره جذا والله يكون في عونا

**الام عائشة** · 2010-05-23, 08:09

صح كلامج بس الوحده ما ازيد العيار عن يطفر الريال

**bellegirl** · 2010-05-23, 08:20

الاعتدال غاليتي أحسن حل في معاملـة الزوج

**GirLysh** · 2010-05-23, 08:40

بصراحه الرياييل ماينعرف لهم معنهم واضحين وضوح الشمس
ونحن نقدر نفهم اكثر ماهم يفهمونه ,, بس شو نسوي

الريال بطبعه مايحب الحكره ومايحب حد يسأله وين رايح ومن وين ياي
ولا منو ترمس ولا شو تسوي

يبا يكون على راحته .. انا عن نفسي كنت في بدايه زواجي وااايد أسأل
واشوفه ينفر بس بعدين بعد ماربيت بحكم القدر << حلوه ههههه .. بحكم اني يبت بيبي
فإهتمامي شوي قل بس بعدني اهتم فيييييه وساعات اطنش بحكم اني انشغل ويا البنوته
وهالشي خلاه يتعلق فيني اكثر سبحان الله ,,

الريال مايحب لا الاهتمام الزايد ولا التطنيش الزايد يعني كوني وسط في المعامله ,,

**Hno0odah** · 2010-05-23, 08:43

صح اللي كتبتيه
بس انا من رايي اكون معتدله اخر شيء

**ام ثلاثة بس** · 2010-05-23, 08:44

حاولي تعيشين حياااتج الخاصة اقصد اهتمامج بالاشياء اللي تحبينها
وفي نفس الوقت اهتمي بعد بالاشياء اللي يحبها
وحاولي في يوم تغيرون جوووو وياا بعض يكون مكان بعيد شوي عن اجواء الروتين

وصدقيني بتحسوووون بفرق فضيع

**شما المحيربي** · 2010-05-23, 08:51

**اسمهايت** · 2010-05-23, 08:58

لا اله الا الله

**قمر هيا** · 2010-05-23, 09:06

حاولي تكونين ذكية وتعرفين متى لازم تكونين معاه ومتى تخلينه على راحته وعيشي حياتج......الريال يحب الحرمة اللي تكون لها حياتها واشغالها.....ماتكون عايشة عشانه بس ويالسة تتريا منه يكلمه ويعطيها ويه....انا والله لا اسال ريلي وين سرت وليش ومن هالكلام لانه كان يطفر يوم كنت اساله.......حتى بالليل جربت كم مرة ارقد قبله لما يتاخر.وماكنت اقوله ولاشي ليش تاخرت وانا ترييتك.....والله من يومها.....يتصل فيني يقولي لاترقدين انا ياي مابتاخر....والحمدلله

**فدى UAE** · 2010-05-23, 10:50

و الله الرياييل طبعهم غريب الوحدة ما تعرف كيف ترضيهم انا يوم اهتم في ريلي احسه يضايق و يطفر و يوم اطنشه يزعل

**يدتي حياتي** · 2010-05-23, 10:58

أنا اذا طنشته يعصب ويقول ليش ما تسألين عني يوعان شبعان وشو فيج متغيرة وووووالخ
استأنس يوم اشوفه لاحظ أني ما اتصل ولاحظ غيابي بس بعد يكسر خاطري اقول ف نفسي ليش اسمع كلام البنات واطنشه الحين لو طنشني شو بيكون موقفي عسى ربي لايحرمني من طيبته وحبه ان شاء الله

**ديــايــه** · 2010-05-23, 11:23

يحبون الاهتمام ... بس مش الاهتمام الزايد عن حده ..

لانه بالاهتمام الزايد يحسون بالتقيد وتنلغي حريتهم عشان جي يطفشون ..

مايحبون التغلى .. مايحبون حد مايسال عنهم ..

جي مليون سوال وسوال يدور في راسه ..

ليش شوه عندها ماتتصل وينها ماتسال عني ..

وهوه يرد يتصل ولاحظوا يسالج شوه عندج لاهيه ..

والا ليش متغيره ..

خاصه اذا قبل كنتي وايد مهتمه ومره وحده تغيرتي ..

بس انا اللي الاحظه انه اللي تتغلا عليه وماتسويله سالفه .. بس بحدود

واللي عايشه حياتها بالطول والعرض .. هنه تحصلينهم متخبلين يدورونها يخافون يخسرونها ..

بس يوم يتاكدون انها ميته فيهم وماتحب غيرهم وماتبا شي ثاني غير وجودهم في حياتها ..

يكبر راسهم .. يقولون بنسير وبنسير وبنسير وبنرد بنحصلها تتريانا .. عشان جي يوم يكون واثق من حب الشخص الثاني خلاص مايهمه ومايبادر بالاهتمام...

احنا للاسف عاطفيات .. نحب نبين لهم انهم حياتنا كلها ..

وانه الدنيا بلاهم ماتسوى .. وهاي اكبر غلطه نسويها في حقنا ..

لانه هنه يبدا يثق انه خلاص ملكج .. ويطمن ويسوي اللي يباه ويعرف انج بتترينه

الموضوع: الريال والتطنيش

أدوات الموضوع

عرض

الريال والتطنيش

المزيد من آخر المواضيع من نفس القسم:

المواضيع المتشابهه

هذا الريال!!!!!!!!!!!!!!!!!!!!!

تفكير الريال

زوجي والتطنيش..:(

الريال الريال و كأنه محور الحياة