شو رايكم ؟

**دلعها غير** · 2010-05-23, 00:54

--------------------------------------------------------------------------------

بسم الله الرحمن الرحيم

السلام عليكم ورحمة الله وبركاته

حبيت أطرح عليكم هالموضوع اللي محيرني من زمان وأبغي أشوف آراءكم المهمة ، واذا في إمكانية للي يقدر ، يحط مقترحات لتنظيم هالموضوع وراي الشرع والدين ، ويزاكم الله خير مقدما .

الكل يعرف إنه من فترة قريبة ما كنا نحصل بنات يشتغلن بنظام الشفتات إلا فيما ندر ، لكن ألحين انتشر هالموضوع بسبب الحاية وعدم وجود وظايف ، وأصلا الوحدة يوم تقدم أوراقها لازم أول شي توافق على العمل بهالنظام ، طبعا في بعض الدوائر مب كلها.

بس المشكلة في شفت الليل اللي يبدى عادة الساعة 10 بالليل وينتهي الساعة 6 الصبح ، أنا أشوف انه صعبة الحرمة تكون خاري بيتها في هالوقت ، طبعا هذا رايي الشخصي .

لكن في بعض الإدرات وجود الحرمة مهم في هالوقت مثل مراكز الشرطة والاسعاف والمطار والمستشفيات.فشو رايكم في هالموضوع خواتي .

المزيد من آخر المواضيع من نفس القسم:

**تاجرة عادية** · 2010-05-23, 01:05

هلا اختي //

انا ضــــــــــد شفتــــــــــــــــات للحرمة ..

يعني الريـــــــــــال غيـــــــــــــــر عن الحرمــــــــــة ..

مرة ريلي يا من دوام مبكر البيت وهو كان بشفت ذاك اليوم .. واتصلوا فية دوام قالوا له لازم تيي عشان الختم ...

ورد ريلي وقال لي تعالي وياي سليني بطريج (مسافة يعني ثلث ساعة).. سرنا ع ساعة 5 فير .. ..

يعني تخيلي لو حرمة اتصلوا فيها بليل وقالوا له تعالي

انا طبعا ضد ..

الله يسر امور اليميع يااااااااااارب ..

*** ام خماس *** · 2010-05-23, 01:18

طبعاا ضد الشفتاات 00مجتمعناا اسلاامي عربي خليجي

يعني حتى لو الوحدة وااثقه من نفسهااا ومااشيه بماا يرضي الله النااس

والمجتمع ما بيتركونهاا بحاالهاااا 00الاحسن انهاا تبعد عن الشر وتغنيله

هذاا رايي حبوبة ^_^

**شيخة الاخلاق** · 2010-05-23, 02:10

عني انا مستحيل ..

بس لو فكرنا فيها المرضى محتاجين ممرضات ...!!

اما اللاشغال الثانيه احسها صعبببببه ..

بس مانعرف الظروف اللي تحد الوحده ..

الله المستعاان

**العوف** · 2010-05-23, 03:03

المشاركة الأصلية كتبت بواسطة شيخة الاخلاق

عني انا مستحيل ..

بس لو فكرنا فيها المرضى محتاجين ممرضات ...!!

اما اللاشغال الثانيه احسها صعبببببه ..

بس مانعرف الظروف اللي تحد الوحده ..

الله المستعاان

**حوردبي** · 2010-05-23, 03:19

الحاجه اتخلي بعض الحريم يشتغلون شفتات ..

نحن في زمن الام والاخت والزوجه والبنت كل هذيل يساعدون في رفع مستوى المعيشه للاسرة ..

**سحــر العيـون** · 2010-05-23, 05:31

تدرون انا كان خاطري اشتغل في نظام شفتات...

بس لا اشتغلت بنظام عادي ولا شفتات...

احس كنت بستانس اذا اشتغلت شفتات...تغير يمكن مادري هذا رايي...

بس الاهل والمجمتع بيرفضون هالفكره من الاساس...

اذا بنتي بغت تشتغل شفتات في يوم ما بخليها... (بتقولون هاي متناقضه)

مادري المجتمع ما يتقبل...

**موكا كوفي** · 2010-05-23, 08:00

انا اشوف انه الشغل شفتات فيه تناااااااقض مع طبيعه الانثى ..
وبالنسبه لسالفه رفع مستوى المعيشه والحرمه تساعد .. اسمحولي اقول انه حب الكماليات هو اللي دفع معظم الحريم يشتغلن .. طبعا انا ما اعمم بس الغالبيه من الموظفات تخلن عن مسؤولياتهن الاسريه والعيال تربيهم الشغاله

**Hno0odah** · 2010-05-23, 08:48

بعض الوظايف انا اجوف ان عادي
وتحتاج ان يكون فيها حريم
بس اغلب الوظايف العاديه بصراحه واااااااايد صعبه

انا يوم حصلت وظيفه في المطار وكان الدوام شفت رفضت معن المطار واااايد قريب من بيتي

الموضوع: شو رايكم ؟

أدوات الموضوع

عرض

شو رايكم ؟

المزيد من آخر المواضيع من نفس القسم:

المواضيع المتشابهه

رايكم يهمني...بجامات ام امنة..اتفضلوا وقولوا رايكم بصراحه

شو رايكم بهالمثل.. مقتنعين فيه ولا... .؟ اختلفنا فيها انا وربيعتي.. رايكم يهمني

عاجل رايكم يهمني عطوني رايكم باسرع وقت لاني بحجز عندها

خالة تاخذ ابيض كيف جي ..؟؟ عرفنا رايكم لكن شو رايكم نعرف راي الدين