السدر للتبيض ومشاكل البشره السدر وما ادراكم ما السدر>>>>>

**كشيخه بوظبي** · 2010-05-20, 22:22

مرحبا خواتي اشحالكم عساكم بخير ^_^

خلونا شوي نرد للطبيعه وانا وااايد سمعت عن السدر شو رايكم فيه ....
انا استخدمه لشعري ولويهي طبعا توني باديه فيه

والحين بحط تجارب للبنات وانتوا بعد عطوني رايكم يا حلوات

السدر

السدر وماأدراك مالسدر ......................
والله يابنات اني ماني مصدقه ..
قبل كنت اقول السفيداب وبس ..
اللحين السدر وبسسس ..

رحت للعطار واشتريت بـ 20 ريال رخيص
وراح يقعد عندي سنه .. الكميه كبيره جداً
تخيلوا يابنات جربته مثل خلطة الاخت دريم مع الحليب البودره والماي الدافي .. على الجسم ..
من اول مره يبيض ولايتغير لونك ..

حطيته على الوجه يومياً .. البشره انشدت بشكل موطبيعي
وتفتحت 180 درجه ..

ماراح ازيد اكثر .. استعملو وشوفوا .......

تجربتي مع السدر .. إستمرت تقريباً شهرين .. ولازلت قيد الإستمرار ..
وذلك لما لمسته من نتائج حلوه و إن شعري بدأ يصير كثيف وطويل ..

مثل ماوعدتكم .. راح أنقل لكم تجربتي الرائعه على هالصفحات ..
ووالله ماأنتظر منكم .. غير الدعــــــــاء لي ..

بأن يفرج الله همّي ويشرح لي صدري وييسر لي أمري .. قولوا آمين

بإختصار :

إستعملت غسول السدر + حبوب الزنك (فيتامينات)
+ زيت بارشوت مخلوط بالمحلب المطحون .

أزيّت شعري بالزيت وأخليه أقل شي 4 ساعات وإذا قدرت أنام فيه ..
بعدها أغسل شعري بشامبو لطيف مثل جونسون ..
وآخر شي أشطفه بماء السدر ..
يعني أحط صحن فيه ملعقه كبيره سدر مطحون أو حفنة سدر
وأحط عليه ماي وأحركه وأشطف شعري فيه زين
وألفه بالمنشفه وبعدها أمشطه عادي ..
أصلاً تقدرين تستشورينه عادي ..
صحيح راح تلاحظين شعرك يخشن شوي بس ماعليك
إللي يبي الزين يتحمّل

بعدها عيشي حياتك طبيعي .. وبعد يومين كرري التجربه ..
وبعدها بيومين .. نفس الشي ..
بعدين كل أربع أيام .. وهكذا ..
كل ماتغسلين شعرك .. إشطفي بماي السدر شطفه أخيره ..
وإستمري على الحال ..

بالنسبه للفيتامينات .. إسمها إي زنك موجوده بالصيدليه ..
تاكلين حبتين باليوم .. وهي عباره عن معادن ضروريه للشعر ..
أو إستبدليها بزيت السمك ..

هذي بإختصار طريقتي ..
والنتيجه شفتها بعد شهر ونص أو شهرين ..
والله يابنات ماأبالغ بس فعلاً هذا اللي صار ..
تقريباً طال شعري 4سم ..

عن تجربة السدر ممتااااز لتوحيد البشرة ..

انا اخلطه مع حليب بودرة وشوية موية ورد واخليه على جسمي شوية وبعدين افركه..

honey boney انا لي سنة تقريبا استخدمه وما شفت منه اي ضرر..
تشاندرا الله يرزقك بكل ما تتمنيه..

السدر بالمرررهـ روعه للشعر<< يكثف الشعر
بالنسبه للبشره يفتحه انا اسوي ماسك بالسدر لبشرتي مرتين تقريبا بالأسبوع يصفي البشره ويخليها منوره
الله ينور وجيهكم بالايمان والطاعات والاعمال الصالحه ياارب

خواتي الغاليات ...

انا اليوم بعلمكم عن خلطه (بودره السدر ) حتى توحدون لون بشره

الجسم والوجه وتكون صااااافيه تماما من اى بقع ...

انا استخدمتها قبلكم قبل شهور بالتحديد في رمضان لما الجو كان

بارد واستخدميتها اسبوعين بس كنت مداومه عليها تعرفون اختكم

دريم بالها طويل في هالشغلات بس يشهد رب العالمين ان لون

جسمي صار وااااااااااااااحد ولا بقعه رجعتلي لليوم الحمدلله ...

والله يا بنات ان كنت دايما بعد ما اطلع من الحمام اقول في خاطري

سبحان الله كل هذا يطلع في السدر معقوله يسحب اللون الداكن

للبقعه من داخل طبقات الجلد وتختفي تماما في فتره بسيطه فعلا

سبحان الله ...

اعرف يا خواتي انكم ما بتذكرون كلامي الا يوم بتشفون ان اللون

الداكن اللي بين الفخوذ الداخليه والمناطق الحساسه بالذات كيف

صارت تتفتح عليكم من ثاني استخدام وفوق هذا كله جسمكم

بيصير ملمسه ناااااااااااااااااااعم وكلنا نعرف ان اي طبقه على سطح

البشره اذا تتجدد لازم يصيبها نوع من الجفاف لكن السدر مستحيل

بيسببلج اي نوع من الجفاف اثنا تجدد الطبقات السطحيه لبشره

الجسم او الوجه ... جربوا وانتوا احكموا.

مقادير الخلطه :-

3ملاعق كبيره من بودره السدر( بتحصلون بودره السدر عند العطار و

المحلات الايرانيه).

2 ملاعق كبيره من بودره اي حليب مجفف مثل نيدو

كوب كبير من الماء متوسط الحراره (لازم يكون الماي دافي

وحارشوي عشان المسامات تتفتح وتمتص الخليط )

اخلطواالمقادير مع بعضها لين ما يصير عندكم مزيج شبه سائل مب

عجين انتبهوا(مزيج شبه سائل)

وزعوا الخليط السائل على كامل بشره الوجه والجسم لفتره نص

ساعه ( تقدرون توقفون جدام المكيف عشان تجف الخلطه بسرعه )

ولما يمر الوقت وولاحظون الخلطه جفت مثل الحنه , ابتدوا فركوا

الجسم والوجه بايدكم فقط بدون ماء عشان تتخلصون من الجلد

الميت ولما تنتهون اطشطفوا عدل بماي باارد عشان تغلقون

المسامات .

ونعيما مقدما للجميع

طبعا اللي بشرتها دهنيه بس تخلطه مع الماي
وباقي البشرات مع حليب بودره

يلا فديتكم خلونا نستفيد وانفيد ^_^

المزيد من آخر المواضيع من نفس القسم:

**çϋтê мéмë** · 2010-05-20, 22:32

كنت من فتره طالبتنه وامس الا وصلني السدر

وان شاء الله بجرب فالويكند

مشكوووره الغلااا عالموضوع اللي ياا ف وقته ^^

**كشيخه بوظبي** · 2010-05-20, 22:38

المشاركة الأصلية كتبت بواسطة çϋтê мéмë

كنت من فتره طالبتنه وامس الا وصلني السدر

وان شاء الله بجرب فالويكند

مشكوووره الغلااا عالموضوع اللي ياا ف وقته ^^

انا بعد طالبه بس بعده ما وصلني
وبعد ما خذه من العطار

**فراشه_وردية** · 2010-05-20, 22:48

ششكرا الغلا

**ام ناديا** · 2010-05-20, 23:18

هلا حبيبتي هيه والله السدر شي عجيب بصراحه انا استخدمته لي اسبوع تقريبا شو صفا ويهي رووووووووووووعه طريقتي طبعا
ملعقه سدر
ملعقتين حليب الشاي انا استخدم ابو قوس
ثلاث ملاعق ماي ورد
تخلطينهم عدل طبعا ما تكون الخلطه سايله ولا غليظه
وتخليها مده 30دقيقه بتحسين ويهج شد وبعد ما تغسلينه مرري مكعب ماي ورد مثلج وشوفي النتيجه وااااااااااااااااو

**دمعتي الحزينه** · 2010-05-20, 23:20

السدر وااااااااااااااااايد حلو حق البشرة

**كشيخه بوظبي** · 2010-05-20, 23:29

المشاركة الأصلية كتبت بواسطة فراشه_وردية

ششكرا الغلا

الشكر لله

المشاركة الأصلية كتبت بواسطة ام ناديا

هلا حبيبتي هيه والله السدر شي عجيب بصراحه انا استخدمته لي اسبوع تقريبا شو صفا ويهي رووووووووووووعه طريقتي طبعا
ملعقه سدر
ملعقتين حليب الشاي انا استخدم ابو قوس
ثلاث ملاعق ماي ورد
تخلطينهم عدل طبعا ما تكون الخلطه سايله ولا غليظه
وتخليها مده 30دقيقه بتحسين ويهج شد وبعد ما تغسلينه مرري مكعب ماي ورد مثلج وشوفي النتيجه وااااااااااااااااو

هيه قمت احط بويهي بس اخلطه مع ماي بس عسب الحبوب وان شاء الله تختفي

المشاركة الأصلية كتبت بواسطة دمعتي الحزينه

السدر وااااااااااااااااايد حلو حق البشرة

انا ما كتبت الموضوع الا عقب ما عرفت ان السدر ممتاز للبشره والشعر ^^

**شط الأمان** · 2010-05-20, 23:38

بارك الله فيكن

**ليالي نيو لوك** · 2010-05-20, 23:47

السدر معروف ونتايجه حلوه وايد

**عنود الريم** · 2010-05-21, 00:05

يسلمووووووووووووووووووووووووووو

**ليالي نيو لوك** · 2010-05-21, 00:26

تسلمين

**متفائله دوما** · 2010-05-21, 00:53

السدر حلو ومفعوله اكيد واحسن من المواد الكيميائيه

**كشيخه بوظبي** · 2010-05-21, 01:12

تسلموووووووووووون حبايبي

نبى تجارب فديتكم ^_^

**مرااااايم** · 2010-05-21, 01:38

هيه صح وااايد زين ..
انا كنت استخدمه يوم ورا يووم .. بس احين وقفت لاني اعالج ومايصير استخدم شي غير الادويه!
وبرجع استخدمه ان شا الله عقب العلاج ..

**مكاني الكويت** · 2010-05-21, 02:23

مشكوره حبيبتي والسدر معروف من زمان للشعر والبشره

الموضوع: السدر للتبيض ومشاكل البشره السدر وما ادراكم ما السدر>>>>>

أدوات الموضوع

عرض

السدر للتبيض ومشاكل البشره السدر وما ادراكم ما السدر>>>>>

المزيد من آخر المواضيع من نفس القسم:

المواضيع المتشابهه

السدر

السدر

السدر

السدر .. ؟؟

السدر ....وما أدراكم ما السدر!!؟؟؟