اخوي وحرمته ...؟!

[المزيونه ظبيه]

السلام عليكم والرحمه شحاااااااااااااااااااالكم اخباركم اعلومكم

وحشتوووووووني وايييييييييييييد كنت احاول ادخل من قبل بس ما يستوي لي المهم


بقولكم سالفه ويمكن هالسالفه اطووووووووووول معاكم المهم
هيه عباره عن قصت اخوي وحرمته كيف تعرف عليها وكيف تزوجها ..لانها ما تقرب لنا لا من بعيد ولا قريب
قصه رومنسيه من الخاطر


البارحه قاعده انا وحرمت اخوي اخر واحد تزوج من سنتين
ونرمس ورمسه وراى رمسه بليل كان وريلها مداوم ونحن قاعدين فغرفتها رقدت بنتها وولدها وقعدنا نرمس


تمينا نرمس لين ما هي تمت ترمس عن حياتها قبل يوم كانت تكلم اخوي ... اخوي عمره ما شافها يمكن مره او مرتين


البدايه

نفترض انه اسم حرمت اخوي :- منال واخوي:- مروان

في مره من المرات منال كانت رايحه المرينا مول مع عيلتها وبعد الفرار ودوره محل محل
تمت واقف صوب كوفي وكله شباب تقول حتى شطف عبايه ما شافت
وبعدين اكتسفت انها ظايعه وسط شباب شوي تقدم منها ريال


الريال:- لو سمحتي اختي تبين شي
منال : ..........................
الريال: مساعده
منال: ............................؟؟؟؟؟
تم الريال يرمسها وهيه مطنشه ..لين ما شافت اخوها وراحت له تركض وروحوا
بعدها بأيام منال كانت فالميلس قاعده مع ربيعاتها ويوم روحت ربيعاتها تمت تنظف الميلس بروحها لانه ما كان عندهم شغاله وهيه البنت العوده بعد خواتها المتزوجات

وبعد التنظيف متجه للميلس وتسحب وراها المكنسه الكهربى
وحرمه مستانسه تقشب لانه اخوها خبرها انه بعد ما يروحا برعها بي ربيعه والحرمه تنظف لاخوها
ويوم خلصت رفعت راسها شافت ريال واقف على باب الميلس يطالعها ويه منصدمه منوه هاه وبعد ما استوعبت على طول شردت لحمام الميلس وريال طلع

تعرفوووووووووووووووا من وه الريال :- مروان اخويه يستوي ربيع اخوها شوفوا الصدفه سبحان الله

بعدها بشهور قام اخوي يتردد على بيتهم كل عصر الجمعه لين ما صار يكلمها بالتلفون بس ما اعرف شو الحدث اللي خلها تكلمه بالتلفون

ويوم عن يوم اخوي قام يروح لين اخوه بشكل يومي عساس يشوف منال بس منال ما تطلع برع يوم هوه يكون عند اخوها

وبعد شهر تقدم لمنال واحد من اولاد عمتها تخبل اخوي على طوووووول راح للوالد وخبره انه بيتزوج واخوي كان عمره 20 ذاك الوقت وابوي منصدم كيف تزوج انت بعدك ما اشتغلت
واخوي يحن على امي وابوي وهم رافضين هالفكره ومن سمع رد ابوي وامي قام شل بملابسه وراح ينام بيت ربيعه يمكن لمده اسبوع لين ما دخل علينا فجا وقال اليوم موعد خطبتي والناس يترويكم على المغرب
لانه سمع خبر انه منال ماوفقت على ولد عمها

وفعلن ابوي تزهب وامي بعد وراحوا لناس على المغرب ومحد راح من البنات لانه اصلن كان ماشي وقت وهيه خالتي راحت معاهم

وردت منال بالماوفقه على اخوي بس بشرط انها تمكل دراستها الجامعيه وبعد سنتين ملك اخوي على منال
فذالك الوقت اخوي كان مستانس انه اخذ مبتغاه

وبعد اسبوعين من الملكه دخل علينا اخوي من الدوام وحالته حاله والسبب منال كانت فيه وحده تحب اخوي من فريجنا ويوم سمعت بملكته طرشت اصور لمنال لاخوي وهيه كم صور وكل هاه كان مسواي بالفتوشوب
واخوي يتصل لمنال وهي ما ترد عليه
وترجاني اخوي اني اتصل لها اتصلت عليها من اول رنه ردت علي ورحبت فيني كعادتها الله يحفظها
ورمسنا وطبعن اخوي يسمع تصدقو حتى من صوتها ما بين انه فيها شي
سألتها : منالوه فيج شي
منال: لا ابد ليش السؤال
انا كذبت عليها : بس صوتج كنه يقول فيج شي
منال : خل عنج ما فيني شي بس ملانه قاعده روحي
انا: اهـــــــــــــــا
منال: تعالي مروان ما ياكم متصل علي وانا فالحمام ما رديت عليه
انا اطالعت مروان : هييييييييييييييه عيل اشوفه متحرقص عثرج ما تردي عليه
منال: حوليج
انا : هيه تبيه
منال: بتصل عليه بعد شويه انا الحين مشغوله قاعده عند ابوي
انا : عيل بخليج
منال: الله وياج .... سكرت عني وكلمت اخوي : هاه ارتحت كانت فالحمام
مروان : انزين ما عليه وطلع عني

وبعد سنتين بعد تخرج منال من الجامعه بشهاده طب النفس على طول قدمت على وظيفه فالمستشفيات والمراكز الاحداث واشتغلت فمرز الاحداث مال بوظبي

وسنه 2007 -1-4 كان عرس اخوي على منال وتمت العرس بعون الله سافروا المانيا مدت ثلاثه اسابيع وردوا
وفيوم الخطره العروس على بيت اهلها
كانت اللي تحب اخوي يايه ومنال عرفتها وسلمت عليها وقعدت معاها ولكنه صاير شي من بينهم
وعلى العصر اختلت منال بالبنت فغرفتها وقعدت ترمسها
منال: سمعي يالبنت الحلال انا اعرف انج انتي اللي مطرشه الصور واعرف بعد انه اللي بصور كله مسواي بالفوتوشوب بس انا ما ابي اقطع علاقتي بريلي بعد اللي صار من بينا انا اقول من الافضل خلينا احباب والحركات المراهقه خليها عنج الريال متزوج اللي تكلمج حرمته وتكلم بكل احترام لو وحده غيري كان اطلقت قبل لا تدخل القاعه عرسها ... لا اظني اني بخليج تلعبي على كيفج من الحين اقولج فري بس مجرد التفكير انج تخربي حياتنا صدقني بعيشج فجحيم وبخليج تعضي اصابعج ندم انج دستيلي على طرف وقد احذر من انذر
البنت : انتي فاهمه غلط
منال : انزين فهميني اذا كنت فاهمه غلط
البنت : أصلن ريلج قبل لا يتزوجج كان يرمسني بالتلفون وكنا نتلاقى فشقه ربيعه فالشارجه
منال: اذا انتي كنتي من هالنوع من البنات فأسمحيلي تراج قليله ادب وخساره تعب امج عليج
ولا تنسي كل اللي قلتيه ممكن يكون ضدج فيوم من الايام ... وخلي عنج هالحركات تراها جديمه وما تمشي على انا انا حذرتج وانتي بكيفج سوي اللي تبيه بس خلي فبالج مثل ما عرفت انج انتي ورى هالصور ممكن ايب ارقام اخوانج الحين واعطيهم لج اتصال واحد بس ممكن يغير حياتج وعاد انتي بكيفج
البنت : انا ببتعد عنكم بس دخيلج الا اخواني
منال: اذا انتي ابعدتي عنا انا حتى اسمج ما بذكره على لساني




يتبع

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[المزيونه ظبيه]

وبعد الرمسه الطويله طلعت البنت والفرحه على ويها ومنال وراها

على فكره ترى البنت اهلها وايد عصبييين حتى ما يتحملوا المزاح الا ظرابوا اللي قدامهم

وتمر الايام كانت احلى الايام بالنسبه لبيتنا ومروان وحرمته ... مروان يوم كان يداوم اتم حرمته عدنا ما تروح بيت حياها الا يوم وترد
منال مع صغر سنها الا انها كانت تعرف السنع و الصح من العيب
كانت تقعد من الصبح تروح دوامها وترد من وقت اذا ما كان عندها شغل وايد وتقعد عند امي وتساعدها وتشتغل لها وتيب وتودي كانت ترتب ويانا البيت لانه احنا ما عدنا شغاله و قسمها قبل لا تطلع لدوام كانت ترتبه وتطلع ترتب مع امي وترد تسبح وتطلع لدوامها
وترد وتدخل المطبخ وتساعد امي فشغل البيت كانت لنا الاخت الخامسه ما كانت مجرد حرمت اخو كانت ربيعتنا واختنا وحبيبتنا نسهر مع بضع ناكا مع بعض حتى الصلاه مع بعض يوم مروان يداوم كانت تنام عدنا اذا شي ناقصنا هيه كانت توفره لنااا
ادري بتقول انها سوبرومن لا هاي هيه منال حرمت اخوي حتى لما تروح بيت اهلها امي تتصل لها تقول لها تراج بطيتي علينا
وعلاقتها مع حريم اخواني وايد حلوه

وعلاقتها مع ريلها احلى علاقه شفتها فبيتنا وحياتي
كانت تغايض ريلها قدامنا وتسولف معاها وتتغشمر مع اخواني بس بحدود حتى مروان يوم يتغدى اتيب له الغسول لين ريله عساس ما يقوم يتغسل مدلعه اخوي اخر دلع وحتى ابوي له نصيب من الدلع
ابوي لما أي من الدوام اتيب له ماي ملح واتم تغسل له ريله امي كانت ادلك لها ريلها
كانت ترمس اخوي بكلمات حب وحنان جنه ياهل جدامنا عادي عندها ما كانت تستحي انها اطلع حبها جدامنا
وطبعن ما نخلى من مقالبها الفجائيه

وبعد سنه وشهر احملت منال والكل فرح لها من صغيرنا لين كبيرنا ومرت التسعه الشهور على احسن ما يورام بس فيه بعض الخلافات البسيطه بينها وبين ريلها وبسرعه ما يتراضوا حتى احنا ما كنا نحس بهم

ويا وقت ولادتها اتفاجءنا انها كانت حامل بتوم ومحد كان يعرف هالشي حتى ريلها ما كان يعرف انها حامل بتوم
يابت بنت ولد البنت: لولوه الولد: عبدالله

واحت بيت اهلها يمكن اسبوعين وردت وكانت امي شبه يومي كانت عندها كانت غير عن حريم اخواني

وتمر الايام الحوله علينا

ويم الجمعه كنا مسوين عزيمه كبيره لانه اخوي الثاني متخرج من جامعه في بريطانيا
وعزمت اهلها وفريجهم امي موصتنها انها تعزمهم .. ما خلت امي بحالها ساعدت وسويت لنا السويت
والفطاير وعلى العصر تمينا احنا الاهل بيت عمي وعمتي وخالتي كلنا مجتمعين فالميلس
حريم وريايل

قال اخوي مروان وكان جاد : اماه دوري لي على عروس ابي اعرس
ابوي : جيه وحرمت ماخذنها لعبه بين ايديك .... الكل صاد على منال يشوفوا ردت فعالها بس هيه كنها ما سمعت شي
منال ترمس ريلها : انت اخطب والعرس علي انت اشر بس وانا اللي بسير اشوفها
عمي : وانتي راضيه
منال: خله يتزوج بس عمره ام بيحصل حومه شراتي
ابوي: هيه صدقتي والله
ولد عمي يكلم حرمته بغشمره: شوفي الحرمه مساعده ريلها ما تناقره
منال: صدق يوم قال مالتوصف الريايل ما منهم امان
مروان: ابي اجرب البيت الثاني
منال : انت اشر وتشوفها باكر فبيتك بس يحرمك عليك تدخل القسم
مروان : بنشوف
احنا اخذنا السالفه بمزاح والكل ضحك عليها

وبعد العزيمه بيوم تغير تصرف منال تصرف كامل من اتجاه مروان بس معاملتها لنا نفس ما هيه
لما يدخل علينا مروان تقعد وما ترمس برمسه ولما يطلع الرمسه وين توصل
يوم يتغدى ما اكانت تهتم اذا تغسل او لاء صارت تهتم بعيالها اكثر واكثر صار كل اهتمامها عليهم اكثر
صارت ما تعطيه الكلمات مثل ما كانت تسوي قبل وتهتم بنفسها اكثر على كل اسبوع كندوره على كل شهرين عباه
تغير اسلوبها بالكامل
هيه قالت انه بعد العزيمه يوم كانوا فالغرفه تم ينازعه ويضارب معها على اساس الزواج وهيه تقوله انا بساعدك في مصاريف الزواج

بعد اشهر

كنا قاعدين فالصاله فوق احنا البنات ومنال وحريم اخواني يى اخوي مروان وانسدح وحط راسه على منال
وتم يطالعها وهي صاده بأتجاهنا وما معبرتنه
تعرفواااااااااااااااااا شو سوا
قعد وباسها تحت اذنها وقال لها سامحني ما اقدر على بعدج وانا غبي يوم فكرت اني اتزوج عليج
احنا نطالع منال شو ردت فعلها تمت تطالعنا بعدها ما اطالعت مروان ابتسمت وصدت على مروان
وتمت تطالعه وقالت له ليش ما تبي تتزوج الله محلل اربع
مروان : مهم لفيت العالم كله ما بلقى حرمه شرات اداريني
منال بكبرياء عساس مره ثانيه ما تيب طاري الزواج جدامي
مروان: مره ما طلبتي
قامت منال وما سوت له سالفه راحت القسم ومروان وراه .. واحنا البنات مستانسين على صار جدامنا
هههههههه

وردت الحياه لبيتنا مثل ما هيه والكل استانس انه مروان مابيتزوج على منال
واحملت منال البيت محتشر عليها اذا هيه حامل بتوم لانه ما نبي نتفاجىء يوم تربي



النهايه


قاعد حرمت اخوي ::: اللي يبعيك مره بيعه بمليون
تقولي اذا ريلي تزوج علي دمعه وحده ما انزلها عليه وفوق هذا كله بساعد بمصاريف الزواج
تراه بيدور وبيدور واخر شي بيرجع لي ويعني وين بيسير
وبعد تقول خلي قلبج قوي فهذي الموافق ما تهزج كلمه وحده واذا سمعتي انه ريلج بيتزوج عليج لا تاخذي جنطج وتروحي بيت اهلج البيت بيتج وهوه وحرمته اليديه يروح وين ما يبي
اخر شي قالته : انا ما مكلفه اشل اسم مطلقه على ساس واحد يراكض ورى شهواته ..لازم تكوني حافظ ريلج عن صم عساس تعرفي كيف تعاقبي على انه فكر انه يتزوج عليج الحرمان من الكلام الطيب يسوس وااااااااااااايد اشيا فوق ما تتصوري



اتمنى انكم استفدتوا من السالفه بس عندي ملاحظه انا ما كتبت السالفه على اساس اتفاخر بحرمه اخوي لا والله
هيه خبرتني السالفه وحبيت انشراها وهيه عندها علم باني بنشرها .. وهيه قرتها وقالت وايد بالغت فوصفها لكن تستاهل حتى اللي كتبته ما وفى فحقها

[ام منصوريh]

يسلام هذي الحريم ولابلاش
مشكوره وعلى القصه

[بنت الكليهـ..]

خخخخخخخخخخخخ

كشخهـ.. هع

يسلمووووو فديتج

[أم سعيد 15]

ماشاء الله عليها
ربي يسعدكم

[مدى الصمت]

ثانكس على القصه خيتو .. وربي يحفظ اخوج ومرته ويبعد عنهم عيال الحرام وعيون الناس .. وربي ما تخلى ايامهم من الفرح لا احين ولا بعدين .. وربي يوفقهم في حياتهم ويرزقهم كل خير .. مرت اخوج جوهره وصدقها اذا لف ما راح يلقى شراتها ما شاء الله ما شاء الله عليها .. والله يرزقج بريل الصالح اللي يصونج وتصونينه وتكونين شرات مرت اخوج .. اللهم آمييين.. مرت اخوج درس واستفيدي منها ومن اسلوبها وطريقة تعاملها بحكمه وعقل واللهم لا حسد عيني عليها بارده^^ تقبلي مروري خيتو

[اخت اخوي]

ماشاء الله عليها الله يخليها٠لزوجها وعيالها
يااااارب

[ديــايــه]

ربي يسعدهم ويوفقهم يارب ..

تسلمين خيتوه على الموضوع ..

وعقبال مانشوفج معرسه .. وتاخذين ريال يستاهلج ..

بالتوفيق ..

[أم شمسان]

الله يحفظها لبيتها وعيالها ويبعد عيال الحرام عنكم يارب

[دانوووه]

صدق حرمت اخوج سنعة وعاقلة ياريت كل حريم جي ومشكورة فديتج ع موضوع

[كنوووونه]

ماشالله عليها ^^

الله يخليكم لبعض ان شالله

[اخت بوحميد]

يالبيه
هذا الحب ولابلاش

يارب احصل وحده شرات منال حق اخوووووووووووووووويه

[ود حمد]

القصه واااايد معبره وحلوه


الله يخلييهم لبعض ولا يفرقهم ان شاء الله ... واتمنى الحريم يفكرن نفس التفكير ..

[زهرة الشحوح]

الله يخلي الصالحين للصالحات وماشاءالله على مرت اخوج

[الهنوف الحلوه]

ما شاااء الله عليهااا .. حرمه سنعه
ربى يحفظهااا ويسعدهاا ويخليهااا لعيالهااا وزوجهااا ويديم المحبه بينهم .. ويبعد عنهم الحساااد