شو هديتيها يوم ربت

**ام وعووودي** · 2010-05-19, 03:32

ناعمة الخد انتي مب عشانها بتهدينها علشان اخوج وولد اخوج وخليج احسن عنها بس لخاطر اخوج
وترى يمكن هي مب من ذوقها تهدي الناس فلاتنتظرين منها هدايا لانج مب في حايتها

المزيد من آخر المواضيع من نفس القسم:

**ام وعووودي** · 2010-05-19, 03:34

ـــــــــــــــــــــــــــــــــــــــــــ

**h.humaid** · 2010-05-19, 03:42

احس احسن شي تعطينهم فلوس
لانه هم شي طبيعي بيكونون ماخذين كل اغراض البيبي وزياده عليهم هدايا الناس الي بتيهم
سو نو نيد حق كل هالاغراض

**ام محمد 2003** · 2010-05-19, 08:19

والله حياااتي انا نفس سالفتج حرمة اخو بتربي هالاسبوووع باذن الله
و محتاره شو اييبلها هديه لانها يا حليلها وااايد اوكي معاااي و انا من
شهرين كنت مربيه و سرت عندهم طبعا بيت امايه و هي يا حليلها مع انها حامل
و تعبااانه بس ما كانت اتقصر معاي ,,,, اما البنوته ان شاء الله بييبلها ذهب .

**المحـــــرومه** · 2010-05-19, 08:24

موضوعج وايد حلو بس بصراحه كاش احسن لان لو فكرنا ان الهديه بتكلف لا بد أكثر من جي ها غير وقتج اللي يضيع ها غير تحتارين شو تشترين وها غير احتمال يعجبها واحتمال لا بس لو كاش اكيد حلو وبالمره تقدر تشتري اللي عارفه انها محتاجتنه حق البيبي او حقها

**دلع بو راشد** · 2010-05-19, 08:42

ههههههههه ..

اكثر شي عيبتني .. بسوي مثلج .. بس حريم خوآني يموتن ع الحريره ..

يووم ازوور المربي في المستشفى يآآه حلآوه ولآ بآقه ..

ولآ يووم ازورهآ في البيت .. يوم اكوون محضره عمري قبل اشتري ثيآب .. ولآ يلآسه .. ولآ منز ..

واذآ مب مجهزه عمري .. كآش احسن بتشترى ع ذوقهآ حق البيبي ..

**...(مريّة)...** · 2010-05-19, 08:45

أنا أحب أستقبل (ذهب) و(كاش)

وأحب أهدي نفس الشي . . خاصة الكاش . .
الله يقوّم كل حامل بالسلامة يا رب ^_^

**Hno0odah** · 2010-05-19, 09:24

انا من النوع اللي كل شيء اوديه
يعني اول زياره في المستشفى اوديلهم طقم حلاوه مع ورد وفلوس احطهن في حضن البيبي

وفي البيت اوديلهم لبس والعاب ومن هالسوالف اليهال

اما اربيعتيه ما خليت شيء ما اشتريتلها اياها كل شيء للبيبي شريته من بامبرز ومراضع ومصاصات وسخانة الحليب وثياب لين عمر سنه ونعول وشبرات واساور ومال اذن ودلاغات وقماطات وشنطه للاغراض مال الطلعه حجمها صغيره وشكلها راقي يعني كل شيء اشتريته لين عمر سنه

حتى اربيعتيه قالت بصراحه انت ما خليتي شيء ما شريتيه .. قلتلها كان الود وندي اشتري السوق كله لبنتج
لأن هاي اربيعتي الروح بروح وعزيزه حيل على قلبي ف اشلون بنته اكيد بتكون شرات بنتي

والحين ادعولي بالذريه الصالحه يارب
يارب لا تذرني فردا وانت خير الوارثين يارب

**حزن قلبي** · 2010-05-19, 09:26

انا عني اعطي كاشاسهل شي
و احب بعد حد يعطيني كاش و انا اشتري اللي اباه للبيبي

**طيف المحبة** · 2010-05-19, 09:58

على حسب الشخص,,

وأحس الكاش أحسن شي بينفعها

لأن أغلب الهدايا بتكون متكررة ..

بس في الأغلب ملابس وتكون أكبر من عمر البيبي يعني 9شهور أو سنة ..

**Mįşš●Ċlaśŝįč** · 2010-05-19, 19:25

اهدي على حسب ..
يعني احب اشتري اي شئ خاطري فيه سواء المولود بنت والا ولد..والذهب للبنت مرة او مرتين بس اشتريت..
صراحة للحين ما عندي خبرة بمشتريات البنت والله يفرحني ببنت يا رب..عقب بفكر هههههه

**غزلان الروح** · 2010-05-19, 20:35

انا وااااايد اتعبل لازم اشتري حق الام شوكليت وباقة ورد وحق البيبي على حسب اذا ولد
اخذ له يلاسه مع فلوس او اي لعبه ثانيه مستعيله اباه يربع هههههههههه
واذا بنت آآآآآآآآآآآآآآه فديت البنات اعطيها فلوس او اشتريلها طقم ذهب ماليل البيبي او عربانه ويا يلاسه على حسب الفتره والميزانيه

خخخخخخخخخخخ حلوه سالفة الحريروه يمي يمي يمي احبها وحب الحلبه

**mimi cuty** · 2010-05-20, 19:28

ناعمة الخد : وحياتج الحال وااحد انا حرمة أخوي ما أطيقني بس وااجب أزورها اذا مب عشانها ولا عشان أخوي عشان الحريم اللي بيزورنها

دهن العود : يبالج موضوع بروووحج خخخخ أمزح فديتج

**. دهن العود .** · 2010-05-26, 01:53

المشاركة الأصلية كتبت بواسطة mimi cuty

ناعمة الخد : وحياتج الحال وااحد انا حرمة أخوي ما أطيقني بس وااجب أزورها اذا مب عشانها ولا عشان أخوي عشان الحريم اللي بيزورنها

دهن العود : يبالج موضوع بروووحج خخخخ أمزح فديتج

ههههههههههه
هي والله فشلة
حسيت أني مصختها ردي بروحه موضوع
يعلنيه فداج

**mimi cuty** · 2010-05-20, 19:29

مشكورات حبيباتي على المرور

الموضوع: شو هديتيها يوم ربت

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

شو الهديــه اللي هديتيها لـبو الشبآب فـ الصبآحيـه ..! تعآلوا وساعدوني بلييييز