ريلي يبي يتزوج ... بسب

**ضاع عمري وراك** · 2010-05-17, 01:18

الله يعينج ويصبرج

والله يحنن قلب ريلج عليج يارب

انا براي تتفاهمين وياه تقعدين وترمسينه عن كل شي بخاطرج ومفروض تاخذين بخاطره وتعرفين كل شي وكيف يفكر

المزيد من آخر المواضيع من نفس القسم:

**A+k** · 2010-05-17, 01:20

أنا أبا راحته ومتأكدة بيتغير علينا عقب مايتزوج وأنا مب ناقصه مشاكل صراحة‏

**دلووعتهم** · 2010-05-17, 01:20

الله يعييييييييييييينج يارب

**A+k** · 2010-05-17, 01:23

أشكر كل وحدة ردت علي والله يوفق كل وحدة بحياتها يارب

**حرم المرزوقي** · 2010-05-17, 01:23

كيف العيال بتشتتون عيال منو ؟؟

**ام الدانا** · 2010-05-17, 01:28

الله يكوف في عونج اختيه

بس قوولي له شرات ما تبا تعرس عاملني شرات الناس والعاللم لا تعاملني شرات الغربيه
والله ورسوله وصوا بالعدل اول شي هالنقطه بيني له اختيه
وبعدين قولي له اذا كان شرطك انك تعرس بعد شرطي اني اعيش مب في بيت واحد ويا عديلتي
وقولي له تروح بعيد تييك سالم

مثل ماهو حطا لج شروط يبا يعرس وما يعطيج ويه
انتي بعد حطي شروط قولي له عاملني شرات ما يعامل الريال حرمته

واختيه تبين الصج جووفي ريلج ليش يباا يعرس
كوني له الصديقه واللي يشوفه برا خليه يشووفه فيج فديتج
ترااه الرياال شراات اليهاااااال والحرمه تقدر تشكله
انتي تقدرين تيبين رااسه وحتى تقدرين ما تخلينه يعرس
كوني شاطره ولا تقودين المراءه اللي تكون قيوديه
الحينه في هالوقت انتي هاتيه بسياسه وكوني له احس حريم هالدنيا كلها
ولا تخلي له فرصه
كل يوم سويله سبرايز
والنسوات تراه هب سهلات في هالشي فديتج
اول شي رووحي غيري من شكلج واشتري لابااس يديده
وغيري على الاقل نظام حجرتج
وجووفي في المنتددى اشياء وايد حلووه تخلي ريلج بيقد في البيت
وسوي له اجوواء ماا كان يحلم فيها وشووفي اللي يحبه وسوويه

وصدقني بتشوفين ريلج عندج

وان شاء الله يا اختيه ما يعرس عليج يا ربي
والله يوفقج ويصبرج فديتج
وان الله ما الصابرين

اختج
ام الدانا

**حنايا الرووح** · 2010-05-17, 01:32

حبيبتي انتي غلطانه واسمحيلي على هالكلمه عيل تقوليله عرس بس ما ابيها تعيش عندي شو تفرق اذا بتعيج عندج ولا بروحه انظري للاساس
اذا ريلج ماعنده اسابا مقنعه انه يعرس عليج وانتي تشوفين انه ظالمنج في هالموظوع غيري رايج وقوليه بكل برود ولا تتحرقصين على العيال ترا الريايل يمسكون هالنقطه في الحرمه انها مابتخلي عيالها المهم ردي عيله برود وقوليله عرس جان تبي تعرس مايهمني ومثل ما راح تبيعني لاتضن اشتريك بعد ببيعك وخل عيالك عندك انا لني بعد ابي اشوف مستقبلي.. هو اذا كان متمسك فيج وشافج حازمه بيتفاجاء بردة فعلج واذا يحبج ولج مكان في قلبه بيتراجع عن الموظوع اما اذا صج بايعنج ولاتهمينه راح يوافق وحنا مره في محاضره للدكتور احمد النجار الله يجزيه خير قالنا المره اذا ياها كف (( ضربها)) لاول مره تتاكد انها لازم تتهياء للكف الاثني والثالث والريال يحب المراة القويه مب الضعيفه...... والسموحه اختي اعرف بتقولين وعيالي بس صدقيني عيالج في النهايه بيكونون لج لنه من طبع الريال مايتحمل مسؤلية تربية الاطفال هذا راي واتمنى لج التوفيج...

**A+k** · 2010-05-17, 01:36

الرياييل مايفكرون إلى بعمارهم وراحتهم بس مايهمهم حد ثاني أبد

**خواطر الانثى** · 2010-05-17, 01:45

المشاركة الأصلية كتبت بواسطة A+k

الرياييل مايفكرون إلى بعمارهم وراحتهم بس مايهمهم حد ثاني أبد

**بنت بوها زايد** · 2010-05-17, 01:37

استشيري اخصائي علاقات اسرية أحسن ..
كل وحده فينا لها راي اللي يصيب واللي يخيب...

اتصلي على رقم مركز الافتاء ...........................
(العلاقات الاسرية)
الله يفرج همج...

**تاليا** · 2010-05-17, 01:39

الله يعينج... ويسر امورج يا رب...

**A+k** · 2010-05-17, 01:41

أف تعبت من هالسالفة يعني الحرمة تتزوج عسب ترتاح يوم تعرس تكره هاليوم إلي عرست فيه والله لو تامه معنسه بيت هلي وايد أحسن من هالعيشة عندي ريل وعيال بس مب سعيدة بحياتي؛

**حصوصي 2007** · 2010-05-17, 01:41

ما اعرف شو اقولج الغالية موقفج صعب واااايد

الله يفرج همج ان شالله

**أم عبيدوحميد** · 2010-05-17, 02:06

اي عيال اللي بيشتتون؟؟؟؟؟؟؟؟؟هو ياب منها عيال عشان يقول جي
الله يعينج ويصبرج اختي

**&مبدعة&** · 2010-05-17, 02:07

للرفع

الموضوع: ريلي يبي يتزوج ... بسب

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

عادي عندي ريلي يزني,,بس مب عادي يتزوج علي!!

قاهرني يحرض ريلي يتزوج علي !!!!!!!!

ريلي يبا يتزوج وانا وافقت

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش