شووو فوالتكم العصر؟؟

**نوني عنوني** · 2010-05-15, 23:30

السلام عليكم يا حلوااااات وياااا اميراااااات
اخواتي هذي اول مشاركه ليه وارجو التواصل من الجميع
ابا اعرف شو تسوووون اطباق العصر مع الشاي والقهوة ومع جمعت الاهل؟؟
شو تحطون فواله؟؟؟
اتمنى من كل وحدة تدخل الموضوع تشارك..
انا اسوي كيك او فطاير زعتر وجبن ..
وشكرن جميعا..

المزيد من آخر المواضيع من نفس القسم:

**عشق.** · 2010-05-15, 23:56

حلوة الفكرة بس بسألكم يابنااات انتو دووووم اتسوون فوايل في العصر ولا مرات....... تخيلو مرات انسوي ويووم
مانسوي نتوهق بالضيوووف اييونا ولا أدري كيف اتصررف

على فكرة اسمج حلو ^_^

**ام وعووودي** · 2010-05-16, 00:01

انا فبيتي مب دوم اسوي فواله
بس في بيت اهلي كل يوم لاااااااااااااااااااااااازم والفاله عباره عن
الفواكه بانواعها طاسة الحلوى معجنات نوعين وكيك نوعين مع دلال القهوه والشاي والنسكافيه
وكل يوم ينوعون في الفاله

**عذاري العين** · 2010-05-16, 00:35

نحن مب دوم ايام الويكند ,,بس فبيت اةلية دوم ,,ويوم اليمعة تعالي عاد وشوفي من خلية نحل وفطاير وكيك وسنبون ولقيمات ومحلا ودلة شاي ودلة نسكافية وحبة حمرة ,,,وكل اسبوع نوع

**علومي زينة** · 2010-05-16, 00:38

بالنسبة لبيتنا تقريبا بشكل يومي فوالة العصر متوفرة
فطاير حلويات كيك اللي يخطر عالبال نسويه

**ريـــــــم** · 2010-05-16, 01:03

نحن عندنا لازم الفواله يومياً العصر ..

عاد كل يوم صنف واحد + دلة شاي حليب وأحياناً دلة نسكافه

معجنات متنوعة ، بسوسه ، سمبوسه صغيره بالجبن وعليها شيرة ، سمبوسة بحشوات مختلفه ،

كيك متنوع ( بالبرتقال، بالكاكاو ، بالفانيلا ، كب كيك ) كريم كراميل ، مهلبية ،

رز باللبن ، ام علي ، سلطة فواكه ، محلى ، قرص ، شاي حليب ، شاي احمر ، نسكافه )

ووااااايد انوااع ، بس أكتفي بهالقدر ^___^

**برستيـج** · 2010-05-16, 02:43

جبس مع دقوس ولبن اب

وان حد حن علينا وتكرم ودش المطبخ يسوون كيك و على مايزهب ناكله المغرب خخخخخخخخخخخخ

**هتون الامل** · 2010-05-16, 04:13

امممم

بكون ملقوفه وادخل وياكم مع اني مو اماراتيه بس احنا السعوديين طبعا انا اتكلم عن اقاربي واهلي

ما في شيء عندنا اسمه العصر دووم قعدتنا بعد المغرب نصلي المغرب ونجلس نتقهوى وما في شيء محدد

الموجود وتقدرين تسوينه تحطينه

وبعد ما نسميها فواله عندنا ما لها اسم معين_

**قطيو** · 2010-05-16, 04:50

مشكوره اختي ع الموضوع الحلوو انا امس مسويه البيتزا السريعة وهي السمون فوقه جبنه بوك +قشطه وفوقها طماط وفلفل كبيرمقطع صغيرو وزعتر وزيتون والفوالة الثانية بسبووسه وشاي وقهوة لااااازم ههههه وبس

**الريم1987** · 2010-05-16, 05:38

والله نحن مب دوم نسوي ساعات لان نتغدا متأخر وثاني شي الوالدة العزيزة ماتحب المتن والاكل 24 ساعة بس يوميا لازم الشاي والقهوة والحليب وعصير فرش حسب الانواع وصحن فواكه متوسط بسسسس اما اكل حق الفر مانسوي دوم حرام محد ياكل ليش هالتبذير الله مايرضا

**عشق.** · 2010-05-16, 05:53

^
^
^
نفس حالة بيتنا خخخخخ مانسوي الا اذا اشتهينا واصلن ماحد ياكل في بيتنا كلهم ضعاااف شهيتهم مقطوووعه خخخ
صدق ما اكذب واذا انا تكرمت وسويت ماشي تشجيع هههه الله المستعااان

بس بعد عندي سؤال .........طفرتكم اليوم بأسألتي صح خخخخ البنات اللي قالو دووم نسوي فوايل ليش انتو دووم اييونكم ناااااااااس ولا شو ؟؟ والفوايل من يسويها انتو ولا الخدامات ؟؟

**ro0o0osa** · 2010-05-16, 13:56

نحن دوم شي فواله

فواكه و سووويت لازم ولا فطاير و سينابون

القهوه لااااازم

ساعات شاي و ولا شاي حليب

**تاااااالو** · 2010-05-16, 15:07

حلو الموضوع بالنسبه نحن في الويكند انسوي فواله بس الله يهديها خدامتنا تييبه المغرب وكل يوم اقولها تخلصه العصر بس كانج تكلمين جدار انسوي فطاي بالجبن والزعتر وبيزا ومحلى وقهوه وشاي حليب .
بس ياليت يكون مع يكون مرفق بالصور ان شاء الله في هذا الويكند بصور لكم فوالتنا ...

**نوني عنوني** · 2010-05-16, 16:56

مشكوراااات ع الردوووووووود نك نك كلكن ع عيني وراسي فديتكن
وحنا لازم نسوي فواله واذا ماسوينا اخبر الشغاله تسوي عني
واذا ماسوينا شي زوجي يزعل او حد يطب علينا
انا اليوم سويت ام علي

**KK12** · 2010-05-16, 19:32

المشاركة الأصلية كتبت بواسطة برستيـج

جبس مع دقوس ولبن اب

وان حد حن علينا وتكرم ودش المطبخ يسوون كيك و على مايزهب ناكله المغرب خخخخخخخخخخخخ

ههههههههههههههه

سيم سيم خخخ

الموضوع: شووو فوالتكم العصر؟؟

أدوات الموضوع

عرض

شووو فوالتكم العصر؟؟

المزيد من آخر المواضيع من نفس القسم:

المواضيع المتشابهه

شووو رايكم بمعرض العروسه بدبي ؟؟شووو راايكم فيه

القشـــــــريـــــــــــون (آفة العصر)

شاى العصر

\\\\\\\\\\ فتاة العصر \\\\\\\\\\