مشكلتي مع عمي ,,!!!!

[أصارحك همي]

السلام عليكم و رحمة الله و بركاااته ,,,
شحالكمـ , شخباركمـ ,, !؟

المهم هذا اول موضوع انزله في المنتدى ,, و راح اقولكم مشكلتي ,, لاني اعرف انكم راح تسااعدوني ,, لانه دووم اشوفكم تساعدوون بعض ,, ف حبيت احط مشكلتي و اتمنى انكم تعطوني الحل لاني والله متوهقة ,, انا عمري 17 سنة صارلي 3 سنين معرسة ,, و عندي ولد ,, و مشكلتي هي مع عمي .ابو ريلي ,, المهم راح اقولكم السالفة ,,
من يومين سمعت هاي المحاضرة الطوييلة منه و المحااضرة عن طلعاتي ,, انا اصلا ما اطلع مكاان والله كله يالسة في البيت و نأأآأدر ما ازور اهلي ,, و ليش مانعني من الطلعة , لانه ريلي عنده حصى في الكلية ,,( ادعو انه الله يشفيه ..) و هي مو متعبتنه وأآأيد , بالاول هي كان وااايد يتعب بس الحين الحمدلله خف شوي ,, و عمي الله يهديه يهزبني,, انت كيف تطلعين من البيت و تخلين ريلج برووحه ,, يمكن يتعب يمكن يصير له شي يمكن يمووت..
والله انا اللي اعرفه الواحد يوم يكون مريض ما يطلع ويا ربعه يهيت برع كل ليلة ,, و لين الحين ريلي ما يعرف عن السالفة ,, فديته البارحة قاللي نطلع نوح ع البحر رفضت قلتله اني تعبانه و اليوم امي اتصلت و عزمتني ع الغدا و قلتلها اني تعبأآأنة و ما اقدر ,, اخاف اطلع و عقب بعد اسمع المحااضرة و الله كلااامه يجرح ,, طول الوقت ايلس اصيييح ,,,, يعني انا لين متى رااح اتم في البيت ,, و المشكلة ما اقدر اقول حق اي احد ,, , عطوني الحل شو اسو ,,كيف اتصرف ’’ ...!!

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[*ام عبودي*]

السلام عليكم

الله يشفي ريلج يارب

بالنسبة للطلعه ،، اعتقد الحل الوسط ان تطلعين ويا ريلج

بالتالي عمج ما بيكون عنده عذر يعارض

معارضته لج سببها ان ريلج بيكون بروحه في البيت وانتي محد

عيل الحل انكم تظهرون رباعه

خليه يسيروياجح بيت اهلج ،، و ردوا ويا بعض

[vip_girl]

كلمي ريلج وعسى خير يا رب

وان شاءالله تتيسر امورج وما عليج عمج لو ما يحبج ما كان بيرمسج حتى

[do_0_ody]

مساء الجوري فديتج
الله يشفي ريلج انشالله ويخليه لج ولولدج
الحل طبعا ف ايدينج انتي طبعا م راح تحرمين نفسج من الطلعه ومن راي تطلعين ويا ريلج استر لج
وبكذا عمج م راح يلقى عذر يهزبهج مره ثانيه
والله يهنيج يا رب

[كلي برآءه]

لا تخبرين ريلج
واطلعي مع ريلج احسن لج من رمسه عمج

[um_shahd]

.. كيف يعني ريلج مريض>>ماعرف شي عن الحصوه
الله يشفيه ..
بس لو كان مرضه مخلينه فالبيت 24 صح ماتطلعين الا زيارات خفيفه لاهلج ..
اما ان كان له القدره عالطلعه والدخله ..
وقت مابيقلج انا بطلع قوليله فرني عند اهلي .. عند ربيعاتج وجيــه
ويوم يروح يمر عليج..
وكلام عمج عالعين والراس ولاتردين عليه
بس دامج اتشوفين ريلج فيه الصحه
اطلعي ويقول الي يقوله اهم شي رأي ريلج
..
اما يوم تشوفينه تعبان اقعدي مايصير تطلعين اصلا

والله يسعدج

[جامعية غير]

هو خايف على ولده عسب جي .. يعني طبيعي يشوف انه زوجج من مسئوليتج

بس بعد غلط انج ماتطلعين ويا ريلج ولا تغيرين جو .. طلعي ويا زوجج عسب مايكون عنده حجة

ولو تبين تسيرين بروحج لاتطولين خلي ريلج يترياج في مكان عسب يتحراكم مع بعض

رفضج للطلعات مب حل .. بعدين نفسج بتضايق

[أم خالد الحلو]

هلا حبيبتي
لا تزعلين ولا تضايقين
ريال كبير .. وطبيعي بيتضايق يوم يشوفج تطلعين وريلج يتم في البيت لانه مريض بالحصى

الحل يالغالية
تطلعين مع ريلج ينزلج بيت اهلج ويروح هو عند ربعه .. وقت ما يخلص يمر عليج
بكون جيه عمج ما بيقول شي ..

والحصى الحمدلله علاجه بسيط بس في منه ياخذ وقت .. وفي منه يروح بسرعه

اكثري من الاستغفار والدعاء والصدقة
والله يسر أمرج ^_^

[امة الرحمان]

الله يشفي زوجج بنيتي ...