سؤال مصيري

[نهاية قلب]

السلام عليكم ورحمة الله وبركاته

بنات وحريم المنتدا أختكم في الله تعاني مشكله وايد خطيرة متعلقة بمصيرها ومصير عيالها
بس بغيت اللي يجاوب عن سؤالي انسانه ذات خبرة في الحياة لانه ممكن آخذ كلامها بعين الجد

بصراح السؤال هو ( هل في شي واحد يقدر يخلي قلبج يموت من ناحية انسان ؟)
انا ما ابا أدخلأكم في متاهات بس ابغي أعرف في شي يصير بين الزوج وزوجته مثلا يخلي حبها له اللي كان كل حياتها في يوم واحد وحدث واحد ينتهي ويتوقف وما تحس ناحيته بأي شي؟
لانه بصراحة في شي صار بيني وبين زوجي وخلاني احس اني مول ولا اسوى شي عنده عشان جي تغير كل شي صوبه.
أبا مشورتكم ورايكم بصراحة ؟ وهل هذا الشعور اللي احسة فيه انه بس مجرد ردة فعل عصبيه مني وبعيد بيتغير كل شي وبيرد نفس ماكان ولا هذي خلاص النهاية بينا؟

وشو أسوي عشان بس كرامتي جدامه ماتهتز اتخذ الاجراء اللازم والا اسكت وأطنش عشان عيالي علما بان هذا الامر مب جدييد بينبا بس هاي المرة احس شعوري غير أكبر .

ساعدوني أرجوكم ولا تهملون رسايلي انا ضااااايعة

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[ام شوق وعزوز]

يستوي الغاليه من الصدمه بس لين تبرد السالفه بيرجع هالحب صح مب مثل قبل بس بيضل حب حياتج
خصه الحرمه فيها طبع التسامح أما الرجل من يكره يكره ما يسامح خير شر والله يبعد عنج الحزن
أحسج حزينه والله أني مضايقه عليج

أنا ماخذه ريلي عن حب والحين صار لنا 10سنين متزوجين يحبني حيل وأحبه ياما سوا وياما سامحته من شدة حزني كنت أفكر أنتحر بس من أهدئ ويتم يصيح من الندم على الي سواه أسامح ويرجع يغلط بس أنتي وقفيه عند حده بس كل شي بالعقل وخلج رزينه ووحده وحده الاهم أعرفي كيف تتصرفين وكيف بتندمينه على هالحركه الي سواها وان شالله البنات مايقصرون عندنا بالمنتدى حريم مخهم يوزن بلد ماشالله وأنا وياج بتابع الردود عشان أستفيد

[مواليد2010]

ما ادري والله لو تقوليلي المشكله على الخاص يمكن اقدر احلها واعطيج الحل وكيف تتصرفين في الموقف وانشاء الله تستمر الحياه وما في شي يوقفها غير وساوس الشيطان ولا تحطين شي ابد في بالج هاي سياستي ويا ريلي

[bellegirl]

لا حول ولا قوة إلا بالله

لي رجعــة ان شاء الله اختي

[ام لسانين!!!]

والله يختي اذا على هالاحساس وايد حسينا فيه بس سبحان الله العشره ماتهون الا على ولد الحرام !! ننسى ونتغاضى ونتذكر الحلوه قبل المره

عن نفسي حسيت نفس احساسج لما في عز احتياجي له تخلى عني بكل سهوله بس بعدين تغلبت على هالاحساس لانه مب بس ريلي اللي فيه هالشي طوفي المنتديات كلها بتلقين الحريم يشتكن من نفس المشكله قلة الاحساس والمراعاه والاهتمام

الغليه ماتقدر اي وحده منا والدرب تجاوبج عن هالسؤال لانج بس انتي اللي تقدرين تجاوبين على نفسج هل هالانسان يستاهل تنسين اللي صار وتكملين معاه ؟؟ شوفي عيوبه وشوفي ميزاته مافي انسان مايخطئ بس في اللي يتعلم ويحاول وفي اللي يكابر ويتجبر !!!!
اذا الغلط اللي صار تقدرين تتجاووزين عنه نصيحه قبضي بيتج وعيالج وسمي بالرحمن وحاولي تغيرينه وتصلحين اللي صار خلي اللي صار نقطه لاعادة ترتيب الاولويات في حياتج ونقطه تغير للافضل خلي همج اول شي ربج بعدين نفسج وعيالج وبعدين ريلج وبيتج واخر شي الناس

الله يوفقج

[نهاية قلب]

مشكورة أم عزوز على ها النصايح والله انج هديتي فيني لو ذرة بس لانج رديتي علية
وأم لسانين شاكرتلج وايد بس شو أسوي ما أقدر أسامح
و 2010 لك كل الشكر بعد

[أم أريج]

الله يعينك حبوبة ويفرج عنك

صحيح الحب هو لب العلاقة الزوجية وجوهرها ... لكن كما قال عمر بن الخطاب : قليل من البيوت تبنى على الحب

الله يهدي زوجك ويرجع الحب بينكم مثل قبل واكثر ... لكن في حال ما تم هالشي ... فكري بالطريقة التالية:

انتي شوفي نفسك ومصلحتك واحتياجاتك وقرري ايييش تبين انتي لنفسك قبل العيال ... وبعد ما تحددي شو تبين بالضبط وتكون الصورة وااااضحة في ذهنك فكري بعيالك وشوفي وين مصلحتهم ووازني بين مصلحتهم واحتياجاتهم وبين مصلحتك واحتياجاتك ... بطريقة التفكير هذه بتكونين اقوى عند اتخاذ اي قرار

ونصيييييحة لا تخلين زوجك محور اهتمامك ... خلي الاهتمام عليكي انتي ... اهتمي بنفسك وبدينك وبدنيتك وبآخرتك اولا وبعيالك ثانيا ... خذي دورات سيري للنادي سوي رياضة ... اصنعي جو خاص بك وبعيالك خاصة لما يكون بعيد عنكم لانه اي تدخل منه يمكن ينغص عليكي بسبب موقفك منه وشعورك تجاهه

ولااا تيأسي من الله خليه هو انيسك وخلي حب الله يملى قلبك ولا تسمحي لاي بشرررر ينال من سعادتك

كل هالاشيا بتملى عليكي حياتك وبتنسي مشاكلك معاه الى حد كبير

[رحلة الحب]

الله يكون في عونج عزيزتي وكلن يمر بايام صعبه ويعتقد انها سبب لانهاء العلاقه ولكن من ترد العلاقه طيبه ننسى الالم او نتناسه لان في اشياء ثانيه تبى تضحيه منا وبالذات العيال وشي طبيعي تشعرين هالشعور اذا السالفه يديده ولكن اذا مر عليها فتره المفروض انج ماتسكتين وتحاولين تدورين لج ع حل لان كثر الزعل يسبب جفا ربي يسعدج ويبعد عنج الضيج اذا بامكانج تسامحيني سامحي وتذكري ايجابياته

[* ام خماس *]

الله المستعاان00اتصدقين ان هالاحسااس يمر اذا مب على

كل الحريم فانه يمر على اغلبهم00حبوبة الحرمه حسااسه وتشوف اصغر الامور

اكبر مشكله بحيااتهاا لانهاا حسااسه وتفكر بقلبهااااا

حبوبة مع مرور الوقت راح يتغير احسااسج ان شاء الله 00وراح تتعودين

ع الحيااه الزوجيه الحقيقيه00الي فيهاا حلو ومر ومد وجزر00

الله ايسر امورج ويهدي سرج ويسعدج ياارب

[دلوعه فزاع]

الله ايسر جميع امور المسلمين ويهديهم ويغفر لهم والله يسخر لج ريلج حبيبتي

[غيمه فرح]

ارجعي الي ربج...واكثري من الاستغفاااااار والصدقه والصلاه والدعااااااااااااااااااء..هذا الطريق الصح