حلو بسكوت اولكر+الحليب المركز (بالصورة)خمس دقايق فقط والكل يسألج عنه

[عيون الجاموسة]

السلام عليكم بنات هالحلو تعلمته من وحده سعودية ومن يومها واحنا نسويه بكل عزيمه لانه ماياخذ اكثر من 5 دقايق ولذييييييييييييييييييييذ ما يقعد عندنا يوم إلا ويقضون عليه ومن بين كل الحلويات اللي نسويها يسئلون عن هذا بالذات...


المهم الحين ....

المقـــــــــــــــادير

بسكوت أولكر ...لازم أولكر مش نوع ثاني ....لانه أخف والسكر فيه أقل ....وما يضبط إلا فيه ....


2 اصبع زبدة ..كل وحده فيهم 113.5 جرام (ينباع جاهز)
هذي صورتها بس سامحوني ما عندي وحده كامله ...


1 علبة حليب نستله مركز


4/3 كوب جوز الهند ناعم

لوز مطحووووووووووون ناعم



المقادير تكفي لصينية فرن مثل هذي ...وصفيت فيها البسكوت علشان تعرفون حجمها ...6العرض بسكوتات والطول 3 ونص




الطريـــــــــــــــــقة

1. نصف طبقة واحده من البسكوت في الصينية

2. نسيح اصبع زبده حتى تذوب تماما ثم نسكبها فوق طبقة البسكوت بحيث كل بسكوت تكون عليه شوية زبدة
(ملاحظه اذا ما حصلتوا اصبع الزبده هذا وبغيتوا تستخدمون كمية زبده من عندكم لالالالا تكثرون الزبده واااايد يعني لا تغرقون البسكوت أهم شي كل بسكوته يكون عليها شوية زبدة ) يعني تقريبا كل بسكوته عليها ملعقة صغيره زبده سايحه ..وعادي لو شفتي اجزاء بسيطه من البسكوت ماعليها زبده ....
ان شاء الله فهمتوا ....

3. نصف الطبقة الثانيه من البسكوت مع ملاحظة ان الطبقة الثانيه تكون مصفوفة عكس الطبقة الاولى ....يعني اذا حطيتي الطبقة الاولى بالطول تحطين الثانيه بالعرض ....علشان يتماسك البسكوت لما نقطعه بعدين....

4. نكرر الخطوه 2 باصبع الزبدة الثانيه

5. نخلط الحليب المركز مع جوز الهند باستخدام ملعقة في قالب آخر ....ثم نسكب الخليط بالتساوي فوق البسكوت....

6.نرش الصينية باللوز المطحون بالتساوي

7. نحطها في الفرن من فوق لمدة دقيقة او حتى يتماسك الخليط اللي فوق....
ملاحظه : البعض يحب انه يتركها في الفرن حتى تحمر الطبقة اللي فوق ....بس انا أفضل اني اخليها حتى تتماسك وأطلعها بسرعه لاني احب الطبقة اللي فوق تكون طرييية

8. نحطها في الثلاجة مدة 3 ساعات او اكثر قبل التقديم

9. نقطعها مربعات صغيرة ونقدمها وبالهناء والعافية عليكم

[/QUOTE]

المزيد من آخر المواضيع من نفس القسم:

• طريقة عمل سوفليه الشوكولاته من المطبخ الفرنسي
• طريقة عمل بلح الشام سهل ولذيذ مثل المطاعم
• طريقة عمل مافن بالخوخ والفانيليا حصري
• طريقة عمل كوكيز الشوكولاتة المقرمش حصري
• طريقة عمل كيكة الفراولة اللذيذه حصري
• طريقة عمل براونيز سهل ولذيذ حصري
• طريقة عمل بودنج الموز منعش ولذيذ حصري
• طريقة عمل كوكيز النوتيلا سهل ولذيذ حصري
• طريقة عمل كيك التمر بالزبيب حلى سهل ولذيذ
• طريقة عمل حلي كاسات الكيك بالفواكه سريع ولذيذ

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خريشة]

واااااااااو شكله وايد حلو
انشالله اني بسويه

[ظبية بوظبي]

يم يم يم يم ......شكلها روووووووووووعه :1 (21):
وحلو بعد انج حطيتي ويا الوصفه صور عشان نتشجع اكثر ونسويها :1 (4):

تسلمين الغاليه على هالوصفه وبسويها حق العيد ان شاء الله :1 (35):

[عيون الجاموسة]

سووها لذيييييييييييييييييييييييذه ....اشتهيتها الحين والله يم يم

[عيون الجاموسة]

بنات بس حبيت اقولكم اذا بتستخدمون نفس حجم صينيتي ترى كمية الزبده مناسبه وليست كثيره لا تنقصونها ترى تعطي طعم يجنن ....

وعند التقديم قدموها بارده....والزياده لاتخلونه برا فتره طويييييلة علشان ما تسيح عليكم الطبقه اللي فوق ....خلوها بالثلاجه ومتى ما بغيتوا طلعوها وكلوووووووووووها [01]وبالعافيه [/01]

[سـد اللـيل ـيم]

تسلم الايادي

[صدى حنيني]

واااااااايد حلوة .... تسلمين غناتي بس ماقلتي كم حرارة الفرن ؟؟؟

[عيون الجاموسة]

صدى عادي الفرن بس من فوق يعني بس حق التحمير بس لا تحمرينها وايد .....

انا عن نفسي ما احمرها بس اخليها شويه علشان تتماسك الطبقه اللي فوق واطلعها.....

[ام سلطان]

واااااااو سهله وماتاخذ و قت و شكلها لذيذ.....بسويها اليوم

[عالية المقـام]

واااااااااااااااااااو ..

بحفظهااااااااااااا عندي في الكمبيوتر .. وبسووويلهم ياها في العيييييييييييييد ^_^ ..

مشكووووووووووره ..

[عيون الجاموسة]

[08]العفو بنات جربوها وما بتندمون ان شاء الله [/08]

[عالية المقـام]

انا سويتها البارحه ..

واااااااااااااااااااااايد حلوه ..

كل حد عيبه ^_^ ..

يسلمووووووووو شيختيه ..

[عيون الجاموسة]

بنت الامارات الله يسلمج والحمدلله انه عيبكم :1 (84):

[alyazih]

واااااااااااااااااااااااااااو يم يم يم يم يم
شكلها لذيذه

[عيون الجاموسة]

وطعمها ألذذذذذذذذذذذذذ جربيها وماراح تندمين ان شاء الله