عفت الرولكس :(

[قصة]

السلام عليكم

اتصدقون أنا فتحت موضوع ان خاطري في رولكس على هالرابط

http://forum.uaewomen.net/showthread...8#post21751848

بس والله ندمت،، تدرون ليش،، لاني قلت أنا في خاطر وما قلت بشتريها،، خصوصا إني إنسانة ضد المظاهر والله ولا أحب أشتري هالأشياء الغالية ولا تغريني،، لو تغرين يهالأمور جان ما طلبت مهر 20000 درهم وهو مهري وهو زهبتي وهو ذهبي وهو كل شي أتحدى أي وحدة من اللي ردوا علي وقالوا لي خليج قنوعة أو اللي قالت لي أخاف أقول شي وتزعلين أتحداكم تقبلون بمثل مهري،،

أنا الحمدالله مب مغرورة ولا خقاقة ولا أحب هالأمور،، بس هالساعة أنا قلت إنها في خاطري،، ما قلت أبها ولازم آخذها ونهاية الدنيا إذا ريلي ما خذها لي،ن

الحمدالله ما أظن في وحدة قنوعة كثري ،، بس الله يهدي البنات ردودهم حسستني إني وحدة خقاقة وراعية مظاهر،،

يعني الحين الفقير ما يحلم ما يتمنى؟؟؟ حرام شرعا هالشي؟؟؟؟

والله أحبطتوني

انا وايد زعلانة واااااااايد وااااااااااايد

انا اللي قلته وكتبته مجرد فضفضة،، ولله الحمد والمنة

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[جمر بارد]

حاسدين الفقير

انا اعرف شو قصدج يعني يكون بخاطرج شي مب لازم تنتخذينه لكن برايه اتحلم به لان اسباب وايد ما تاخذينه حتى لو توفرت لج جيمته بالضبط بس فيه اشياء اولى بجيمتها

بس يتم الحلم حلو

انتي تحلمين بساعة

وانا بسياره

وغيرج بجنطه

وغيره
بس بنا خذها يمكن لا ويمكن نعم

خليها للايام

[* ام خماس *]

حبوبه نحن رديناا عليج ونيتنااا خير لج00وجان زعلتي

من اشويه نصاايح نبالج الخير منهااا فحقج عليناااا والسموحه منج عزيزتي

الله ينولج الي في بالج وايسر امورج ويسعدج الغلا

[أم خالد الحلو]

هلا حبيبتي
ذكرتي في موضوعج انه خاطرج برولكس .. في المقابل قلتي ما بطلب من ريلي لانه ظروفه ما تسمح

وبالعكس حبيبتي
البنات ما قالوا شي ..
قالولج خلج قنوعه .. فوق قناعتج هذي ^_^
وما صار إلا الخير
بس يمكن تحسست من بعض الردود

[ماحد شراتي]

لا تتضيجين حبوبه
يمكن تحسستي شوي من الردود

ربي يسعدج ويناولج اللي في بالج

[قصة]

انا ما زعلت من كل حد بالعكس حبيت بعض الردود بس بعض الردود حسستني إني مووووووووول ذبحت عمري عشان هالساعة،،
صح أنا قلت لريلي خاطري في هالساعة،، وقلت له خاطري في فيلا كبيرة في وسط بوظبي،، وخاطري أسافر العالم كله،، بس هذا ما يعني انه لازم يحقق لي كل هذا،،

أنا ما أزعل من الردود العادية ولا النصايح،، بس كلامي كان مجرد كلام فضفضة،، وأنا أعتبر هالمنتدى متنفس لي وكل شي،، دوم ألجأ له،، ففضفضت اهني،، لا أكثر ولا أقل،،

قيمة الساعة الرولكس والغالية بعد،، موجودة عندي،، بس في حياتي ضروريات أعطيها الأولوية،، يعني أنا وحدة لو اتهمني المظاهر بسير بظهر البيزات من البنك وبشتري هالساعة،، لكن عندي أمور أهم في حياتي،، وأولها إني أشتري أنا وريلي بيت أو نبني بدل ما ننتظر القرض اللي الله أعلم متى بنشوفه،،

[نيلا]

الله يعينيج على الردود اللي تلوع بالجبد

حتى الحلم فية طنازة ..

استغفر الله .. والله يهنيج ويا ريلج وماعليج منهن

[alra7eyl]

مب كل شي ينقال ههههههههههه
تدرين انا احيانن احس مب كل شي نفكر فيه نقوله
او نحلم فيه نخبر عنه
الناس تختلف في رايها وممكن وحده تقول اى كلمه تجرحني وهي ما تقصد
او تجلب الموضوع ضحك وانا مهم عندي
الحياة تعلم الواحد حتى شو يقول وشو ما يقول

[ام حمدان82]

عادي حبيبتي لا تزعلين .. كلنا نحلم و نتمنى و الي نقدر نحققه من احلامنا بنحققه اذا الله عطانا ... نحلم بسفرات و رحلات و بيوت حلوه و الانسان دام الله عاطنه يريح حاله و يريح اهله معاه شو المانع يعني اذا خذتي ساعه رولكس من حقج عادي بالعكس شي ثمين و شي راقي و يدوم ...

[UAE.G]

هههههه
الله يهديج مابغيتي تكتبين إلا هنيه !!
جنهن عيايز مايعرفن إلا يتحرطمن ويحطن عليج

[StranG LOovE]

لازم نحلم اذا ما نحلم ما نقدر انعيش ونحس بطعم الى نحلم به ........... ان شاء الله يصير الى تبين تشتريه فولى امين

[ديــايــه]

ياسلااااااااااااام ..

يعني بنات المنتدي عيفوج الرولكس ..

والله ترتوووب ..

بطرش اربيعتي تكتب موضوع هنه عشان تفكني من الحنه ..

كل يوم والثاني رولكس رولكس خخخخ

انا الحمدالله ماحيدني قلت شي ..غير اني ماحبها

خخخخ بعدني ماحبهاا لاتحاولين ..

والله الدنيا يومين .. وماتستاهل تتضايقين على شي ..

دخلي منه وظهري منه .. ماعليج من حد

بالتوفيق ..

[وين انت ؟]

فديتج الغلا لاتزعليـن ،، يمكن بعض الردود اظيق بج
ولكن مافيها شي لو الواحد ف خاطره شي ،، ترا مثل ما قلتي المنتدى المتنفس اللي نقدر نتكلم فيها عن اللي بخواطــرنا
ولاتاخذين بخاطرج فديتج طنشــي كله ولازعلج ،،

[عيون الزارعي]

فديتج لآااا تزعلين والله الدنيآااا ما تسوى ..

[قصة]

يا ويلي انا

هيه والله هاي الردود اللي اتبرد قلب الواحد ،، مب هاييج الردود اللي تقهر،،

عموما انا مب زعلانة بس ما احب أحس إني خقاقة ومب قنوعة وهالاحساس اللي وصلني منخلال الردود على هذاك الموضوع ،،

أبغي رولكس