عفت الرولكس :(

**دمعة المقهور** · 2010-05-10, 20:08

لا تضايجين بعمرج الغالية
ولا تشيلين في خاطرج

و يارب توصلج الساعة اهداء من شخص قريب منج وما كنتي متوقعتنها منه
وما اتم في خاطرج

شو تبين بعد فوق هالدعوة

**الريـم2009** · 2010-05-10, 21:43

حبوبه اذا انتي فخاطرج شي لاتكتبين بالمنتدى انصحج نصيحه بروحهم مايشوفون اعمارهم هالبنات الماركات متكودة

عندهم فكل مكان والحين يات عليج انتي

فديتج والله كسرتي خاطري

**عجيـد الريم** · 2010-05-10, 21:51

عادي اختيه ليش تتضايجين

انا امسات سرت كارتير الله يسلمج

وشفت خاتم والله جيمته تقريبا 600 الف درهم
ا
قلت للريال طلعه ولبسته عن خاطري

بعدين طول اليوم يلست اطنز ويه ربيعاتي

واقولهن يالله يبوكم ابى الخاتم كل وحده يوم بتعرس تعطيني زهابها عشان اشتري الخاتم

ومر اليوم كله ضحك وطنازه وغيره

بالعكس انتي المفروض اطوعين كل المواقف لصالحج

يعني نفرض

الحين انا رديت عليج واقولج ياختي شو تبين الساعه خلج متواضعه

ردي عليه وقولي هيه والله قنوعه ما عليه ان شاءالله بحصل فالجنه بس لو بتيبين لي الساعه مابقولج لا

وبتمر السالفه ضحك وسوالف

لا اتكدري بفوادج ولا غيره

**om ryami** · 2010-05-10, 22:25

حصل خير فديتج لاتكدرين خاطرج
عادي خذيها يروح لآياضيه وماعليج اساسا من اي رمسة تضايقج
وربج بيرزقج ف الدنيا والاخره
والله يسعدج

**بنت الصحاري** · 2010-05-10, 23:21

ما عليج حبوبة
عيل احنا عايشين على ابسط الاشياء و الحمد الله
و هذا رزق من الله و محد له علاقه فيه
اهم شي نحمد ربنا و نشكره على ما اعطانا اياه
و الله يوفقج حبوبه

**فينيسياا** · 2010-05-11, 02:01

انا مستغربة من الردود اللي اتهمتج

مافي اي وحدة ماتحلم بشي ,, يعني الكشخة والاناقة شي من الانوثة مايخصة بالمظاهر وكل واحد وذوقة وقناعاته بالاشيا اللي ياخذها

وغير جي اصلا لو خذتي الرولكس عادي تتم عندج سنييييين لانها كلاسيك ماتطيح موضتها مب البنات اللي كل جم شهر ياخذون السوع الفاشن اللي من باريس غالري وهالاماكن ,,,

وتاكدي اي موضوع بهالمنتدى بتكون في ردود حلوة وردود جارحة وترفع الضغط

**قصة** · 2010-05-11, 08:12

مشكورات يالغاليات عالردود اللي رفعت معنوياتي
واصلا خلاص انا مول مب زعلانة من ولا حد ،، والله كلنا خوات اهني،، بس حز في خاطري وفضفت وخلاص طاح الحطب،،
بالعكس اصلا انا الحين مستانسة أكثر لأني ما توقعت هالتفاعل صراحة،، وحسيت صدق اني في بيتي الثاني،،

مشكورات والله،، والله ينول كل وحدة اللي في بالها دامه مافيه معصية ان شالله يا رب ،، ويرزق ريلي بوظيييييييفة ان شالله وهذا اللي أتمناه ،، قولو آمين يا رب،،

**أحلى بنوته8** · 2010-05-11, 09:34

اميين الغلا الله يرزق ريلج بالوظيييفه اللي يتمناهااا

**بهلولة** · 2010-05-11, 09:39

كلنا نريد ونتمنى
وربي يكتبلنا اللي فيه الخير لنا

**Hno0odah** · 2010-05-11, 10:32

صدق من قال حاسدين الفقير على موتت الجمعه

ولا تزعلين يا الغاليه كل انسان يتمنى شيء سواءا غالي ولا رخيص
ف ما يختص الموضوع لا بفقر ولا بغنى
والاماني هب حرام
حلوا الواحد يتمنى لأنه يعني ان هو حاسس بالامل ومتفائل بالحياه هذي وجهة نظريه

اتعرفين انت تتمنين ساعة رولكس
الزالده عنده ساعة رولكس الوالد ياييبلها اياه هديه المهم
الوالده ما اتحب تلبس سوع لأن السوع اتسببلها حساسيه
ف قالت دام ان الساعه مفروره جي بروح ابيعها
وآخذ فلوسها واسوي بالفلوس اي شيء ثاني
يوم سارت المحل راعي المحل تم يقول للوالده حرام
ليش اتبيعينها هذي واااايد غاليه وكل ما تجدم تغلى اكثر
ومن هالكلام
عاد الوالده خقت وقالت خلاص ما بيعها راعي المحل
ماطاع ياخذها يقول هاي اصليه وحرام اتبيعينها خليها

ولليوم الساعه طايحه في الكبت محد يلبسها ولا شيات المشكله
ما اتخلي حد يلبسها
والله الوالده فنتكه

**moon girl** · 2010-05-11, 12:00

حبيبتي لاتضايقين فديت روحج احلمي مب بس بالرولكس احلمي بالقصر اللي ف فرنسا
طنشي فديتج وماعليج من حد

**روح السلطان** · 2010-05-11, 12:06

الله يرزقج من حيث لاتحتسبين والقناعه كنز وانت ماشالله قنوعه الله يوفقج ويخليج لغين ترجيج

**شما المحيربي** · 2010-05-11, 12:17

للرفع الغالية :: للرفع الغالية :: للرفع الغالية ::

**دانوووه** · 2010-05-11, 20:08

الله يعينك صدق في بنات ردودهم اتيب الاحباط ماعليج من حد ولا تظايقين

**قطوطة النت** · 2010-05-11, 20:24

حبيبتي أنا كنت نفسج أبوي ما طلب ولا درهم يوم مهري قال حق ريلي
انت واستطاعتك الي تقدر تعطيها حق زهبتها عطها والحمد لله عطاني الي يقدر عليه
بس صبرنا والحمدلله الحين اشتري الي ف خاطري واسافر المكان الي ف خاطري
الحمدلله ع كل حال الانسان الصابر ينال ....
*

الموضوع: عفت الرولكس :(

أدوات الموضوع

عرض

المواضيع المتشابهه

بنات ياللي تفهمون في الرولكس ضروري

الاعات الرولكس

خبيرات الرولكس حياااكن