الغدة الدرقية

**wadia** · 2010-05-10, 10:30

السلام عليكم

بغيتكم في مشورة
وحدة من قرايبي العزيزات طلع فيها مشاكل في الغدة و هذا أثر على الحمل
بخبركم قصتها :هي تزوجت و الحين صار لها سنة و استغربت لما سقطت أول مرة بعد 4 شهور حمل
و للحين ما حملت و لما راحت تشيك قالولها انها عندها نقص في اليود و انها عند الغدة و عندها وايد اجسام مضادة و هذا الشي راح يمنع الحمل ة إذا حملت راح تسقط

الحين هي وايد زعلانة و تبى تعرف حد صار لها نفس الشي و تعالجت و قدرت تحمل؟ ووين راحت و شوو سوت ؟

المزيد من آخر المواضيع من نفس القسم:

**wadia** · 2010-05-10, 11:44

افيدونا

**wadia** · 2010-05-10, 17:26

ما في اي رد يعني على الأقل نصيحة لأي دكتور تسير

**عديل الروح22** · 2010-05-10, 19:45

خل تسير مركز الكونسيف ف الشارجة
اسم الدكتور بنكاج
اعرف وااايد ناس ذموة ويقولون اونه يخلط الانساب وما عرف شو كله كلام فاصي
بما انه هي بتعالج بس بادويه خل تسير وبيسويلها تحاليل وان شاء الله خير

**الهي نور قلبي** · 2010-05-10, 22:52

حبيبتي انا للي اعرفه انها لازم تتعالج قبل من الغدة وتسير عند طبيب مختص في دكتور في مستشفى النور في بوظبي وااايد يمدحونه بس ما اذكر اسمه احين هو عراقي بس وااايد ممتاز ...ويارب يشفيها ويريح قلبها وتحمل عاجلا غير اجل

**أم سعيد 15** · 2010-05-10, 22:54

أختي انا بعد مريضه الغدة الدرقية اتعالج عند دكتور بلال شماع مستشفى الامريكي
بعد انا صار لي سنتني ما حملت لكن الحمدلله عندي عيال
ربي يرزقنا بالحمل عاجل غير آجل

**بدر0البدور** · 2010-05-10, 23:24

الله يرزقها الحمل القريب يارب

**ضحكة_بكا** · 2010-05-10, 23:31

صح لازم تعالج عن الغدة قبل و بتحمل باذن الله
دكتور مدني في دبي شاطر
عادي اعرف وحدة سوت عملية الغدة و عرست و عندها عيال

**الامل القريب** · 2010-05-10, 23:35

بالنسبة للغده لازم اتابع عند دكتور الغدد الصماء ويعطيها دواء"ثيروكسين" والجرعه تعتمد على النقص اللي عندها
ولازم هي في اكلها تكثر من الاسماك والاكلات البحرية

وبالنسبة للاجسام المضاده هاذي اثناء الحمل تتابع مع دكتورة نساء وحمل وتسوي لها فحص دم قبل الحمل تشوف كم الاجسام المضاده وعلى اساسها تعطي حبوب اسبرين و ممكن اذا هي وايد عندها اجسام مضاده ممكن تعطيها ابرة يوميا تحت الجلد
وانا اعرف ناس جي واتعالجو هذي حبوب وادوية يبالها فترة
وخليها تكثر الدعاء وقيام الليل وتكث الاستغفار وقراءة سورة البقرة وايات الشفاء والرقية الشرعيه على عمرها

اذا حابه اخبرج احسن الدكاترة طرشيلي انتي من وين وبساعدج اذا كنتي من بوظبي او العين
والله يشفيها ويرزقها ويرزقني
قولي امين

**ام نانو** · 2010-05-10, 23:46

انا اختي كانت عندها نفس المشكله بس هي اول ما تزوجت حملت و يابت

ياهل بعدها اربع سنين تحاول كلما تحمل يسقط سوت انابيب كمن مره و ما استوى حمل

ما خلت حبوب ولا ابر بس الحمدلله وديتها عن دكتور غدد سوالها تحاليل

و كتبلها على حبوب و قالها لازم تتعالجين سنه بعدين احملي لانج اول ما بتوقفين

الحبوب بتحملين هي خذت الحبوب مال اسبوعين بس

يابتلها حجه شديده وقفت الحبوب بس نفس الشهر حملت و هي ما كانت تعرف انها

حامل تاخذ زنجبيل و زعتر يوم سوت تحليل حامل والحمد لله الحين هي في الخامس

و بخير الله يتمملها على خير و يرزق كل محروم بالذريه الصالحه

**وردة الدار** · 2010-05-11, 00:02

خليها تسير عند الدكتوره هدى لعلاج الغده في عيادة السكري والغدد الصماء في بوظبي وهي بتابع وياها علاج الغده وموضوع الحمل انا كنت عندها وهي الي بشرتني بحملي

**ام لطووفه** · 2010-05-11, 00:25

انا عندي مرض الغده الدرقيه والحمد الله الحين حامل واكتشفتها قبل سنتين ونصف والحمدالله واظبت على الحبوب وحملت والحين في بدايه التاسع

**دريمه** · 2010-05-11, 02:44

انا عندي الغده وامرها هين تاخذين حبه يوميا وانشالله امورج سهالات
ونقص اليود بعد حبوب معينه تاخذينها وخلاص
بس الاجسام المضاده والله مااعرف
وخلها تستمر عند استشاريه حمل احسن لها والله كريم

**إمنوره بيتي** · 2010-05-11, 04:48

الله يرزقها الذريه الصالحه السالمه المعافاه ,, تتعالج من الغده وبعدين تحمل باذن الله ماعليها شر ,,

الدكتور مدني وايد زين و وااااايد يمدحونه ,,

الله يوفقها

**شخباري!!** · 2010-05-11, 09:41

اللي اعرفه حالة كل مريضه تختلف عن الثانيه وقبل تتعالج وعقب تحمل باذن الله وقبل كل شي كله بيد رب العالمين والدكتور هو اللي يحدد الجرعه سواء حبه او حبتين والله يجدم اللي فيه الخير
سبحان الله وبحمده سبحان الله العظيم

الموضوع: الغدة الدرقية

أدوات الموضوع

عرض