موقف ريلج من شغل البيت؟؟؟

**حلوه اياامي** · 2010-05-09, 00:06

هذا موضوووعي الثااني<<<<<<<<شاده الهمه ماشاءالله علي <<<اذكروا الله

ريلج وشغل البيت...

طبعا للي ماعندهم بشاكييير او اللي عندهم وبداية حياتهم ماكان عندهم

شو موقف ريلج من مساعدتج فشغل البيت؟

يحب الفكره ولا لا ؟
يحب وينفذ ؟
يكره بس يساعد على مضض؟<<<<<<<<<<انتبهوا على ((مضض)) ترى متعوب عليها خخخخخ
يقول احب ومن هناك ماتشوفين شي؟
ولا مااااله موووقف ومطنشش؟؟

اذا ما يساعد .....شو موقفج؟
هل تشتكين وتتذمرين ودوم اطالبينه بانه يقوم شوي بالبيت معاج؟

ولا....مستسلمه وعااادي عندج وتقولين يكفيه تعب الدواام؟

اذا يسااعد.....شو موقفج؟
تخبرين اهله واهلج انه مب مقصر ويقوم وياج؟
ولا ما تحبين تحرجينه وتبينين ان بيتكم يبرق فضل جهوودج الفتاكه<<<<<(الفتاكه) مصطلح آخرر متعوب عليه خخخخخ يعني هالله هالله بالردوود

وكالعاده ((ردي من بين الردووود))

يالله خوااتي مثل ما شفت التفاعل بموضوعي الاولاني لا تخذلوووني هنا؟؟

منوا اول وحده؟؟؟

المزيد من آخر المواضيع من نفس القسم:

**سراب الوادي** · 2010-05-09, 00:14

انا
بصراحة لمايشوفني اتعب يساعدني بس وين ووين
اكثر شي يدعيلي
موقفي من عدم مساعدتة لي عادي يكفية الدوام بس ساعات اسوي نفسي زعلانة
لاماخبر حد

**دمووووع** · 2010-05-09, 00:33

ههههههههه والله كفااااااايه مصطلحاتج العجيبه

متذكره حصص العربي شكلج خخخخخ

المهم يا طويلة العمر
عادي يساعدني فديته بس طبعا بالنااااادر
وما يسوي الا اذا قلت له حبيبي شورايك تساعدني شوي اليوم

حليله ما يقصر والله
الله لا يحرمني منه ويخليه لي ولعيالنا

سالفة اخبر حد
مممممممم ماشوفها وايد مهمه
يعني ما يحتاي اقول لحد
مب عشان يقولون اني انا تعبانه عالبيت ومرتبه لا
بس ماحس انه حد له خص في هالشي سواء اهله والا اهلي

ويسلمووووو عالطرح
بدور موضوعج الثاني عسب ارد عليج بعد >>>>>>>>>>>ههههه عيبتها السالفه !!

دمتي بود

**دلووعتهم** · 2010-05-09, 00:37

فوووووووووووووووووووووووووووووووووووووووووووووووق

**أم توتة** · 2010-05-09, 00:38

الحمــدلله ,.يعين ويعاون ماشاء الله عليه

,, كثري انا يحب النظافة فـ يرتب ويهتم ., حتى ساعات يساعدني في المطبخ ,, ( يسوي سلطة لوووول ^^

)

واكثر شي هالانسااان ساعدني في شغل البيت اول ايام الزواج ,, وبعد لما سافرت الخدامة ..ماقصر ويعطيه العافية

وأكيــد . كلمة الحق تنقال ,,أذكره بالخير جدام اهلي ,.

**&مبدعة&** · 2010-05-09, 00:53

للرفع

**خطيرة الملامح** · 2010-05-09, 00:58

للرفع

**حلوه اياامي** · 2010-05-09, 01:04

ارد على موضوووعي

^

^

^

لا ما ارد

^

^

^

ارد

^

^

لا مابرد

لانه ماشفت التفاعل اللي تخيلته <<<<<الله والخيااال توج حاطه الموضوج <<<نشبه

برد باااجر اذا شفت الردووود فوق الستييييييييييييين<<<ياختي خلاص هب لازم نعرف انتي وريلج براااايكم

( ها اللي تقولووونه صح ) بس ادري مب من خاااطركم أصلا ماشي مجال انتو حبيتووووني من اول موضووع صح؟

**عليونة** · 2010-05-09, 01:06

اممم نحن ماعندنا خدم ولا نحب الصراحه خاصة بعد ماسمعنا كثير من المشاكل عن الخدامات
اللي تسرق وتشرد واللي تدخل راعي الدكان عندها واللي تسوي سحر واللي تذبحلها ياهل واللي واللي
بس الكل فالبيت يشتغل
يعني الوالده تسوي الغدى ووحدة تنظف الصالة ووحدة تسوي العشا
والحجر كل واحد ينظف حجرته وحمامه ونفس الشي الملابس كل واحد يغسل ملابسه بنفسه والله يغلي الغسالة الاتوماتيك
والحوش وصوب اللوزات والزبالة تكرمون ايي عامل نظافة من مال البلدية مرتين فالاسبوع يخم الحوي وينظف صوب اللوزة ويشل الزبالة نعطية 20 ولا 25يسير مستااااااانس حليله

**نوف20** · 2010-05-09, 01:11

تسلمين الغلا ع الموضوع

**زيباشو** · 2010-05-09, 02:20

يوم كنت اشتغل كان هو اللي يغسل المواعين وحتى يخم البيت ،،

يوم قعدت فالبيت ،،، ما تعب عمره يقولي تبين اساعدج اهي اهي اهي

يوم كان يساعدني كنت امدحه عند الوالده وربيعتي ،،، وهو كان يخبر اهله اونه يتخقق انه يساعدني ،،،

**طموحه انا** · 2010-05-09, 03:10

ههه
الحمدلله ريلي خدوم مرات يساعدني اذا شافني تعبانه
ومرات يوم اكون عند اهلي والله ارد احصله منظف الارضيه كلها مع العلم شقتي كلها سيراميك
وينظف الطاولات ويخم ويدخن الشقه
ههه فديته
بس هذا كل سنه حسنه يوم اسير بروحي مراااات
بس احسن من لا شي
طبعا انا ما اطلب منه والله لان دوامه طويل ومتعب يستاهل اني اتعب له وخله هو يرتاح..واكثر عن مره عرض علي
انه ايب خدامه بس انا اكره شي اسمه خدامااااااات
ويوم يساعدني اسوي له دعاااااايه عند ماماتي واقولهم ريلي فديته منظف وهو يتشقق ..اهم شي عسب يتحمس ويعيدها هههه

**حلوه اياامي** · 2010-05-09, 15:36

مرحبااا بنوتات حريييم
يسلموو عالتفاعل الحلو
صدق ما شفت الستين رد بس قلت بخبركم عني>>>>>>اخاف يختفي موضوووعي هع

الله يسلمكم ويسلم حالكم واحوالكم واموالكم>>>اهم شي

انا وريلي مقسمين الشغل من بيننا,,,,الصراااحه ها كان رايه فديته,,مع اني ايام الملجه مول ما كنت حاطه فبالي اني اشغله مووول <<<<لاني اشوف اخواني ما يساعدون حريمهم واغلبية الشباب جيه<<مادري اذا فالبيت شي ثاني؟؟

بس هو قال لي ان الرسول صلى الله عليه وسلم كان يساعد زوجاته وان هالشي يزيد الالفه<<<<<عقبها انا ما صدقت خخخخخخخخخ

تم تقسيم الشغل كالاتي:

تنظيف الطوف والمكيفات والثريات <<<ريلي الغالي<<<<<<اعماااال شاااقه
كنس البيت بأكمله ( صاله وحجره)>>>>>>ريلي فديته
غسيل المطبخ<<<<<<<<ريلي فديته<<<<<مره وده فالاسبووع
غسيل الحمام<<<<<يوم انا ويوم هو<<<<<<<يوميا لان هو حمام واحد واستعماله وااايد .

غسيل الثياب ( حلوه ايامي) الله يطول بعمر الغساله واللي يابها خخخخ
ترتيب الفراش والبيت>>>مب الكنس الترتيب ( اختكم الحلوه)
كوي الثياب (ثيابي وثياب البنوته والوزره والفنايل ) أنا ,,,,,,,,,,,,,,,,,لكن كناديره الدوووبي
شغل المطبخ ( انا ) ويدخل للمساعده احيانا فالعشا + غسيل الوعيان انا

وبسسسسسسس

( كنت اشوف ابويه الله يطول بعمره يساعد امي يوم ما كان عدنا بشكااره)

يالله البقيه الباقيه

شاركوننا

عندي موضوووع حلووو بس بنخلص من ها اوووول

لوووووووووووووووووووووول

**يدتي حياتي** · 2010-05-09, 15:45

انا بسكن في شقه وعموو فديتها دووم تاخذ اغراض المطبخ حقي اتقول له حق فلانه وعشان تطبخ وووو الخ

يقولها ما دري امنو بيطبخ وليش تاخذين ها كله وهي ما تعرف تطبخ بس عمر اتقوله بتتعلم فديتهااا والله

انقهر يوم جيه يقووووول احس اني فااااشلة افففف

**ام رشوودي** · 2010-05-09, 15:50

كنت احسبه يتضايق كله يقولي ازقري البشكارة اتسوي مب لاوم انتي تشتغلين

شفتو الدلع

بس يحب اطبخله

الموضوع: موقف ريلج من شغل البيت؟؟؟

أدوات الموضوع

عرض

موقف ريلج من شغل البيت؟؟؟

المزيد من آخر المواضيع من نفس القسم:

المواضيع المتشابهه

صارلج موقف مضحك مع ام ريلج!!!!

اروع موقف وموقف محرج مع عمتج ام ريلج

الحريم المتزوجات فقط / كيف تتصرفين اذا وحده بغت تاكل ريلج بعيونها وهل صار موقف؟

اخر موقف يضحك بينج وبين ريلج

موقف ريلج في ليلة الدخله