خاطري في رولكس

[قصة]

السلام عليكم

كيف الحال يا جماعة
يمكن مب هذا المكان المناسب له بس والله اب ااطلع هالكلمتين من داخلي

في خاطري في خاطري ساعة رولكس،، والله مع اني ما اشتري الاشياء الغالية بس هالساعة من وانا صغيرة خاطري فيها،، بس الحمدالله رب العالمين،، الساعاة غالية،، والله قلت لريلي ابغيها،، احليله يقول لي فالج طيب بس خليني اشتغل،،
عاد انا ا
ري انه يبا يجبر خاطري وانا مب اني ازن على راسه اني اباها،، بس اقول له خاطري فيها واقول له ما ابغي الغالية خذ لي ارخص وحدة عن خاطري بس،،

يا ربي والله حاطري فيها،، الله يرزق ريلي وياخذها لي ^_____^
صرت اتحلم فيها من كثر ما في خاطري هالساعة،،

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[* ام خماس *]

الله يرزقكم من خيره حبوبة

لكن لا تحسسين ريلج انه مقصر فيج 00ولا تحنين وايد عليه اذا ما عنده

ارضي بالي الله قاسمنه لكم والصبر مفتااح الفرج00والماده مب كل شي في الدنيااا

قولي الحمد لله على كل حاال والصحه اهم شي00والسموحه منج حبوبة

الله ينولج الخير والي في باالج ياارب

[وين انت ؟]

آآآآآآه ياربي ذكرتيني بساعة شوبارد اللي ماخذه عقلي وتفكيري خخخخـ
والله انا بعد اهآذي واهلوس بـ هالساعه ^_^ ومن الغاليات بعد ههه بس دآآآآآآشششه خاطري بالقوووو ،، بس كنت اسولف عن الساعه ومواصفاتها وانه عيبتني وحلوة بس عقب خلآلآص فتره وتعدي ههه
الله يرزقنا ويرزقج السوع اللي بخاطرنا ههههه

.·´¨`°÷·..× اللهم لاتجعل الدنيا أكبر همنا ولاتجعلها مبلغ علمنا واجعلنا من عبادك الصالحين ×..·÷°´¨`·.
·´¨`°سبحان الله وبحمده سبحان ربي العظيم°´¨`·.

[مسايل55]

هلا الغاليه ضحكتيني تدرين انت مثلي انا بعد في خاطري ساعة رولكس بس من وين عاد واااايد غاليه ما اقدر على ثمنها لا انا ولا ريلي ... تدرين في وحده سارت بانكوك ويابتها من هناك تقليديه وبعدين ودتها عند راع الذهب وطلالها اياها بماء الذهب والكل يتحراها اصليه بس هي مسكينه ما تجذب لما حد يسالها تقول الصدق هاهاها

[مناكير فوشية]

الله يرزقكم من خيره حبوبة

لكن لا تحسسين ريلج انه مقصر فيج 00ولا تحنين وايد عليه اذا ما عنده

ارضي بالي الله قاسمنه لكم والصبر مفتااح الفرج00والماده مب كل شي في الدنيااا

قولي الحمد لله على كل حاال والصحه اهم شي00والسموحه منج حبوبة

الله ينولج الخير والي في باالج ياارب

[Romance R]

ذكرتيني بعمري و أنا بعد خاطري برولكس و كارتيه و مب أي موديل موديل معين لكل ساعة و ما أبا غيرهم
الله يرزقنا يميع ان شاء الله

[دلووعتهم]

الله يرزقكم ان شاء الله

[honest]

و أنا أبا بيت ههههه

يالله خليج قنوعه وقولي الحمدالله

الله يرزقنا و يرزقج بالجنه و اهناك انحصل اللي نتمناه

[ريم وفرح]

وانا بعد خاطري بساعة رولكس بس شو نقول العين بصيره واليد قصيره
الساعه وايد غاااليه ومب اي واحد يشتريها بس ما عليه الامنيه حلوه واذا رمتي تحققينها خبريني شلون عسب اسوي شراتج
ما كل ما يتمنى المرء يدركه تجري الرياح بما لاتشتهي السفن

[غلا قلبي]

لاتخلون الاشياء الماديه تكون همكم لان والله لو اشتريتيها بتستغرين من ردة فعلج
لانها شي عادي يعني ماعرف كيف افهمكم راحة البال هي الشي الوحيد اللي الانسان يباها

الحمدالله عندي رولكس وغيرها بس ماشوف انهن شي يعني والله ماتفرق وياي

ع العموم الله يرزق كل وحده باللي فخاطرها ويخليلكم اهلكم ومايتم شي فخاطر ولا وحده منكن

[أم نظارات]

اللهم أني أسألكـ أن تهبها من خيري الدنيا و الأخرة ... اللهم آمين

[um_shahd]

خذيلج تقليد من بانكوك على 70 درهم ..

[بهلولة]

الله يفتحها عليكم

[Cute_Barbie]

up up up

[مجرووحه]

شكلكن تتوحمن ع سووع هههه
الله يرزقنا و يرزقكن