الزواج بجنسيات مختلفه

**فديت الكيوت** · 2010-05-07, 00:43

السلام عليكم خواتي..بغييت اطرح موضوع ..وهي بذا مشكله عااامه في مجتمعنااا الحالي..ليش في بعض المناطق عااادي عندهم يزوجون عيالهم من جنسيه ثانيه..الاماراتيات اقصد..ما تحسون واايد هااي الظاهر احين ؟ ما سالتوا ليش...وشو السبب الي يخليهم يهدون ديرتهم وشباب الامارات ويلجأون الى شباب من جنسيات ثانيه..وهل المجتمع يحاسبهم على هاا الشي وله عاادي البنت لهاا الحريه في مجتمعناا الالي؟
واذا المجتمع عاادي عنده ليش يضطر ياخذ جنسيت البنت ؟
والاهالي وين عنهم..ليش ماحاولوا يستنتجوا السبب الي يخلي البنت تلجا الى شي هب من عااداتنا ..مثل الحب ظاهره وااايد انتشرت في مجتمعناا..الزواج من مختلف الجنسيات..واشياء ثانيه واايد..كل ما نسمع عنهااا نتفاجااا؟
ونرد نقول ليش وليش وليش ؟
ابغي من كل وحده تعطيني رايهاا بخصوص هااي الظاهره...والحل ..وهل المجتمع مخالف وله معارض..
واتمنى بعد من كل وحده يوم تقراا ردو وله نصايح اي وحده اتمنى من كل قلبي الهدايه والستر يارب

المزيد من آخر المواضيع من نفس القسم:

**فديت الكيوت** · 2010-05-07, 00:46

المشاركة الأصلية كتبت بواسطة فديت الكيوت

السلام عليكم خواتي..بغييت اطرح موضوع ..وهي بذات مشكله عااامه في مجتمعنااا الحالي..ليش في بعض المناطق عااادي عندهم يزوجون عيالهم من جنسيه ثانيه..الاماراتيات اقصد..ما تحسون واايد هااي الظاهر احين ؟ ما سالتوا ليش...وشو السبب الي يخليهم يهدون ديرتهم وشباب الامارات ويلجأون الى شباب من جنسيات ثانيه..وهل المجتمع يحاسبهم على هاا الشي وله عاادي البنت لهاا الحريه في مجتمعناا الحالي؟
واذا المجتمع عاادي عنده ليش يضطر ياخذ جنسيت البنت ؟
والاهالي وين عنهم..ليش ماحاولوا يستنتجوا السبب الي يخلي البنت تلجا الى شي هب من عااداتنا ..مثل الحب ظاهره وااايد انتشرت في مجتمعناا..الزواج من مختلف الجنسيات..واشياء ثانيه واايد..كل ما نسمع عنهااا نتفاجااا؟
ونرد نقول ليش وليش وليش ؟

معنااا نحن احسن بوايد عن غيرناا ..الله يخلي لنا شيوخنا ما مقصرين معااانا من كل النواحي..ولكن ليش وماهي الاسباب الي تخلي البنت سوي ج؟

ابغي من كل وحده تعطيني رايهاا بخصوص هااي الظاهره...والحل ..وهل المجتمع مخالف وله معارض..
واتمنى بعد من كل وحده يوم تقراا ردو وله نصايح اي وحده اتمنى من كل قلبي الهدايه والستر يارب

**روح الفانيليا** · 2010-05-07, 00:46

طبعا اعارض هالظاهرة بس شي نا س للحين عادي عندهم يزوجون اولادهم من جنيسه غير عربية

اعرف ناس مزوجين ولدهم وحده هنديه و السبب لان راتبه 6000 و ما يسوي شي ويوم يسألونه ليش تزوجت هنديه يقولهم الزواج بمواطنه مكلف !!!!!!!!!! و هن ما يراعن

**ردييينا** · 2010-05-07, 00:49

الواحد غصبن عنه يزوج من جنسية ثانية الله يخلي زيادة المهور ألي عندنا

*** ام خماس *** · 2010-05-07, 00:56

الله المستعاان00واايد اسبااب لو نقعد نتكلم الين باجر مابنخلص

الشاب الي راتبه ع قده وما يقدر على مهر المواطنه مابيده الا الزواج من غير جنسيته

والي معرس من مواطنه ومطلق يحب يجرب حظه مع وحدة من غير جنسيته

والبنت الي ما ياها نصيبهااا المواطن وكبرت ياا انهاا بتاخذ وافد او تواجه المجتمع كعاانس

مع ان الزواج قسمه ونصيب لكن اكيد المجتمع والاهل يتحكمون ولو بجزأ بسيط

في زواج عياالهم واختياارهم لشريك حياتهم

والله المستعاان

**HONG** · 2010-05-07, 00:58

كل واحد ياخذ الجنسيه اللي يريحه
لانه محد يعرف شو ظروف الشخص ماديا او معنويا
واؤيد ان اغلب الاماراتيات مكلفات من ناحيه المهر وحفلات مره للخطوبه ومره للملجه وغير العرس والفستان!!
دينيا هذا كله مب مطلوب << روحو اقرو السيره النبويه
وشوفو كيف اجدادنا حياتهم بسيطه وزواجهم بسيط << ذهب وحنا ودراعات وحفل واحد
حفله الخطوبه اصلن ما يصير لانه الخطوبه لازم لازم لازم تكون سر << فتره تعارف العائلتين فقط يمك احتمال يصير نصيب واحتمال لا بلا احلام خياليه وورديه ..
هذا يدل ضعف الوازع الديني عند شبابنا بشكل عام << تفكير مادي
ثانيا تفكير غير واقعي وكلام الناس وتبي تكون ملكه << سندريلا
حتى اللي عندها فلوس مب شرط تصرفهم في حفله عرس وفستان وديكور
هاذي رغبه شخصيه منها انه تبي تظهر بشكل معين وبطريقه معينه
فنشط متاجر الفساتين وحركه الماكييرات ولا اصلن قبل ماشي هالسوالف
اتمنى من امهات المستقبل الوسطيه والاعتدال والتفكير العميق قبل لتتخذ اي خطوه بشأن "حفل عرس"
لانه وراه مسؤوليه وتكوين اسره يديده الى المجتمع .

**نانا الحيرانة** · 2010-05-07, 01:00

يقول المثل
( الي ياخذ من غير ملته يموت بعلته )

يعني بمعنى اذا ما ياخذ من نفس جنسيته وعاداته وتقاليده ودينه ما بيرتاح

والله اعلم

**cute uae** · 2010-10-31, 11:00

المشاركة الأصلية كتبت بواسطة نانا الحيرانة

يقول المثل
( الي ياخذ من غير ملته يموت بعلته )

يعني بمعنى اذا ما ياخذ من نفس جنسيته وعاداته وتقاليده ودينه ما بيرتاح

والله اعلم

المشاركة الأصلية كتبت بواسطة آمنه111

تكلفة الزواج وزيادة المهور بالامارات يقابلها ارتفاع مستوى المعيشة وزيادة الرواتب ..

شبابنا يقدرون ياخذون مواتر بميات الالاف ويقدرون ع السفر والفشخره لكن يوم اييون عند العرس اتعلثوا وقالوا مهور غاليه ومانقدر ندفع وما عدنا ...ليش ..؟!

**فديت الكيوت** · 2010-05-07, 01:26

صح كلام الاخوات ..واشكركم على تفاعلكم الحسن..بس ما تحسون انه الظاهر اكثر احين عند البنات..
كل شي صار عاادي ..يزوجن من غير جنسيات غير جنستهم..والاهل مساكين نصهم مضرييين يزوجون اعيالهم وبناتهم عسب الفضايح الي يسونهااا..

**سوالف بحر** · 2010-05-07, 01:41

انا اشوف ان الزواج قدر ومكتوب وقسمة ونصيب وماحد يعرف نصيبه وين

**ام مهوووره** · 2010-05-07, 02:21

طبعا اعارض بس شوبنقول زيادة المهور هي اللي تخلي الشباب يفكرون ياخذون من جنسيات ثانيه

**سعاده2** · 2010-05-07, 02:34

انا عن نفسي اويد هالظاهرة

الله خلقنا شعوب وقبائل حتى ننتعارف والزواج من جنسيات غير جنسيتج عمره ماكان شي عيب
اناا عن نفسي اذا تقدم لي شاب من جنسية غير جنسيتي وكان متعلم وخلوق وعارف ربه ليش ارفضه ؟!!!!

**كازاويا** · 2010-05-07, 15:00

المشاركة الأصلية كتبت بواسطة سعاده2

انا عن نفسي اويد هالظاهرة

الله خلقنا شعوب وقبائل حتى ننتعارف والزواج من جنسيات غير جنسيتج عمره ماكان شي عيب
اناا عن نفسي اذا تقدم لي شاب من جنسية غير جنسيتي وكان متعلم وخلوق وعارف ربه ليش ارفضه ؟!!!!

الله يرزقج بابن الحلال ويعطيج عقد نيتج ويسهل عليج

**بقلاوه وقهوه** · 2010-05-07, 02:48

ادخلوا قسم العروس وتعرفون السبب

غير المهر والشبكه فستان الزفاف فوق عشر الاف !!علشان كم ساعه بس !! الملكه لازم حفلة وياليتها حفله صغيره الا كأنه عرس الا اكبر من العرس !!
وبعدين العرس

وكل هالحفلتين الكوش غاليه وتزيين الطاولات والحركات الثانيه والفرقه اللي بتغني او تنشد ودي جي !!
وسفر شهر عسل

ماقول لاتسوون سوو بس الملكه خلوها حفله صغيره ببيتكم بين الاهل
و في العرس لاتبالغون

وماقول الاجنبيات ما يسوون الا شفت بعد بعض الاجنبيات يسوون نفس الشي تقليد للمواطنه واكثر اذا كان زوجها مواطن ثري وماعنده مشكله

في بعضهم مايتزوجون بسبب غلاء المهر وغير لا في سبب ثاني يمكنه مرفوض من بنات بلده او هو بينه مع هالاجنبيه علاقة حب وتزوجها

**um_shahd** · 2010-05-07, 02:51

في ناس عندهم هالشي منقووووووود
ولكن كرأي شخصي الله يبارك لهم زواجهم
لاعيب ولا حراام

الموضوع: الزواج بجنسيات مختلفه

أدوات الموضوع

عرض

العرض المتطور

الزواج بجنسيات مختلفه

المزيد من آخر المواضيع من نفس القسم:

المواضيع المتشابهه

الخبيرات بجنسيات الخدم ساااعدوني

استبيان:هل تؤيدين الزواج عن طريق الحب او الزواج التقليدي؟

رسومات مضحكه لبنت قبل الزواج وبعد الزواج ^________^

لمن لم تتزوج وترغب في الزواج(طريقة لتيسر الزواج بإذن الله)