دبي او الوصل

[amona2]

السلام عليكم

بس حبيت أسأل المجربات والي عندهن خبره شو الاحسن مستشفى


دبي ولا الوصل

يعيني كل وحده ربت هناك تعطيني ايجابيات وسلبيات كل مستشفى

وشو اختارت الغرف العاديه او vip

وبكون شاكره وان شاء الله الكل يستفيد

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ديـوان الوفـا]

هلا الغاليه عساج بخير
حبيبتي الوصل والحمريه وااااايد اوكيه
انا كل خواتي ايربون بالحمريه وانا
وحريم اخواني بالوصل
انا فبنتوتي كنت ابي آخذ في اي بي بس كان
وايد عندهم ضغط بالغرف وقالت لي لازم احطيج جمعيه
قلت لو الموت اتم بغرفة الولاده ولا اسير بجمعيه فديته ريلي
سار وتم يراكض يمين ويسار وسبحان الله نفس الدقيقه وحده كانت ظاهره
وعطوني الغرفه بس واااااايد ارتحت بالوصل

[amona2]

هلا اختي ديوان الوفا مشكوره للرد

وان شاء الله بنستفيد اكثر من تجربه البنات في المستشفى

[**حبك محلل**]

ما عندي تجربة غير بالوصل ومن زمان نحن وكل هلنا نربي فيه بس على مدى السنين تغير والدكاترة الثقة طلعو منه وبآخر ولادة لي الصراحه وما أريد أذكر شو سووبي النيرسات وألحين سجلت بمستشفى خاص والله كريم

[بنوتة_قطر]

هلا امونه
انا يختي جربت الولاده في مستشفى دبي ....وبهدلوني بهدله والله ما انساها طول عمري يمكن لاني مب مواطنه...بس تخيلي قطوني بغرفه جماعيه فيها 3 حريم طبعا من جنسيات مختلفه وكانوا مساجين وعليهم رقابه والشرطه عند الباب واقفين ...والله يا اني مارقدت طول الليل من الخوف اخاف وحده منهم تهجم علي وتذبحني خخخخ لكن صج صج كانت ليله مرعبه وخصوصا ان ما معاي مرافق....وكنت بالدقيقه اطلب غرفه خاصه ويقولون مافي وانا خلاص كرهت حياتي قلت ليتني ماجيت دبي....وغير السستر كانت افريقيه واتخرع ويوم اضرب جرس كانت اتجي اتهزئني اتقولي لاتضربين جرس وانا من الخرعه استسلمت ولا ضربت الجرس خير شر اهى اهى صراحه معااانااااااه بمعنى الكلمه.....انا مابي اعمم ان المستشفى مب اوكي بس اللي بقوله حظي الردي اللي قطني فيه وانا مب مواطنه ...حسسوني جني من جنسيه ثانيه مب جني من دول مجلس التعاون بس ماقول غير حسبي الله ونعم الوكيل اللي تغربنا واحنا في بلدنا الثاني....

[مرافئ صمت]

للرفع ..

[برقع فوشي]

up up ^^

[amona2]

ترا عشان جي اختيه حبك محلل انا اسال حد يذم الوصل وحد يمدحه وحد يذم دبي وفيه الي يمدحه

قلت بسال بشوف الاغلبيه وين سارن وشو شافن هناك

مشكوووره لردج ومرورج


بنوته والله تلعوزتي واايد حشى يمكن لانج مب مواطنه يختي المواطن الحينه يتلعوز الله يعينج ويسهل عليج


مرسي حبيبتي مرموره للرفع

[العنابية]

.. الصراحة انا ربيت ... في الوصل ... وااااااايد ارتحت فيه ... والنيرسات ما شاء الله عليهم عسل وحبوبات ..

يمكن لاني ربيت بعملية .. ووايد اهتموا فيني ..
الصراحة انا مستغربة ليش يذموون الوصل ...؟؟؟؟

[miss amal]

انا بعد محتاره بين الاثنينه خبروني بنات وين نسير دبي والا الوصل

[amona2]

برقع فوشي مرسي للرفع حبيبتي

العنابيه بغيت اسالج الي يربي قيصريه عندهم في الوصل يولدونه عقب دوم بقيصريه؟؟

شاكره لج ردج


مس امل ان شاء الله كلنا بنستفيد

[العنابية]

برقع فوشي مرسي للرفع حبيبتي

العنابيه بغيت اسالج الي يربي قيصريه عندهم في الوصل يولدونه عقب دوم بقيصريه؟؟

شاكره لج ردج

هلا حبوبة . لا منو قااال على حسب الحالة ... يعني انا راس البيبي كان فوووق وخلصت التاسع وما نزل ... فاضطروا يسوولي عملية ...

[قلـRDـب]

up up up

[بنت زايد 5]

للرفع

[moooon98]

انا اراجع في مستشفى دبي ،، وافكر اسير الوصل بس المشكلة الاحظ الكل يقولي الوصل وايد تغير للاسوأ