قصيده تقطع القلب

[ارمـلـه]

سلام عليكم خواتي هذي قصيده تقطع القلب من ام ولدها تزوج وحده قاسيه شوي وطلبت من الولد انه يودي امه دار العجزه علشان تاخذ راحتها في البيت:1 (22): المهم ولدها مارد حرمه وطرشها بيت العجزه جان تكتب فيه هل القصيده وتخليها عند الدكتور وقالت له وصل هل الرساله حق ولدي وسبحان الله الاعمار بيد الله عقبها بفتره قصيره ماتت الام وتندم الولد على الي صار اخليكم مع القصيده اتمني تقرون البيت الي مكتوب باللون الاحمر :22 (22):


وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي

[ريم الوضح]

الله يهدى الجميع والله السالفه هذه الكل يشتكى منها
اللهم اصلح ابناء المسلمين
ومشكوره الغاليه على القصيده
والله انى كل ماشقت توقيعج مت من الضحك الله يسامحج على هذا التوقيع
ونصيحه لكل حامل فى شهورها الاولى ماتشوف توقيعج لانه خطر عليها ههههههههههههه
السموحه منج الغاليه حبيت امزح وياج

[اليتيمة]

قصيييييييييييييييييييييييدة فعلا تقطع القلب...لها الدرجة وصلت عنده الولد...
أمه تتمنى بس تكون خدامة عنده بس عشان تشوفه...آآآآآآآآآآآآآآآآخ يالقهررررررررر...

تسلمين ع القصيدة أختي..يعطيج العافية.

[درة الإمارات]

تشكرين الغالية على هذا النقل والجهد

لكن القصيده مكررة

سبقتج فيها شمس القوايل

http://www.uaewomen.net/showthread.php?t=6005

تسلمين يالغالية

وانتظر يديدج


بشوق


بس لي طلب


دخيلج غيري التوقيع يخرع خخخخ

تحياتي ودعواتي لج

[بنوتة الامارات]

تسلمييييين اختي .. لا عدمناج..^^

[الجوهره]

تسلمين الغاليه على القصيده

والله يهدي كل شاب اذا كان عاصي والديه

[شوق دبي]

حليلها وبعده ااتحن على ولدها ...

[القطوة]

مشكووره الغاليه .....