بنتي شربت دواااا ..

[لمسة ابداعـ]

السلام عليكم ورحمة الله وبركاته ...


خواتي بنتي عمرها سنه ونص واليوم الصبح شربت دوا فينستيل ( مضاد الحساسيه ) ويوم ييت شفتها شاربه نص الغرشه (( الغرشه صغيره مب كبيره )) وهيه قطور مب شراب .. اتصلت بالدكتور وقالي هالدوا من الادويه الامنه اللي ماتضر اذا انشربت بكمية اكثر من اللازم ..

بس قالي اذا تبين تتطمنين اكثر خليهم يسوولها غسيل معده وانا خايفه .. اخاف اوديها ويلعوزونها في المستشفى مع العلم باني خليتها تشرب ماي وايد عشان يخفف تركيز الدوا ..

والحين رقدت ..

شوروا عليه شو اسوي ...

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

[راعية واجب]

ههههههههههههههههههههههههه فديت اليهاالوو اناا

عطيها ماي وملح عشان تزوعه

[لمسة ابداعـ]

ماشاء الله عليها ماقدر اغفل عنها ثانيه ..

وان شاء الله بعطيها ماي وملح لاني كنت ابا شي يخليها تزوع عشان يظهر الدوا ..

مشكوره الغاليه ع الرد ..

[بنت_دبي_وبس]

اصلن الغلط الكبير انج اتخلين هالادويه جدام الصغاريه
الحين لو تقدرين وديها الطواري أحسن عسب تتطمنين أكثر

[الغزال المشرد]

ان شااء الله ما عليهاا شر

والله يحفظهااا لج

[*أم شهد*]

لو اتحاتين وايد سيري المستشفى وان شاء الله ما بيلعوزوها ،،،

الله يشافيها لج يارب وانتبهي اختي هاليهال ما ينعرف لهم

[لمسة ابداعـ]

مشكورات خواتي على الرد ..

انا حاطه الادويه في السده وهيه ماشاء الله عليها ماتيلس ..

[zoomyat]

اختي المفروض على طول تعطينها حليب عشان يبطل مفعول الدوا مب تعطينها ماي .. لان الماي يساعد في انتشار الدوا فالجسم بسرعه ...

بس احسن شي في مثل هالحالات تعطينها حليب على طول يبطل مفعول الدوا ..

حتى لاحظي يوم تروحين المستشفى يقولون لج خذي هالدوا مع ماي او عصير بس مب مع حليب ...

[سينيوريتا ~]

مره بنتي شربت محل واحد مريض فشليتا وخشيت صبعي على طول في حلجها وزوعتا في اللحظه والثانيه ؟؟؟؟؟؟؟؟عشان ارتاح

[بهلولة]

حياتي الله يحفظها من كل شر
انا استخدمت هالدوا لحساسية ولدي
وفعلا هو من الادوية الخفيفة
بس للاطمئنان سيري لعيادة خاصة
واطمني اكثر
واذا فعلا الموضوع يستاهل غسيل معده
فسوي اللي فيه صالح لبنوتج
بس فديتج تحملي اكثر عليها من الادوية او الحمام او الفرن
هذا العمر وايد خطير

[زلال2008]

ع طول حليب اذكر ولد حميتي شرب ديتووول اتخيلي على طول عطته حليب