بسافر الصين

**حمده الشامسي** · 2007-05-22, 11:08

مرحبا خواتي

بغيت أعرف في حد راح الصين وشو رايكم في الصين وشو الاماكن الحلوه في الصين
وأهم شي السوق

المزيد من آخر المواضيع من نفس القسم:

**أم شماء** · 2007-05-22, 18:23

بصراحة شدني اسمج لأنه نفس اسم بنتي ...ودشيت أسلم وأرفع الموضوع..

**farawla92** · 2007-05-23, 02:27

اهلين اختي
انا رحت للصين رحت لشنقهاي رووووووووووووووووووووووووووووووعه بقوه
التسوق عندهم حلو ومعارض زارا عندهم غيرعندنا بلسعوديه
انا نزلت بفندق قريب من البرج الي بوسط الميدان اعتقد انه برج ماء
اقمت في الصين 6 ايام ما استخدمنا فيها المواصلات ابد
نمشي كل يوم في جهه عكس الي مشينا فيها اليوم الي قبله وما خلصنا المنطقه الى حوالينا
لكن بلد جميله ولو تبون احد يروح مرافق انا في الخدمه هههههههه
عندهم شارع من طوله يستخدمون فيه باص يساعد الناس للوصول لاوله هوه شارع تجاري ويقام فيه
عروض ازياء بلشارع
الملابس عندهم الي مش ماركه معروفه ترى بلعرض حلو لكن بلبس شين
الملابس الشتويه عندهم رخيصه مقارنه بلخليج
وش كما وش كمان
ايوه
نهم منطقة ارض المعارض روعه لكن ما ادري ايش اسمه عندهم
يعرضو فيها البضائع برخص التراب ومعروضاتهم ذات جوده انا شريت بجايم داخليه اصليه ب 20 ريال
وشالات على 30 روعه هنا يعرضوها 100 وفوق
اتمنى اني اكون افدتك
والله وانا ما احفظ اسمي كان فدتك اكثر

واذا اكلتي الطعام الصيني وشربتي شوربة الذره اتذكريني
لانها ما تشبه الى عندنا ابدا لك لذيييييييييييييييييييييييييذه
وبتلاحظي انهم ما يستخدمو سفره على الطاوله يعني الطاوله شكلها شبهه
وتروحي وتجيبي الاخبار بلسلامه

**حمده الشامسي** · 2007-05-23, 10:14

أم شماء

مشكوره حبيبتي على المرور

**حمده الشامسي** · 2007-05-23, 10:17

farawla92

مشكوره الغاليه على المرور
واستفدت من الاشياء اللي قلتلي اياها

**حمده الشامسي** · 2007-05-23, 10:33

ان شاء الله تروحين حبيبتي

ومشكوره على المرور

**butterfly_uae** · 2007-05-28, 13:10

انا رحت شنغهاي مرتين

الصراحة رووعة وماشي مثلها

كل شي في غريب وحلو

**ليالي_العين** · 2007-05-28, 13:30

ما عندي فكرة لكن الله يوفقج

تذكرت اخوي راحلها بالتسعينات .. نصيحة وحدة اذا انتي من النوع اللي ما ياكل اي شي

شلي معلبات معااااج احتياااط واجب

**فطمطم** · 2007-05-28, 16:06

والله الصين الكل يمدحها بطبيعتها واسواقها ..ودي ازورها

**أمووون** · 2007-05-29, 00:59

انا رحت بكين الشهر اللي طاف...

الجو كان حلوو.. وشمس..

بس العرب اللي ساكنين فيها يقولون انها تستوي وااااايد حارة في الصيف.. مثل الخليج

في بكين وااااايد مولااااات يدور راسج من كثرها...

انا كنت سايرة احضر مؤتمر .. المؤتمر كان في شانغريلا...

انا انا كنت ساكنة في فندق اسمه New Century Nikkon Hotel

خمس نجوم بس الغرف صغيرة ... يبين انه قديم ومجددينه..

بس كان زين نوعا مااا... ومنه للمولات الثانية مسافة دقايق بالتاكسي....

بصراحة ما كلنا اكل صيني موووووول غير في المؤتمر نتفه... وخليت الشيف وياي طول الوقت يراويني الاشيا اللي مافيها خنزير.. بصراحة يستخدمون الخنزير في اكلهم بشكل فظيييييييييييع.... لأنه رخيص.... والفاست فووود يا حيه... يمشي الحال....

بس شي مطعم عربي اسمه ألف ليله وليه... خخخ فيه رقاصات واغاني وحشرة... بصراحة كنا نيلس برع بعيد عن الحشرة يوم الجو زين.. ومرة كان واااايد برد ويلسنا داخل وصدعنا من الحشرة والرقاصات اللي يغربلهم يتنططون جدام الرياييل

وعدال هالفندق شي مول طوابق.. هالمول تقدرين تكاسرين في السعر فيه... الملابس والله انها..

بس الشنط والنعل وانتي بكرامة زينة...

هممممم شي مول اسمه Golden Resources وااااااااايد عووود وحلووو

ودونا رحلة بحرية الى جزيرة.. بس المعلومات بصراحة مب عندي لأني حتى ما تفيجت احط الصور... بس ودونا صوب Summer Palace اللي هو القصر اللي يصيفون فيه العايلة الحاكمة.. وهالمركب اللي ركبنا فيه مشى في نهر غير مسموح للصيد فيه.. ومحد يبحر فيه غير السياح والعايلة المالكة....

بصراحة الصين يبالها شهر مب اسبوع وشغل ومؤتمر...

اتمنى اسير مرة ثانية... والله يا ليتني اقدر افضى شوي عسب احط كم صورة.. بحاول بس عقب ما يخلص المؤتمر اللي عندنا الاسبوع الياي...

الموضوع: بسافر الصين

أدوات الموضوع

عرض