يومياتي ****يومياتي حبيبة زوجها ****** +تجربتي في تخفيف الوزن

**حبيبة_زوجها** · 2010-05-01, 20:55

السلام عليكم ورحمة الله وبركاته .......
اول شي احب ارحب بنفسي لاني عضوه جديده فهالمنتدى اللي اكثر عن رائع ......وابا اخبركم عن تجربتي في الحصول على الرشاقه ...وان شاء الله اوصل الوزن اللي اباه ....بس اللي اباه تشجيعكم ...وان شاء الله بحط لكم يومياتي وبالصور ان شاء الله ...

الصراحه ...قبل 3 سنين كان وزني وايد حلو باختصار ((((53 ))))وطولي 164 لكن انا صار لي شي الا وهو اني حملت مرتين ورا بعض وصرت يعني دبه دبه وخلاص عقب ولادتي الثاني ....كان باقي كيلو وبستوي 90 ....شفتو كيف من 53 لين 90 الصراحه ياني احباااااااااااااااااااط.....
كل حد يقولي وين كنتي ووين صرتي يعني قهر بقهر ما تم حد الا وزقرني يا دبه ....انا شو سويت ...؟؟؟
اول شي بدييت اخفف في الاكل ....ونقصت اول شهر 2 كيلو بس ...بس قلت يالله ماعليه ...عقبها وردرت كل شيي دسم ورحت الجمعيه وخذت كله اكل خالي الدسم ....وعقبها بشهر نقصت احم احم ...12 كيلو ...الصراحه ما كنت اسوي ريجيم من اي مكان بس يعني كنت اكل وجباتي بانتظام و3 مراتي وما اكثر حتى لو خالي الدسم ...المهم
صار وزني 76 احم احم يعني تقدم ملحوظ ....بعدها فكرت ..قلت مابا جسمي يترهل شو سويت ....اشتركت فصاله عندنا في راك ...والصراحه احلى من الايروبكس مفيش .....مافي شي ايي منه والدرب لازم نبذل جهد شوي شهرين ونص الصراحه ما نقص وزني وايد ....لكن مقاساتي نقصت نقصت وايد والحين وزني صار 68 لكن بالشكل امبين اقل بوايد يعني اللي يشوفني يقول 62 ...ممممم يعني الصراحه هابدون ريجيم بس تخفيف..... والحين الكرش طارت يعني ودعتها وباقي فخودي ....يعني هي صغرت بس يعني يبالها بعد ...وانا الصراحه مو ناويه اودر الرياضه اباها اتكون عاده فيني .....بس بعد لازم انقص الحين ...يعني الهدف الاول 60 بالظبط ....وان شاء الله احصل تشجيع منكم لاني ابا انقص قبل رمضان ....خخخخ تعرفون يعني ...احم لازم شويه نخبصها .....
تابعوني "حبيبة زوجها ""رشيقة المستقبل .....

المزيد من آخر المواضيع من نفس القسم:

**حبيبة_زوجها** · 2010-05-01, 20:57

نسيت اخبركم ...اني من غير الايروبكس ...عندي في البيت آلة الاوربتراك ...الة صعود الدرج ...ودامبل ...فرشه ...والة البطن ...احم احم يعني انا شاده حيلي ...بالاضافه الى التخفيف في الأكل ......بنات بليز ادعو لي دعوه حلوه وشجعوني بليز

**دهن_العود** · 2010-05-01, 21:05

موفقه يا قلبي

وان شاء الله توصلين للوزن اللي تبينه

**حبيبة_زوجها** · 2010-05-01, 21:06

فديتج دهن العود مشكوره على تشجيعج....

**حبيبة_زوجها** · 2010-05-01, 21:07

بنات حمسوني ....شجعوني
...يالله

**ملاك22222** · 2010-05-01, 21:10

ان شاء الله توصلين للوزن الي تبينه ولو تحطين يومياتج بكون أحسن

**ميروه النعيمي** · 2010-05-01, 21:11

ماشاء الله ربي يقويج وتنقصين وتوصلين لهدفج
حلوه قصتج عيبتني

**حبيبة_زوجها** · 2010-05-01, 21:13

فديتكم والله اتشجعوني ....انا ان شاء الله من باجر بحط وبصور يومياتي ....اترييوني ...وبصور الاتي اللي ادرب عليها

**حبيبة_زوجها** · 2010-05-01, 21:21

ميروه وملاك مشكورات على كلماتكم الحلوه

**ندى الاماراتية** · 2010-05-01, 21:41

ماشاء الله عليج . انجزتي انجاز مو بسيط .. شدي حيلج

**جميلـه** · 2010-05-01, 22:02

يالله ياااااااااااااااارب كلنااا نضعف ونصيير رشيقااااات

ويتحقق كل شي نباااااه يااااارب الله يصبرنااا عن الاكل

ان شاااء الله ابنضعف و الارااادة اهم شـــــي..

موفقة غناتي .. ^^

**ام حمود وعبود** · 2010-05-01, 22:15

ماشالله تجربتج حلوه وتعطي امل للغير ^^

ان شاء الله توصلين للي تبينه

**حبيبة_زوجها** · 2010-05-01, 22:18

فديتكم انا بعدني ما كتبت يومياتي وشجعتوني ....تف تف عن احسد نفسي ....خخخخ

**حبيبة_زوجها** · 2010-05-01, 22:55

شكلي صدق حسدت نفسي ....يالله شجعوني زياده حبيباتي ...باجر ببدا اليوميات

**الوتر24** · 2010-05-01, 22:57

بالتوفيق حبيبتى
وان شاء الله كلنا نبدأ بحماس مع رجيم

الموضوع: يومياتي يومياتي حبيبة زوجها ** +تجربتي في تخفيف الوزن

أدوات الموضوع

عرض