بموت من الضيجة

**Asooma** · 2010-05-01, 21:24

سيري سألي عمتج ليش زعلانه

واذا كانت الخدامه هي السبب

عيل قوليلها انا مستعده اسفرها بس تخلين خدامتج تنظف لي القسم

وعقب شوفي شو ردها بيكون

واذا ما تقدرين ترمسينها

عيل طنشي

لان من حقج ترتاحين

**mazyo0na** · 2010-05-01, 22:41

مشكله والله .. ليش جي .. وانتي مهما طنشتي بتحسين بضيييق لانج عايشه وياهم وخاصتا هذي عمتج مب وحده من اخوات ريلج ..

حاولي تتوددين لها وان شاء الله باسلووبج الحلوو بتكسبينها

انا كنت حامل بالشهر الخامس يوم يبت بشكارتي ووالله وصلني رمسه من اخوات ريلي اونه ليش يحطلها وهي مب محتاجه يعني بالعربي مدلعنها ... وهن كل وحده عايشه في بيتها وعندها خدامه انزين ليش جي والله ..!!! كل واحد حررر في حياته .. بس طبعااا ما يبت طاري لريلي لان مهما كان هذيله اهله وانا ما بكسب شي من القيل والقال

وانا كان عندي قسم كامل يعني شرات الشقه بس صدق تعب تنظيف وتكنيس غير الطباخ وغسل المواعين عاد الكوي برووحه تعبببب

.... الله يوفقج ويسعدج الغاليه

**العوف** · 2010-05-02, 00:35

والله حاله
الله المستعان

**جواري اليم** · 2010-05-02, 00:43

عزيزتي بسم الله عليج من الضيقة.. اهم شي سوي الي يريحج ( يعني لو بيتج صغير وماعندج يهال و يبتي خدامة و ريلج راضي خلاص هذا الشي راجعنلج دام معاشها من جيبكم) و بعدين محد له حق يتضايق.. الغالية انت سوي الي عليج سلمي عليها و يلسي و ياها و هاديها و خلاص أهم شي سويتي الي عليج و الباقي عليها.. و دام ريلج مايحب هالسوالف لا اتدخلينا فيها احسن.. والله يعينج

**المياسيه** · 2010-05-02, 15:36

يزاكن الله خير
ريحتنيه فديتكن
وصدقكن بتعامل عادي
وبطب الموضوع

**زهرة الشحوح** · 2010-05-02, 15:49

الغالية اسالي عمتج شو مظايقنها وخليج طيبة معاها شو ماكانت الظروف والله بياجرج على حسن نيتج ومعاملتج ويمكن بتتعبين بالبداية بس المهم انج حاولتي ولا ياس مع الحياة

**ام نهيان** · 2010-05-02, 16:39

شو مشكلتها عمتج؟؟!!

ماتبا ترحمج ولاتبا رحمة ربج تنزل؟؟!!

طنشي فديتج وعمتج يلسي وياها وحاولي تسولفين وياها وتشرحيلها وضعج الولد يباله رعايه والبيت يباله تنظيف ولازم الخدامه عشان تساعدني,,ومن هالرمسه!!
يمكن بتفهمج جذيه,,بس صدقيني بيي اليوم اللي بتفهمج عمتج فيه لانه بعض العمات يغارن من حريم عيالهن!!

**بطة بيضاء** · 2010-05-02, 17:31

و شو خصها هي اذا يبتي خدامة ولة ما يبتي ؟؟؟؟؟؟؟

لا تسمحين لأي حد يتدخل في حياتج انتي حرة في كل تصرف تتصرفينه في بيتج

**بهلولة** · 2010-05-02, 18:45

هممممممممم
اهم شي راحتج دومج ما تعديتي على احد
وعمتج خلي بينج وبينها المعروف
ويارب يسخرها لج

**Limo0onah** · 2010-05-02, 19:58

مافهمت عمتج ليش متضايقه يعني هي لا تساعدج ولا تبيج تييبين حد يساعدج ؟!!

**Ro7 AlRo7** · 2010-05-02, 21:15

الله يهديها عمتج شو مشكلتها ؟!

حاولي ترمسينها باسلوب قوليلها عموه احسبج مضايجه مني وانا ماقدر ع زعلج الغاليه امريني و اكييد بتقولج لا مافي شي عقبها بتستحي ع وييهها وبترد اوكيه وإذا تمت جي طنشيها بس حاولي تكونين عاديه وياها ولا جنه في شي

الله يعينج الغلا

**ام سيفوه1** · 2010-05-02, 21:28

ليش تكرفين ؟؟؟؟
يوم بتتعبين و ضيعين صحتج و تصير حالتج حالة بدور له احلى عروس.

اهتمي بنفسج و خلي شغل البشاكير للبشاكير و اهتمي بولدج و ريلج و خلي معاملتج مع عمتج زينة و سطحية
ما شاء الله اكيد انتي شاطرة تعرفين تسوي الواجب لي عليج كحرمة متزوجة و بس لا تزيدين أي شيء من عندج لانه يقدر ينقلب ضدج.

و ع فكرة يوم تكون العمه لي مختارتج زوجة لولدها تتوقع انها يابتج تخدمينها هي.
فكرة ناس كبار في السن لكن بتتغير مع جيلنا الحالي

و اتمنى لج التوفيق الغلا

**محد شرواي** · 2010-05-02, 21:36

المشاركة الأصلية كتبت بواسطة ح ـلـآوة !

مب حآله هآي الصرآحه !!

آنتي عليج من بيتج وريلج !

هب مجبؤؤره تجآبلينهآ وتجوفين طلبآتهآ هي رآضيه ولآزعلآنه ..

ترآهآ عندهآ بشكآرتهآ ومرتآحه . . مستخسره فيج الرآحه ليش !

طنشي يآ آختي وترآج آن يلستي تحرقين اعصآبج ع كل صغيره وكبيره

بتتعبين وآيد صدقيني ^_^ . .

وآنآ هنيه مآقؤلج آحقري عمتج ولآ برآيهآ !! لـآ عزيزتي ..

توددي لهآ بآسسلؤب مآتبينين لهآ فيه آنج تبين ترآضينهـآ عسب البشكآره

ولآشيآته . . لآ .. خلج عفويه وسوي آللي عليج . . آهم شي رضيتي ربج

^_^

موفقه

ما على كلامها غبار... خلج عاديه يلسي وضحكي وسولفي وياها وتوددي لها وغير .... انتي ما غلطي بشيء فليش ضايجه؟؟؟ مافي شيء غلطي فيه بس انتي حساسه زياده عن اللزوم وتفكرين ومكبره الموضوع وايد ... اذا هم يضايقون يوم تامرين على بشكارتهم ويبون الي يخدمهم ليش انتي ما يبون لج الراحه ؟؟؟ وحد يساعدج ؟ ... ولكن ان يدخلون بحياتج وطريقه حياتج هني سوي ستوووووووووووووب ! عليج من نفسج وبيتج وعيالج وريلج وراحتكم ...وسولفي وياهم واضحكي ويلسي وياهم ولا تيبين طاري امورج الي بين ريلج وشو تبون وشو بسوون والى اخره هاي حيتكم وانتو احرار ومحد له حكم عليكم ... دام ريلج راضي ومستانس عليج ومرتاح معاج الحمدلله

**فتاة البحار** · 2010-05-02, 23:49

المشاركة الأصلية كتبت بواسطة كلي دلــع

فديتج اذا انتي ما تداومين حاولي اتنظمين وقتج ولما ولدج يرقد سوي الشغل اللي عليج
ونصيحة حاولي تكسبين عمتج ولا تحاربينها لو شو ما صار ويمكن هذي فترة وبتعدي ان شاء الله وعقب بتتغير يوم بتشوف تعاملج معاها

ربي يسر امورج ولا تضايقين بنفسج لان ما في شي يستاهل...

**ᴥĦĭģĥ ħęᾷľšᴥ** · 2010-05-03, 00:56

طنشي
ما عليج من حد

دامه ريلج راضي

الموضوع: بموت من الضيجة

أدوات الموضوع

عرض

المواضيع المتشابهه

مشكلتي مع الضيجة

بموت بموت بموت غصه من عيادات الاسنان واللعبه على ثقه

ساعدووووني صدق بموت من الضيجة

حور المجروحة بتموت من الضيجة

انا بموت من الخوف والألم واحس اني بموت وربي بموت