تعبت .. تعبت .. تعبت .. من ولدي

[سنين الحرمان]

سلام عليكم جميعا

حريم وامهات حابة تساعدوني في موضوع ولدي

والله تعبت وصاااااار راسي كله يعورني

وما تم شي الا سويته وطبقته وما ياب نتيجة

فقلت مالي غير خواتي سيدات الامارات ان شاء الله

ما تخيبوني

صار لي الحين عشرة ايام اعلم ولدي ع الحمام وما شي اي نتيجة

الله يخليكم امهات خبروني كيف اتصرف معاه يوم يعملها في ثيابه

كيف اخليه من نفسه يناديني ويقول ماما وديني الحمام ؟؟؟؟؟

تعبت تعبت تعبت

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أميرة البيت]

كم عمر ولدج؟
أنا عيالي أبدا معاهم بعمر سنتين ونص الى 3 سنوات أعلمهم على الحمام والأفضل بالصيف مب بالشتاء
أول شيء>>>
1_ كل ربع ساعة وديه (عزج الله) الحمام وقوليله لو سويتها بالحمام بعطيك حلاوة أو شيء هو يحبه ..
2- اذا سواها أول مره افرحي وصفقيله وعطيه بوسه وعطيه الحلاوة اللي وعدتيه فيها...
3- وديه عند كل شخص بالبيت أبوه اخوانه خليهم يعطونه بوسه ويقولون له شاطر ويصفقون له كلهم حتى أبوه ...
4- بعد ما صفقتيله وخلصتي وطافت ربع ساعة ثانية وديه مره ثانية الحمام وقولي له بعطيك حلاوه لو سويتها..

وعلى هالموال لين يتعلم ولاتنسين كل مره بوسه وحظن وتصفيق وحلاوه ووديه لكل واحد بالبيت خليه يصفق له ومع الأيام خلاص بيتعود وبروحه بيقول لج ...أما البداية انتي المفروض تودينه كل شوي مب هو اللي يقولج ولا تنسين تخلينه بدون حفاظه طول النهار ولبسيه وقت النوم بس ويوم بيتعود بروحه بينش بالليل وبيوعيج عشان تودينه الحمام..

الله يوفقج

[um sheikha]

كم عمر ولدج؟
أنا عيالي أبدا معاهم بعمر سنتين ونص الى 3 سنوات أعلمهم على الحمام والأفضل بالصيف مب بالشتاء
أول شيء>>>
1_ كل ربع ساعة وديه (عزج الله) الحمام وقوليله لو سويتها بالحمام بعطيك حلاوة أو شيء هو يحبه ..
2- اذا سواها أول مره افرحي وصفقيله وعطيه بوسه وعطيه الحلاوة اللي وعدتيه فيها...
3- وديه عند كل شخص بالبيت أبوه اخوانه خليهم يعطونه بوسه ويقولون له شاطر ويصفقون له كلهم حتى أبوه ...
4- بعد ما صفقتيله وخلصتي وطافت ربع ساعة ثانية وديه مره ثانية الحمام وقولي له بعطيك حلاوه لو سويتها..

وعلى هالموال لين يتعلم ولاتنسين كل مره بوسه وحظن وتصفيق وحلاوه ووديه لكل واحد بالبيت خليه يصفق له ومع الأيام خلاص بيتعود وبروحه بيقول لج ...أما البداية انتي المفروض تودينه كل شوي مب هو اللي يقولج ولا تنسين تخلينه بدون حفاظه طول النهار ولبسيه وقت النوم بس ويوم بيتعود بروحه بينش بالليل وبيوعيج عشان تودينه الحمام..

الله يوفقج

صحيح كلام أختي أميرة البيت .. بنتي علمتها يوم كان عمرها سنه وتمت تروح الحمام بروحها يوم كملت سنه ونص بس الموضوع يباله طولت بال هب عشرتيام عزيزتي
بنوتي عقب ما أحس أني خلاص خلصت وعلمتها على الحمام تروح وتغافلني وتسويها على نفسها في غرفة ألعابها وخاصه في بيتها لكبير ..وأرجع مره ثانيه تيتي تيتي مثل ما رحتي جيتي كأني ما علمتها شي وأعلم من يد ويديد بعد ست شهور بدت تقولي أريد الحمام وأذكر هاذاك اليوم كان يوم جمعه من فرحتنا أنا وأبوها قعدنا عند باب الحمام وصفقنالها وأبوها وداها العصر تويز أر أص وخذلها لعبه
وما خلينا الله يعزج الحمام الصغير (القيصريه ) ما رضت وعقب خذنالها حمام مثل لكبار بس يغني وما رضت فيه وعقب قالت أريد فوق يعني حمام لكبار وخذنالها الأسفنجه إلي يحطونها على الحمام وعقب مشى حالها ورضت بس بعد ما هلكتني ست شهور ويومياً على هالحال والمشكله بنتي كانت صغيره
شدي حيلج هالموضوع يباله صبر وطولت بال وموفقه أن شاء الله .

[سنين الحرمان]

اميرة البيت

اشكرج اختي ع الرد والنصايح الحلوة

ولدي عمره سنتين ونص وما زلت اعاني معاه ليومج هذا أحسه ما مستوعب السالفة ابدااااا

um sheikha

شكرا لج اختي ع الرد

بس طولتي مع بنتج 6 شهور احس واااااااااااايد يمكن عشانها كانت صغيره

يا ربي ما اتخيل عمري اطول معاه هالكثر احس روحي بنقرط واختفي من الوجود هههههههههههههه

لا صج وااااايد تعبانه معاه ولا مره قالي ماما وديني الحمام .. كله يسويها على نفسه

يالله .. الله يعطينا الصبر وطولة البال

[Um Hamed]

هلا اختي.. لا اتصعبين الامور.. فتره وبيتعلم.. سهليها بتسهل.. انا ولدي بديت اعلمه وهو سنه و9 شهور في البداية اتقبل الموضوع وكل ما اوديه الحمام يسويها والامور ماشية (احسبله ربع ساعة او نص ساعه ووديه الحمام)وبعد فتره قام يسويها على عمره فقررت اخفف عليه شوي عشان ما يكره الحمام وما يتعود يسويها على عمره.. والحمدلله امشية معاه .. اخليه لابس البامبرز (الكلوت )متى ما احس انه يبا يروح الحمام وديته.. والله يسهلها ان شاءالله

[شموخ الرحبي]

كم عمر ولدج؟
أنا عيالي أبدا معاهم بعمر سنتين ونص الى 3 سنوات أعلمهم على الحمام والأفضل بالصيف مب بالشتاء
أول شيء>>>
1_ كل ربع ساعة وديه (عزج الله) الحمام وقوليله لو سويتها بالحمام بعطيك حلاوة أو شيء هو يحبه ..
2- اذا سواها أول مره افرحي وصفقيله وعطيه بوسه وعطيه الحلاوة اللي وعدتيه فيها...
3- وديه عند كل شخص بالبيت أبوه اخوانه خليهم يعطونه بوسه ويقولون له شاطر ويصفقون له كلهم حتى أبوه ...
4- بعد ما صفقتيله وخلصتي وطافت ربع ساعة ثانية وديه مره ثانية الحمام وقولي له بعطيك حلاوه لو سويتها..

وعلى هالموال لين يتعلم ولاتنسين كل مره بوسه وحظن وتصفيق وحلاوه ووديه لكل واحد بالبيت خليه يصفق له ومع الأيام خلاص بيتعود وبروحه بيقول لج ...أما البداية انتي المفروض تودينه كل شوي مب هو اللي يقولج ولا تنسين تخلينه بدون حفاظه طول النهار ولبسيه وقت النوم بس ويوم بيتعود بروحه بينش بالليل وبيوعيج عشان تودينه الحمام..

الله يوفقج