شو آسوي آلحين ؟

[مس فطآمي]

مرحبآ بنآت . .

شحآإآإلكم !!

بقولكم شو آستوآ عندي و سآعدوني . .

آنآ آول مره آبيع

من آسبوعين تقريبآ بعت طلبيـه حق وحده فـ الفجيره . .
و آللي و صل آلطلبيه مندوب من شركة هوت لـآين . .
يوم وصل عندي للبيت ع شآن يآخذ آلطلبيـه ,آنآ سآلته آذآ لـآزم آخذ من عنده آيصآل آوو آي آثبآت فـ قالي لـآ << آنآ آول مره آبيع يعني مآ كنت آعرف شو آلمطلوب و جيـه . .

آلمهم بعد يومين وصلت آلطلبيـه للفجيره . .
و يوم آدق حق المندوب يقولي آتصلي حق آلمحآسب و آنآ آتصل حق آلمحآسب يقولي آسمج مش موجود عندي و آتصلي حق آلشركه . .
و آتصلت حق آلشركه و نفس آلشي قآلوآ آسمج مش موجود عندنآ
و طلبوآ مني رقم آلـآخت آللي فالفجيره و عطيتهم آلرقم . .
و كلموها و جيـه

عقب دقتلي هآلبنت آللي فالفجيره و قآلتلي آنآ يوم يآني آلمندوب مآ كآن يبآ يآخذ مني آلفلوس
لـآن آلـآيصآل آللي عنده فيـه آنـه بس يسلم آلطلبيـه من دون مآ يآخذ شي . .
بس هي آصرت آنـه يآخذ آلفلوس << لـآن هذآ هو آلـآتفآق من بينآ . .

تخيلوآ عقب يوم دقيت حق آلشركه قآلولي آلبنت مآ دفعت و لـآ فلس
و آنآ متآكده آن آلبنت دفعت . .
و قآلولي بعد آن آسمي هب عندهم !!
و سآلوني عن آلـآيصآل !!
قلتلهم آنآ مآ آستلمت من عندكم شي لـآ آيصآل و لـآ غيره !!

و آلحين شو آلحل !!
شو آسوي ؟؟

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[ام شوق وعزوز]

الغلا روحي مركز الشرطه وبلغي لا تسكتين انا بعد صارتلي بس عشان المبلغ ما يرزى 80 درهم سكت قلت ما بنزل مستواي وترى اخواني كلهم يداومون في مركز الشرطه من جذا فشيله

[glbe]

آلله يعينج ياختيه ..~

[مدمن غلاك]

الله يعوضجج ويرزقج من وسعه

ويعينا ويحمينا من الي نفسهم

[مريم الشحي]

هوت لاين تعاملهم وصخ

اونه لازم تاخذين عنهم كوبونات عسب يوصلولج الطلبية

وانتي اول شي تدفعين جيمة الكوبون 25درهم

وفي حالة وصلوا الطلبية يردون لج المبلغ (25) زائد قيمة طلبيتج والي المفروض الحرمة تدفعها(يعني جيمة اغراضج)

اشتكي عهوت لاين ..مب عكيفهم يوصلون طلبية وانتي مب امسجلة وياهم

شو هالمصخرة!!!!؟؟

[ام عبدوو]

انا بعد بغير الهوت لاين الا احصله فايدة يروح حق المكالمات اتصل فالمندوب 100مرة لين ايي بعد يوم ولا يومين بس خل اخلص الكوبونات واستلم فلوسي بغيره

[# ميمي#]

انا بصراحه مخليه وحده هي اللي تسلم وتستلم وباسمها الطلبات
يالغلا
نظام الهوت لاين جدي وفي محله عسب ماتضيعين ولا هم يضيعون

جذه

اذا تبين ترسلين طلبيه
عندج طريقتين
**اما تشترين الكوبونات واقل عدد 10 كوبونات ×25 درهم للكوبون =يعني =250درهم
وبعدها ترسلين الطلبيه وتحطين فوقها 25 درهم قيمه الكوبون
يعني لو البنت طالبه عنج اغراض بقيمه 100 درهم بالفاتوره تحطين 100+25 قيمه التوصيل
وهم يشلون طلبج ويوصلونه للزبونه وياخذون الفلوس عنها ويرجعون لج 125
رجعت لج قيمه الفاتوره 25 درهم وبعد 10 طلبات ترجع لج الفلوس كاملع 250 درهم
اوكي

**الطريقه الثانيه توصيل فقط
وهني ماتشترين عنهم الكوبونات
يعني توصلين للبنت الطلبيه مثلا قيمتها 100درهم
هم يشلون الطلب ويوصلونه للبنت والبنيه تدفع 30 درهم فقط قيمه التوصيل

وانتي تفاهمي مع زبونتج كيف توصل ال 100درهم اما عن طريق الصرافه او الايداع
بهالحاله لانج ماشتريتي عنهم الكوبونات فمايكون علييهم ارجاع الفلوس



فهمتيني
يعني النظام تبين يودون لج الطلبيه ويرجعون لج الفلوس
لازم تشترين الكوبونات

وعلى فكره هم ارخص شركه والوحيدين اللي يوصلون الغرض سليم
بالشركات الثانيه ممنوووووووع ارجاع الفلوووس

[هديل المشاعر]

انا مرة كلمتهم يوصلون لي طلبية قالوا لازم اشتري عنهم كوبونات علشان يوصلون

انا بالنسبة لي اتعامل مع شركة راك اكسبريس يوصلون لي و يردون لي البيزات اذا في شيء لي

و السعر 25 تدفعة الزبونة مب التاجرة و اعتقد الحين التوصيل صار بـ 30 درهم لانه الاسعار ارتفعت

اذا تبين رقم الشركة راسليني على الخاص