حضانات في دبي

[Um DaNaH]

السلام عليكم ..

شو حضانة زينه في دبي .. وفي منطقة القصيص خصوصا .. او قريب منها ..

وكم الرسوم ؟؟ وشو مميزات الحضانة ؟؟

بنتي عمرها سنة و٥ شهور ...

المزيد من آخر المواضيع من نفس القسم:

• قصة الفتاة اليتيمة جميلة لرياض الاطفال
• قصة الفناعة لرياض الاطفال
• قصة حكايات الاميرات لرياض الاطفال
• سؤال خواتي
• قصة المحتال الذي خدع كل من في القرية لرياض...
• قصة مكر الثعلب لرياض الاطفال
• قصة الطفل الصغير لرياض الاطفال
• قصة الضيف الطماع لرياض الاطفال
• قصة الأصدقاء الاربعة لرياض الاطفال
• قصة الغنى الحقيقي لرياض الاطفال

[هند سلطان]

للرفع

[sms11]

وانا مثلك ادور لي حضانه بمنطقه مردف ابني عمره سنتين وشهرين لكن احس قلبي بده يوقف كيف بدي اسلمه بس صحلي شغل زين وما اقدر ارفضه
اللي تعرف والله ياليت تدلنا ويجزيها ربي الخير

[Um DaNaH]

ان شاءالله تحصلين ...

وينكن بنات دبي >ـ<

[شرجاويه9]

الحضانه الإماراتيه البريطانيه في مردف
ممتازه..
أنا بناتي الهنتين هناك..وحده عمرها سنتين وحده عمرها 3 شهور..الله يحفظهم
إلتزام و نظام و نظافه..

[Um DaNaH]

كيف نظامهم عربي والا انجليزي؟

لو تعطينا تفاصيل اكثر

[شرجاويه9]

نظامهم إنجليزي..المدرسات بريطانيات و المساعدات معظمهم فلبينيات
فيه دروس للغه العربيه بس تدفعين أكثر..
الدفع يعتمد على حسب شو طالبين 3 ولا 5 أيام فالأسبوع
و من الساعه كم لين الساعه كم..هم عندهم من الساعه 7:30 لين الساعه 5
أنا أخلي بناتي من الساعه 7:30 لين 3 و خمس أيام فالأسبوع
هم فالسنه عندهم 3 كورسات..كل كورس ياخذون 9630 على كل شخص
طبعا ها على حسب الوقت و الأيام..
أدري غاليه لنه تقريبا 30000 فالسنه..بس الصراحه تستاهل
أنا بنتي كانت تصيح صياح أول الأيام..طبعا طبيعي بس أحين بعد ما تعودت يوم نسير ناخذها ما تبا ترد
إللي يفكر فالحضانه أنصحكم تتصلون و تاخذون موعد معاهم عشان ياخذونكم جوله فيها ونتو لكم القرار..

[sms11]

مشكوره
اختى شرجاويه 9 وربي يجزاك الخير

[Um DaNaH]

محد جرب حضانات ثانيه .. تهتم بالدين وتكون نظيفة

[sms11]

انا شفت قريب من مدرسه دبي للتربيه الحديثه حضانه اسمها المستقبل في منطقه مزهر جربي اتصلي فيهم وجوفيهم
والله ييسرلك مرادك

[Umm Humaid]

السلام عليكم ...

أنا مثلج ...تعبت من كثر ما أدور وخصوصا في المنطقة اللي ذكرتيها ....

أول ولدين عندي كنت مسجلتنهم في حضانة السلام ... حذال كلية دبي للتقنية ... يقبلون من سنتين ... ووايد زينه وأسعارهم ممتازة ...

المشكلة ... ولدي حاليا سنتين ونص ... وفي نفس يوم التسجيل اتصلت وقالوا لي ... Full اكتفوا ... ما يبون ...

وووايد انحبطت وبديت ادور ,,,الحضانه الاماراتية البريطانية ووايد غالية .... والحضانة اللي في العربي سنتر بعد سعرها ضو ...

المستقبل يقولون انه مواطنات فيها ... ما سرتلها بس أسعارهم وواايد زينه .... وما ناسبتني لان ما عندهم مواصلات

للطوار ...وعقب قلت ماشي غير الويس جرين في الشارقة ... أسعارهم تناسبني ... المشكلة بعد اكتفوا ... ما شاء الله وااايد زحمة ...

أنا أدور حضانه في حدود ال 15000 في السنة ... مثل السلام ولا الويس جرين ....

والصراحة ... ما أبا حضانات البيوت .... وبعدني ما حصلت

يلا .. اذا حصلتي شي زين خبريني ... وأنا بعد نفس الشي ... ان حصلت بخبرج ...

[Um DaNaH]

يزاج الله خير ..

انا للحين ادور حضانه .. وبشوف المستقبل .. بتصل اسال .. وشو السالفه كله ماشي مكان وين نودي عيالنا عيل يوم ماعدنا حد ايودهم

ان شاءالله نحصل مكان زين ... انا ماريد مكان غالي بعد .. بس يقولون الغالي هو الافضل !!!! لانه مب كل الناس اتيب عيالها ويستوي ازدحام وامراض

[أم المزيونه33]

ممكن رقم حضانه المستقبل دورته وما حصلته في البداله

[شيخه بنت يوسف]

ممكن رقم حضانه المستقبل دورته وما حصلته في البداله

حضانة المستقبل تتبع المدرسة الاسلاميه للتربيه والتعليم اتصلي فيهم وشوفي رقمهم
للأمانه انا حاطة بنتي هناك بس عندي ارقام المشرفات والمديره بس ما اقدر اعطيج لانه ارقام شخصيه بس مثل ماقلت لج كلمي المدرسه وبيعطونج رقمهم دايركت
للي يسأل عن الحضانه تراها ممتازه ولدي من قبل 12 سنه كان فيها والحين هو فالاعداديه وبنتي بعد كانت فيها والحين فالروضه وبعد عندي بنتي الصغيره ثلاث شهور حاطتنها فيها والاحظ على هالسنين فيها تطور وتطور كبير وملحوظ واهم نقطة شفتها السنه ان مكتب مديرة المدرسه الاسلاميه السيده فضه لوتاه خلوه في الحضانه وكل شي تحت نظرها . الحضانه ممتازه ممتازه من كل شي والرسوم لين الساعه وحده 1200 ويبدون من الساعه ست ونص لين الساعه 4

[سمر ابراهيم صوص]

السلام عليكم
معلش تساعدوني بدّي حضانة نظام بريطاني في القصيص او النهدة لأولادي الكبير عمره سنتين ونصف والصغير عمره سنة ونصف