محتاره!!! ساعدوني امهات عجمان ،،،

[*أم شهد*]

السلام عليكم ورحمة الله وبركاته

عزيزاتي انا ساكنه في عجمان ،،، وبنتي مولوده في 18/10/2006 يعني على شهر 10 الياي باذن الله اتخلص 4 سنين ،،، الصراحه تعتبت من كثر ما ازور المدارس واحترت ما عرفت وين اسجل بنتي كي جي 1 ،،، الكل اجمع ان البنت لازم ادش منهج امريكي بس للحين ماعرف اي مدرسه

الوطنيه الخاصه الأغلب يذمها ،،
الحكمه بدوا تسجيل للمنهج الامريكي (( منطقه الجرف يبدون هالسنه ان شاء الله )) بس مو حابه بنتي اتكون فأره تجارب يعني توه باديين والله اعلم كيف بيكون تدريسهم وطاقمهم الدراسي؟؟!!

عجمان الحديثه ماعرف متردده بس يمدحونها وجريب علي ،،

الرساله هاي ما بين الشارجه وعجمان يعني جريب واحس واااايد يمدحونها ،،

العمداء زرتها بس ما ارتحت ،،،

عزيزاتي اتمنى اللي امجربه وسامعه شي اتفيدني ،،،

*أم شهد*

المزيد من آخر المواضيع من نفس القسم:

• اجمل قصص قصيرة لرياض الاطفال
• قصة الحمامة الذكية لرياض الاطفال
• قصص عن النجاح للأطفال
• قصص عن التعاون لرياض الاطفال
• قصة السمكة والضفدع لرياض الاطفال
• قصة الولد الكسول لرياض الاطفال
• قصة صيام شهر رمضان لرياض الاطفال
• قصة الفيل والأصدقاء لرياض الاطفال
• قصة الولد الكسول لرياض الاطفال
• قصة سمر والبيض للاطفال

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[High regard]

عجمان الحديثه ماعرف متردده بس يمدحونها وجريب علي ،،

مووووليه مب زينه ربيعتي مدخله بنتها وندمت تقول الانكليزي عندهم وااايد تعبان والمدرسات اغلبيتهم

من الجنسية المصرية ونطقهم شووي يختلف للاحرف بس ابدا ابدا ما تمدح فيها موليه ..

[*أم شهد*]

تسلمين اختي عالرد ما قصرتي ،،،

ان شاء الله الاقي اجابه شافيه عند بقية الخوات ،،،

[ام زايد##]

الغالية سألتي عن مدرسة ابن خلدون هاي صوب مدرسة الرسالة في منطقة المدارس بين عيمان والشارجة .
بنتي فيها كي جي 1.. الإنجليزي مو لين هناك يعني ماشي الحال ..
بس أظن تعتمد المسألة على حسب الطالب وتقبله للدراسة وللأهل الدور الكبير في المراجعة والحفظ ..

[*أم شهد*]

تسلمين ام زايد ،،،

[ام عبادي70]

انا امدخله اولادي في الوطنيه نظام امريكي
بصراحه اشوفهم امشين وانا من خبرتي
اي حد ما يمشي في اي مدرسه ايذمها
انتي شوفي المدرسه الي ترتاحيلها وسجلي البنت وتوكلي على الله
والشاطر شاطر في اي مدرسه

[منى المدفع]

ولدي ف عيمان الحديثه
ماشاءالله زينه وايد
و هم يقولولي انه ما يعرف يكتب عدل
بس انا اشوفه زين بالنسبه لعمره و مابي اشد عليه
و يي البيت حافظ كل شي

[هند سلطان]

للرفع

[*أم شهد*]

تسلمون خواتي ما قصرتوا ،،، واتمنى اسمع آراء اكثر من الخوات

[طيبة الكويتية]

السلام عليكم الغاليه
عندج الشويفات في الشارقه حبوبه هي قريبه من عيمان و تأسيسهم وايد ممتاز, على الأقل ما تكون البنوته موضع تجربه نفس ما قلتي.
و اي استفسار انا بالخدمه

[Um.Nasser]

KG الوطنية ما عليييييييييييييييه كلام
زوري قسم الكي جي واتعرفي على منهجهم ....وبعدين احكمي
وبعدين اللي اتذم الوطنية والله الوطنية كل سنة يطلع منها اشطر الطلاب والطالبات ...
وسؤال اوجه لكل معلمة في مدارس عيمان الحكومية ..شو مستوى الطالبات اللي ايونهم من الوطنية ؟ اتمنى حد ايرد علي

[*أم شهد*]

تسلمون خواتي وما قصرتوا ،،، وان شاء الله يهديني للمدرسه المناسبه لبنتي شهد

[*أم شهد*]

للرفع ،،،