ياي حلوة ,,, بس مطلقه

**قلوب العذارى** · 2010-04-28, 09:07

الله يرزقج ان شاء الله

المزيد من آخر المواضيع من نفس القسم:

**مس كوول** · 2010-04-28, 10:11

شو علييج منهم ...

ومافيها شي حبيبتي..

انا ربيعتي عقب ما تطلقت واايد خطبوووها ... وماشالله اتزجت وألحين حامل..

فلا تحااتين وايد ... واتوكلي ع الله

**dnyailwalah** · 2010-04-28, 10:13

نظرات الناس مااتقصر عادي فالمعرس او المطلق

بس مادام راضيه اهلي وربي
اكبر طااااااااااااااااف لعيونهم خخخخخخخخخخخخخخخخخخخخخخخخ

الحياه تمشي بهم وبلاهم
وعمرها نظرات الناس مابتغير شوو الله كاتبنه لج جدااام

وياما بنات مطلقات وعندهم عيال كبار

وهن ربيعاتي وعرسن وعيالهم اييووولووون عالكوشه بعد شووو تبين ..؟؟ خخخخخخخخخخخخخخخخخخخخخ

عيشي حياااتج وانسي الهم

**..V!P..** · 2010-04-28, 10:28

انا شراتج غناتي
دووم يقولوون لـ الوالده بنتج واايد حلووه
معرسه!!

انا ارد علييهم لا مطلقه مع ابتساامه
احسهم ينحرجوون ومايروموون يحطون عينهم فـ عيني خخخخخ

عيشي حيااتج غناتي وطنشيي
هكونا متاتا حكمه نغمها لزييز هكونا متاتا ارمي الماضي لي يغيييض انساه والمستقبل ادي كل التركيييز <<مستويه تيموون خخخخخخ

**ام سلطان AJM** · 2010-04-28, 10:36

حبيبتي وكلي امرج للي عينه ما تنام

الله هو اللي يسيرج و راسم لج الخير

مرات تستوي احداث نحس انها شر و تكون ف نهايتها خير

هالعلقم اللي ذقتيه ان شالله ربج بيذوقج بداله عسل

بس انتي رددي
"اللهم اجبر كسري "

ووكلي امرج له و اطمني ^^

**عليونة** · 2010-04-28, 10:51

مطلقه من مطلقه تفرق
في مطلقه عندها عيال..وفي مطلقه بس كانت مالجه يعني
انا لو عندي اخوي او فالمستقبل ولدي..واعزب يعني..لو شفتله بنت حلال ملجت وشافت الريال والله ماعيبها او ماتفقو مافيها شي باخذها بس اكيد بقوله اذار اضي باخذها مافيها مشكله
والمطلقه اللي عندها عيال ..لو عندي حد من اهلي يعني كان متزوج وطلق او ارمل مثلا وعنده عيال باخذله وحده مرت بتجربته وعندها عيال مثل مابرعا عيالها بترعى عياله
لانه لو خذتله وحده عازبه مثلا مابتستحمل عياله خاصه انها ماجربت الامومه
..........................
وانا واااايد احترم الحرمه المطلقة..لانها حرمه مارضت الذل على نفسها نفسها ابيه
يعني يوم شافت الريال مد ايده عليها او ماكرمها مثل ما الله خلقها مكرمه وكرمها دينها مارضت تتنازل عن حقوقها
بانها تعيش مكرمه حالها حال اي حرمه متزوجه ومرتاحه مع زوجهه
عمر الطلاق ماكان عيب يعني الله عطانا هالحق ليش المجتمع يعيبه؟؟

**مخلط العود** · 2010-04-28, 10:51

مادريبج خويتيه اذا سمعتي عن دوره الدكتور خليفه المحرزي ..

"الطلاق عمار لا دمار "

مرات يكون الطلاق نقطة عمار و انطلاق للحرمه عشان تتعلم من الدنيا تبرز ذاتها تكمل دراستها تشتغل تبني شخصيتها..
واعرف وحده مطلقه وفي قمة الاحترام وبسبب اخلاقها العاليه(مب بسبب جمالها هي صح حلوه بس يوم يطرونها يطرون اسلوبها وتعاملها ) ايونها المعاريس لين عرست ..

**قهوة العصر** · 2010-04-28, 11:27

لا توقفين حياتج على القال والقيل ....استمري وعيشي بعدج اصغيورنه ادرسي اشتغلي وقضي وقتج فيما يرضي رب العالمين ,,,والطلاق عمره مابيكون حجر عثره جدامج فلا تخلين بعض الناس يأثر بكلامه عليج وماتعلمين عسى ربج يعوضج خير ويرزقج بريال صالح يسعدج وينسيج اللي شفتيه....والله يوفقج

**اسمهايت** · 2010-04-28, 12:59

الغاليه نظرت المجتمع تغيرت انا مطلقه وعادى ما احس ابد انه في حد ينظر لى نظره غير لانىانا ما اعطي حد مجال لانى بداخلى واثقه بالله وراضيه بالنصيب لا تفكرين بعدج صغيره وبتعرسين في حريم تطلقوا مره ومرتين وثلاث وتعالى شوفي عاااااادي مو مهتمات
اللهم يارب يرزقج بالريل الصالح الى يصونج ويحترمج امين امين امين

**حرمه كيوت** · 2010-04-28, 13:01

النظره تتغير لاننا عايشيين فمجتمع مريض

**طموحة** · 2010-04-28, 13:18

كل شي نصيب و نصيبج ما ياج ..

الطلاق مب عيب و لا بحرام ..

الله بيرزقج ان شاء الله

**وردة جوريه** · 2010-04-28, 21:00

حبيبتي الزواج قسمة ونصيب وانتي صغيرة والحياة جدامج وان شاءالله ربج بيعوضج خير حتى لو الريال رفض مطلقه عادي وجهة نظر ومانقدر نغيرها حتى في بنات يرفضون الريال المطلق وخصوصا البنات اللي بالعشرين كل واحد ورايه وهذا مب عيب خليج واثقة من نفسج وربي يرزقج الزوج الصالح

**دلوعة21** · 2010-04-28, 13:29

يالبى قلوووووووووووبكم والله يالغالياات وربي كلااامكن عسل في عسل

جزاااااااكن ربي الف خير يالغاليااات ..

فديييييييييييتكن

**أبحث عن ذاتي** · 2010-04-28, 14:18

غناتي لا تحطين بخاطرج .. الطلاق مب نهاية الحياة .. في نااس تفكر بهذي الطريقة وتغير نظرتها للمطلقة مع انها حالها حال البقية .. توكلي على الله واكثري من الاستغفار .. وربي بيرزقج بالزوج الصالح .. امين .. الحمدلله اعرف مطلقات ربي يسر لهن وعرسن عادي .. لا تحاتين .. توج صغيرة ^__^

**shaikha75** · 2010-04-28, 16:35

لامر ولاعلقم بالعكس بالنسبه لي فراوله وأنواع السويت وخاصه يوم يكون عندج ياهل يملي عليج حياتج
في ظني وتقديري المشكله فيج مب في كونج مطلقه
الله يهديج لاتعقدين عمرج وعيشي الحياه بحلوها ومرها ولاتحسسين من أدناة الدون
والنظره الأوليه للمطلقه أصبحت في الزمن الحالي شبه معدومه

الموضوع: ياي حلوة ,,, بس مطلقه

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

انا مطلقه ولا لا ؟؟

مطلقه وعندي طلب

مطلقه ......... وعندي بنت ......؟