ياي حلوة ,,, بس مطلقه

[دلوعة21]

السلاااااااااااام عليكم حبيباتي ..

عسااااااااكن بخير وسهاله ...,’

مدري ليش كتبت هالموضووع ,, بددش ع طوووووووول

اناا مطلقه وعمري فديتني 23 والكل يوم يشووفني ينبهر ويقول مشاء الله شو هالجمال .. .,’ ويووم

يسالو امايه هاي بنتج معرسه ولاا لاا ..,’,. امي ترد تقول هاي مطلقه .,,’ هني المشكله ..احس

نظرتهم لي تتغير .. ... بنااات والله هالموقف دووم يقهرني احس مرااااااات خلااااااااص حيااتي انتهت م

من اول ماتطلقت .. واحس العمر راااااااااح ...


ليش نظرت العالم جي للمطلقه ..؟؟؟

ابي االبنات الي تطلقن يكتبن لي هل جربن مثل هالموقف ..

وثاني شي ودي اسال هل الامهاات ممكن تفكر لولدهاا بنت مطلقه ؟؟؟

محد بيحس فيني الا الي جربت الطلااااق .. وان شااااااااااء الله محد يذوووقه لانه فعلااا مر مر مر

وعلقم ..


وابي بعد منكم تجارب البنات المطلقات وش سون بعد الطلااق .. درسن اشتغلن تزوجه هي الااهم ههههه ..


الله يرزقكن يالغاليات ^^

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

[زم_قمر_ان]

ليش أختى تزعلين

توكلى على الله وخلى رااسج مرفوع

عمر الطلاق ماكان نهاية العالم

وربي يرزقج بالزوج الصالح

الى يعوضج

[دلوعة21]

ليش أختى تزعلين

توكلى على الله وخلى رااسج مرفوع

عمر الطلاق ماكان نهاية العالم

وربي يرزقج بالزوج الصالح

الى يعوضج

يالبى قلبيج والله

مااقصرتي يالغاليه

[Ro7 AlRo7]

ليش أختى تزعلين

توكلى على الله وخلى رااسج مرفوع

عمر الطلاق ماكان نهاية العالم

وربي يرزقج بالزوج الصالح

الى يعوضج

[أحبك يا دنيتي]

الله يرزقج بالريال الصالح اللي يعوضج عن كل شي

[فلونة]

الغالية

عمره الطلاق ما كان نهاية العالم

والحياة ما توقف عند ريال..

في أشياء وايد تلهيج

سواء تشتغلين.. تدرسين..

أي شي..

وأي شي ربي كاتبه فيه خير لج

يمكن ربي يعوضج خير

وعندي وايد من ربيعاتي تطلقن وعندهن عيال وعرسن

[أم لميا]

عمره الطلاق ما كان نهاية العالم

والحياة ما توقف عند ريال..

في أشياء وايد تلهيج

سواء تشتغلين.. تدرسين..

أي شي..

وأي شي ربي كاتبه فيه خير لج

يمكن ربي يعوضج خير

وعندي وايد من ربيعاتي تطلقن وعندهن عيال وعرسن

[/QUOTE]

[خواطر الانثى]

الغالية

عمره الطلاق ما كان نهاية العالم

والحياة ما توقف عند ريال..

في أشياء وايد تلهيج

سواء تشتغلين.. تدرسين..

أي شي..

وأي شي ربي كاتبه فيه خير لج

يمكن ربي يعوضج خير

وعندي وايد من ربيعاتي تطلقن وعندهن عيال وعرسن

فديتج متى ما يا نصيبج بتزوجين لا تحطين في بالج انه مطلقه ما تعرس هيه بس مسألة وقت وانشااااالله الله يعوضج بولد الحلال اللي يقدرج ويحطج بعيونه
ياااارب ترزق كل بنت الزوج الصالح ويفرح قلوبكم يااااااارب

[دلوعة21]

مشكورات ياغاليات مااقصرتن..

[salama323]

نظرت الناس تتغير لانه مجتمعنا دايمن يحط الغلط والعيب على الحرمه جنه الريال معصوبم عن الغلط والعيب لو شو ما سوى الريال بيكون ما عليه غبار بس الحرمه دايمن مكسورت اليناح ومظلومه

الله يعوض عليج الغاليه بواحد يسعدج ان شاء الله

[دلوعة21]

نظرت الناس تتغير لانه مجتمعنا دايمن يحط الغلط والعيب على الحرمه جنه الريال معصوبم عن الغلط والعيب لو شو ما سوى الريال بيكون ما عليه غبار بس الحرمه دايمن مكسورت اليناح ومظلومه

الله يعوض عليج الغاليه بواحد يسعدج ان شاء الله

هالشي الي كنت ودي اوصله لكن


يالبى قلبج مااقصرتي عالدعوة

[ديــايــه]

شوفي الغاليه لا تتضايقين ولا شياته ..

المشكله مجتمعنا ماينصف المطلقه ..

وانا نفس الشي ..

والله من اطلقت ربي رزقني بوظيفه على طول الحمدالله ..

وماقلت حق اللي ويايه في الدوام اني مطلقه .. لانه نظرتهم بتختلف

اعرف ها الشي لاني يوم قلت حق وحده .. نظراتها اتغيرت وانصعقت

قالت كيف .. انتي سكر ..

المهم ..

في اللي جي وفي اللي جي ..

يعني من سنه انا سايره عرس واحد من الاهل اول مره يعرس .. وماخذ وحده مطلقه

ومسولها عرس من اول ويديد ..

عادي ..

وفي مطلقات يحكمون عليهم ياخذون واحد مطلق او ارمل او الحرمه الثانيه ..

بما انها مطلقه ..

مثلا امسات وحده من الاهل كرهتها ..

اونه تقولي عادي تاخذين واحد معرس وعنده ولد ..

قلتلها لا ..

قالت ليش ومادري شوه ..

هوه مجبور ع بنت عمه ..

قلتلها لو مجبور مابييب الولد ..

قالت لا هوه كله مشاكل وياها من خمس اسنين .. ويبا يطلقها بس امه قالت له لو طلقتها مابرضي عليك..

والحين هوه يدور وحده ترضي فيه وعقب بيخبر اهله ..

قلتلها بعــــد...

بعده ولا قال حق اهله .. يعني هوه بس يالس يدور على كيفه وباجر بياخذ بنت الناس وامه بتقوله طلقها والا مابرضي عليك وبيطلقها ..

قلتلها انا يوم بعرس باخذ ريال .. مب ربع ريال ..

وقلتلها انا مش بايره ولا ناقصه ريل او ايد ..

الحمدالله اصل ونسب وجمال مابمدح عمري ..

ويوم بعرس باخذ ريال يصوني ويحطني على راسه ..

قالت عاد انتي متي بتعرسين ؟!!

انقهرت منها والله العظيم ..

هل لاني مطلقه طحت من عينهم ؟!!!

قلتلها خذيه انتي عيل .. قالت لا لا انا مابا اعرس

لا والله !!!

هاي من اهلي وجي .. كيف الغريب ..

ف انا ارد واقولج الناس اجناس .. وفي بعدهم ينظرون للمطلقه انها ترضي باي شي اييها

مع اني والله العظيم من اطلقت يوني الخطاب .. لانهم كانوا خاطبيني قبل بس الله كتب اخذ هذاك ..

ويوو مره ومرتين وانا اللي ارفض .. والرياييل مب معرسين قبل وهذا اول عرس لهم ..

وكم مره رمسوا امي بس انا اللي ارفض لاني انا ظاهره من تجربه مره .. ومابا ارد اجازف بعد

خخخخ جني وايد رمست ...

المهم في الاخير .. لاتخلين نظرات الناس تكسرج ..

انتي كامله ومب محتايه حد يكملج ..

اذا في نصيب تعرسين بتعرسين .. بس لاترضين باي شخص يدق الباب بس لانه الناس يقولون عنج مطلقه ..

خلي لج كيانج .. وانتي قرري .. مب عشان تكسرين نظره الناس توافقين على اول شي يدق الباب ..

يالله انا تعبت وانا اكتب .. سي يـــا

[ديــايــه]

واكتشفت انه المجتمع البدوي مختلف شوي عن مجتمعنا كحضر لانه فعلا شفت انه في تمييز عنصري للمطلقه ونظره غير عننا نحن..

عيشي حياتج فديت قلبج ومايهمج حد والحياه حلوه وعيشها بطول وعرض ^_^

يبتيها صح ..

خخخخخخخخخخخخ

احنا شي مدمر حياتي غير المجتمع البدوي خخخخ

حليلنا البدو ..

لانه انا بخبرج ليش مجتمعنا بالخاص جي ينظر للحرمه ..

لانه عندهم الريال مقدس .. ومهما يصير منه لازم هيه تنجب وتسمع وتقول سمعنا وطاعه ..

والرجال قوامون على النساء ..

عشان جي مايحبون بناتهم يطلقون ..

لو اقولج البنات كيف مستحملات حياتهم الارف وياريايلهم بس لانه مجتمعنا بيقطعهم ومحد بيوقف وياهم مابتصدقين ..

الحمدالله انا صح ابويه ابدوي .. بس الحمدلله رب العالمين نظرته غير

ابويه انسان جامعي ومثقف .. ونظرته في الحياه غير عن باقي اهلي كلهم ..

الحمدالله رب العالمين انه الله رزقني بهذا الابو .. لاني لو كنت بنت واحد ثاني جان ماسمح لي اطلق لو على قص ارقبتي ..

والحمدالله مب انا بس اللي رافضه الزواج الحين .. حتي ابويه خخخخ

يوم حد يقوله يقول ماعندي بنات حق العرس يالله ..

خخخخخ مسكين قلبه تقطع عليه ..

الله يحفظه يااارب ويحميه من العين ..

تسلمون ..

[حرمه يديده]

نظرت الناس تتغير لانه مجتمعنا دايمن يحط الغلط والعيب على الحرمه جنه الريال معصوبم عن الغلط والعيب لو شو ما سوى الريال بيكون ما عليه غبار بس الحرمه دايمن مكسورت اليناح ومظلومه

الله يعوض عليج الغاليه بواحد يسعدج ان شاء الله

[همس البحوور]

حبيبتي اهني مب نهاية المطاف وعمر الطلاق مايعيب المرأة بالعكس
المرأة انسانة حبت تتخلص من مآسيها قبل لاتكبر واتيب عيال أما في حالة إن عندها عيال
فحبت تخلص عيالهامن هموم ومشاكل راح يتعرضون لها فحياتهم مع أبويين مب متفاهمين
فهي بتلك الحالتين ناجحة لأنها تفكر بالأجيال القادمة اللي راح تبني المجتمع وعمرها ماراح تكون أجيال ظهرت من بيئة تسودها المشاكل تؤسس مجتمع
أما نصيحتي لكل مطلقة أن تواظب على الصلاة والدعاء وأهم شي الاستغفار
ثم أكملي دراستك أونمي مواهبك واستغلي أوقات فراغك بزيارة الأرحام وتقوية علاقاتك الاجتماعية
ومن كان مع الله كان الله معه