هرمون الحليب

**شخبط شخبيط** · 2010-04-26, 23:05

لو سمحتن ألي عندها هرمون الحليب مرتفع شو سوت عشان ينخفض؟ ويمنع الحمل ولا لاء؟

المزيد من آخر المواضيع من نفس القسم:

**ام رآشد** · 2010-04-26, 23:12

اللي اعرفه هيه هرمووون الحليب يمنع الحمل
ولازم تسيرين عند الدكتوره تقرر لج العلاج لتخفيض الهرمووون

وربي يرزقج بالذريه الصالحه يالغاليه

**القبطانه** · 2010-04-26, 23:14

صراحه ما ادري شو العلاج
بس سمعيت هو يمنع الحمل

**reemy2009** · 2010-04-26, 23:17

يمنع الحمل لازم تاخذي علاج لانه يخرب الدورة ويسوي تكيس

**نسايم روح** · 2010-04-26, 23:29

اي ياثر على الحمل انا فينا وعالجتني الدكتوره لمده شهر عشان مو مرتفع وايد بس اثار لي على البويضات ماصرت احمل الا بابر منشطه

**الجريحه_555** · 2010-04-27, 00:08

للرفع

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين.

**همسة حب2009** · 2010-04-27, 00:13

هو ياثر على الحمل
بس راجعي الدكتوره بتوصف لج على دوا واستمري عليه
وان شاءالله ربي يرزقج بالحمل الثابت

**فتاة حالمة** · 2010-04-27, 00:24

الغدة النخامية المسؤولة عن هرمون الحليب والدوا اللي بتوصفه لج الدكتورة على ماظن يمكن يسبب دوخه ولازم تشربيه بانتظام.. عن تجربه شخصية خخ ..
كان هرمون الحليب عندي مرتفع وايد قبل ما انخطب من فترة .. والحمدالله خذيت هالدوا وراح عني التكيس ..

**أم فلونه** · 2010-04-27, 00:45

حبيبتي علاجه سهل بااذن

حبوب تاخذيها خمس اساابيع بس وتعيد لج التحليل اذا نسبته طبيعيه ردت توقف لج العلاج

وطبعا تعيد لج التحليل كل ست شهوور حتى تطمن ان النسبه ماردت ارتفعت
انتي توكلي ع الله وسيري الدكتوره وخذي الحبوب منها وان شااءلله كل شي بيكون ااوكي

**أحلى غراام** · 2010-04-27, 00:56

شربي مراميه كل يوم

وصدقيني بينزل عندج هرموون الحليب وبتحملين انشالله

**مايم** · 2010-04-27, 06:32

الله يرزقنا بالذريه الصالحه

اختي انا متزوجه من ثمان شهور ..........
اول ماسويت فحوصات قالوااا لي كل شي سليم ..
عطوني فيتامينات ........

بعد المراجعه الثانيه الدكتوره لما سوت لي فحص قالت لي عندج هرمون الحليب مرتفع
عطتني ادويه علما ما كان فيني شي ........

خلصت علاج وقالت لي خلاص ....دون ماتفحص عليه وتتأكد ....
المهم .......
سويت موعد في مستشفى حكومي وصار لي شهرين تقريبا ...
الموعد الاول عطتني حبوب فيتامينات
والموعد الثاني عطتني حبوب تنظم الدوره معنى الدوره كانت منتظمه عندي بس فرق يومين او ثلاث قبل موعدها وانا خبرتها عن دورتي وقلت الها اني توني مخلصه من يومين .. المهم الدكتوره عرفت حالتي ....وفحصت عليه قالت مافيج شي .......
تخيلي الموقف .....صرفت لي الدوااا اكلت منه يومين ..

في هاليوم سرت مع زوجة اخوي عياده خاصه كان عندها موعد وانا بالمره استفسر عن الدوا اللي صرفته لي الدكتوره في مستشفى الحكومي ...وخبرتها بالموضوع ...
بعدين الدكتوره في العياده عصبت عليه وقالت لي كيف تعطيج هالدواا قوي والمفروض الدواء هذا ماتاكلين منه الا
بعد 15 يوم يعني قبل ما اتييني الدوره باسبوع والدكتوره في المستشفى الحكومي وصفت لي الدواء بعد ماخلصت من الدوره على طول .......
انا اتلعوزت بسبه هالمستشفى ........
حتى زوجي عصب عليه من خبرته الموضوع وسالفه الدواء ......
نفسيتي مثل الزفت كانت ومنت اصيح ....
بس توكلت على الله ......
وطنشت الموضوع ........وهديت الحبوب لين قبل موعد دورتي ..... والحمدلله يتني الدوره ...

الاهم اني سرت عياده ثانيه ........
واهنيه المصيبه الكبيره ...........بعد الفحص قالت لي عندج تكيس وقرحه ...........
انا اضايجت وصحت .......عطتني ادويه .........
وانا اصيح حضنت ريلي من كثر الصياح وقلت انا شو مسويني حقل تجارب .......
وعدني زوجي اذا ماشي فايده من العلاج بوديج برع البلاد تتعالجين .............

وانا استخدم الدواء ......وخبرت اختي الاكبر عني فالموضوع ...... محد يعرف بالسالفه غير ريلي واختي انا ماخبرت عمتي ولا امي ........

وانا استخدم الدواء من يومين تذكرت صديقتي من دبي الله يجزيها الخير .........
قالت لي فيه وحده تمسح ...وماشاء الله عليها زينه والكل يرمس عنها ........

هاليومين طنشت الدواء وتوكلت على الله ......وطنشت موعد الدكتوره فالعياده ....
اول مانزلت لي الدوره سرت عند الحرمه اللي قالت لي عنها صديقتي .....
خليت ريلي ايوديني وكان ريلي يقولي تودرين موعد العياده وبتسيرين للحرمه اجلي موضوع الحرمه ..
يلست اصيح له وقلت له انا مليت من المستشفيات والعيادات .......ودموروني ويابواا لي المرض وانا ما فيني شي ..

وانا سر ت عند الحرمه هي حرمه كبيره بالعمر .....بس ماشاء الله عليها الله عاطنها على كثر نيتهااا
بعد ما مسحت عليه ....
قالت لي انتي الرحم مالج زيين ومافيج شي ......
بس عندج انسداد يمنع الحمل ......وبطريقتها تعرف ....
وصفت لي ........
اسوي ملعقه صغيره حلبه وجرفه وعودين مراميه ....واحطهم بالماي على النار ..
قالت لي اشربيه على الريج اول ماتنشين الصبح ...
انا بطبق اللي قالت لي الحرمه ...
وبتوكل على الله سبحانه وتعالى .....

حتى اني ارتحت واايد .........بشوف بخلي ريلي ايوديني عندها مره ثانيه ....

ادعواا لي ان ربي يوفجني ويرزقني ويرزق الجميع الذريه الصالحه يارب

**فراشه_وردية** · 2010-04-27, 08:15

اب اب

**@الحلا كله@** · 2010-04-27, 08:22

الغاليه
حطي نعناع طازج على حملات صدرج يوميا لمدة اسبوعين وشوفي النتيجه
ادعيلي

**شخبط شخبيط** · 2010-04-27, 10:29

مشكورين حبايبي على الرد ويزاكم الله خير

**وُريدة** · 2010-04-27, 10:57

حبيبتي
أنا سمعت من عدة مصادر ان شرب الميرمية يعالج مشكلة هرمون الحليب ويساعد عل الحمل..
بس تحملي.. من تحملين لازم توقفينه لأنه يسبب اجهاض وأثناء الرضاعة يقلل إدرار الحليب ويخليه مر..

أنا كنت اشربه من قبل ما أعرس لأن عندي مشكلة في معدتي ومول ما افتكرت في موضوع الحمل.. بس سبحان الله حملت عقب العرس على طول وما دري إذا كان له دور !!

وعلى فكرة الميرمية وايد تريح ألم الدورة

أسأل الله أن يرزقج الذرية الصالحة

الموضوع: هرمون الحليب

أدوات الموضوع

عرض