كل وحده جربت ابرة الظهر في مستشفى الكورنيش او الوصل ******* افيدينا بلييييييييز *****

**لمعة الماسه** · 2007-05-21, 02:12

هلا خواتي الكريمات...

ارجوكم لاتبخلون علينا بتجاربكم مع مستشفى الكورنيش في ابوظبي اوالوصل في دبي.. بالنسبه لابرة الظهر ( الابيدورل) اللي تاخذها الحرمه وقت الولاده ..لازالة ألم المخاض... واذا في مجال ذكر اسم الدكتور او الدكتوره... وهل كان الها اي اثار جانبيه بعد الولاده... وكيف كانت عملية التخدير.. وشو حسيتي بالضبط...

يعني نريد شرح بالتفصيل الممل.. انا وصديقاتي الحوامل :1 (19):

لاتبخلون علينا بتجاربكم... وربي يرزق الجميع بالذريه الصالحه.. ويعطي كل محروم...

ويسهل على الجميع يارب بالحمل والولاده...

واللي تدخل الموضوع وهي ماتعرف شي عن الموضوع... عالاقل لاتحرمينا من دعائج حبوبه :22 (30):

ملاحظه:

عزيزاتي ما اقصد ابرة الظهر مالة العمليه القيصريه... هذي غير عنها اسمها الابدورل..

المزيد من آخر المواضيع من نفس القسم:

**الأميرة2** · 2007-05-21, 04:09

الله يسهل لكل الحوامل ويقومهن بالسلااااامه

بانتظار ردود البنيات

**Noura80** · 2007-05-21, 08:05

انا بعد وايد مهتمة في الموضوع وأبغي استخدمها وقت الولادة. فياريت للي استخدمتها تخبرنا عن تجربتها. انا وايد قريت عنها بس أفضل أشوف راي بنات بلادي..

**فراوله** · 2007-05-21, 08:40

هلا اختي
انا خديت ابرة الظهر لان تعسرت بالولادة وقررت الدكتورة عملية بس لاني ماكلة تمر قالولي لازم ابرة ظهر وها بمستشفي دبي المهم بعد ما خديت الابرة حسيت بتنميل بريل طبعا بعدين ما حسيت بشئ
ودكتور التخدير واقف علي راسي يكلمني وحاطين اكسجين علي ويهي يعني اسمعهم يوم يرمسون بس ما حاسة بلألم لين ما خلصو وبدا البنج يخف حسيت ببرودة وبعدين ودوني القسم وهدا من خمس سنوات دكرتيني بلي مضى
سمعت ادا محددين من قبل عملية قيصرية يخيرونج بنوع البنج كامل اونصف اللي هو ابرة الظهر بس ولادة طبيعية ما ادري
والله يسهل لك وحدة ويرزقها الذرية الصالحة

**في قلب زوجي** · 2007-05-21, 11:49

يلا يا بنات احنا ننتظر تجاربكم
والله يسهل علينا و مشكوره لمعه

**littel lady** · 2007-05-21, 12:02

الله يسهل عل كل الحوامل ويتمم لهم عل خير ويرزق كل محرووووووومه كل خير

الغاليه أنا سمعت أنها ما تساعد في الولاده لأنه ما تحسين بدفع الياهل من تحت يعني نصج اللي تحت مخدر يعني تحسين بتقلصااااااات البطن بس

واللي يسويها دكتور التخدير وتنعطى في اخر الظهر

وأمممم شووو بعد

لها انبوب ضعيف مركب عل جهاز ييزيدون لج الجرعه كل ما زاد الألم عليج وبديتي تحسين فيه

بس تساعد في عملية الخياطه بعد الولاده عل انج ما تحسيييييين بالابره مالت الخياطه

والله يسهل عليج ياااااااارب

**Roo7_AD** · 2007-05-21, 13:22

ان شاء الله البنات بيفيدونج .. و نحن بنستفيد وياج =)

السموووووووحه ...

**دمعةoo7** · 2007-05-21, 13:38

سمعت عنها بس احس الولاده الطبيعيه احسن وكل ما حسيتي بالويع كل ما خذتي الاجر ان شاء الله
ولى شو رايكن !!!

**أم شمسان** · 2007-05-21, 13:40

انا من رااايي تربي الحرمه طبيعي شو يعني حست بالالم انا ماجربته بس عقب جم شهر بيربه ان شاءالله احسن لي اخذ لي الاجر ولا العوز عمري وااايد حريم اسمع فيهم سوها وياهم شلل باخطاء من الدكاتره وريلي لو شو ملتحيلته ماراح يرضى اني اسويها

الله يسهل عليا وعليكن يااارب

**أنستازيا** · 2007-05-21, 14:43

سمعت عنها ،، بس أحس طبيعي أحسن ،، والله يكتب لنا الأجر

**أم التوووت** · 2007-05-21, 15:00

والله ماجربتها حبيت ارد عشان ارفع الموضوع...
وبرايي الوحده تربي طبيعي من دوون ابره وااايد احسن لانه هالابره مب هينه وثاني شي الوحده تكسب الاجر على التعب... ولا كيف الوحده تحس بغلاة الياهل جان ماتعبت فيه
يعني تنزله بارد مبرد !!!!!!!!!!
الله يسهل على كل وحده ياااااارب

**غلا البدر** · 2007-05-21, 20:21

المشاركة الأصلية كتبت بواسطة فراوله

هلا اختي
انا خديت ابرة الظهر لان تعسرت بالولادة وقررت الدكتورة عملية بس لاني ماكلة تمر قالولي لازم ابرة ظهر وها بمستشفي دبي المهم بعد ما خديت الابرة حسيت بتنميل بريل طبعا بعدين ما حسيت بشئ
ودكتور التخدير واقف علي راسي يكلمني وحاطين اكسجين علي ويهي يعني اسمعهم يوم يرمسون بس ما حاسة بلألم لين ما خلصو وبدا البنج يخف حسيت ببرودة وبعدين ودوني القسم وهدا من خمس سنوات دكرتيني بلي مضى
سمعت ادا محددين من قبل عملية قيصرية يخيرونج بنوع البنج كامل اونصف اللي هو ابرة الظهر بس ولادة طبيعية ما ادري
والله يسهل لك وحدة ويرزقها الذرية الصالحة

مراحب ..
شرات إللي صارلي ..

**الكشيخه** · 2007-05-21, 20:29

انا ما جربتها و لا اعتقد اني راح اجربها ان شاء الله عشان ما اضيع اجر الولاده هذا اولا
ثانيا احيد الاخت اناناسه نزلت موضوع بهالخصوص و واااااايد كانت تمدحها

الله يقومكن بالسلامه

**لمعة الماسه** · 2007-05-22, 01:09

اناناسه ؟؟؟؟

وين خذتها في الكورنيش؟؟؟؟

يالله مري علينا يا انانايه

**نور ندى** · 2007-05-22, 14:36

الله يسهل على كل حامل ولاده طبيعيه انا ما عندي خبرة وبربي شهر 8 واتمنى يكون طبيعي

الموضوع: كل وحده جربت ابرة الظهر في مستشفى الكورنيش او الوصل *** افيدينا بلييييييييز *

أدوات الموضوع

عرض