شغالتنا والكوابيس

[نسنوسة]

السلام عليكم ورحمة الله وبركاته

انا بصراحة عندي مشكلة من اكثر من اسبوع . . طولي بعمركم يايبين شغالة بنغالية من شهر تقريباً وهيه مشتغلة قبل عند كذا بيت وبيتنا تقريباً 3 بيت تشتغل فيه

المهم من اسبوع وشيء يومياً احلم بالشغالة . . وكله احلم انها تضارب وياي مع اني مااتضارب وياها بالواقع . . وانا بصراحة وايد افكر بالموضوع وخاصة امس حلمت حلم غير يعني يخوف وايد وماقدرت اتذكره بس المهم كان عن الشغالة

وهيه بالطبيعة دايماً تدخل بحياتي الشخصية يعني اذا بشتري شيء تيلس ترز ويها تبا تعرف شو هذا و اذا بطلع مكان تيلس تسوي وياي تحقيق وين بتروحين ومع منو و و وو حتى امي بعمرها ماحققت وياي

واذا كنت في المطبخ اطبخ تيلس فوق راسي بس تيلس اطالع ومن كم يوم يت اتنظف الحجرة وانا كلمتها قلت لها شلي الزولية عشان تغسلين السيراميك قلت لها باسلوب عادي لاني معصبة ولا شيء هيه عصبت وايد بس بدون ماتتكلم لما تنظف ماتيلس الاغراض بالهداوة تفرهم بقوة حتى ملة المكسرات كانت شوي وبتنكسر وانا عاد خفت اكلمها لاني كنت بروحي وخفت تسوي فيني شيء لانه بصراحة مااأمن بالشغالات

انتوا الحين شو تشورون علي مع اني ادري لو كلمت الوالد بيرفض يردها لانه مول مايرضى على الشغالات وكله يعصب اذا بنتكلم معاه بموضوع يخص الشغالات

انا قبل ماارقد اصلي ركعتين واقرى اذكار النوم يومياً ومع هذا كل احلامي عنها وانش فزعانة

اختي تقول يمكن الشغالة بتسوي لج شيء عشان جيه كله تحلمين احلام تخوف عنها

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر