كيف انظف الغبااار ..

[مبدعة النت]

السلام عليكم .. بغيت استفسر عن طريقة انظف فيها الغبار من غير ما أترك اثر ..

أنا أثاث بيتي كله البني المحروق ..

والغبرة تبين فيه وايد .. انظف بفوطه مبلولة ماي خفيف ..

وامشي ع الطاولات والمكتبات وووو بس اشوف اثر الفوطة واثر الغبرة خفيفة موجودة ..

شو الحل .. وكيف انظفها من غير ما يكون في أي أثر ؟؟

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

[شـوق الامارات]

كرهت الغبره خاصه هالفتره تووووووو متش بصراحه

ماشي غير تغطينها اذا كانت غرفه ضيوف

بس اذا كل يوم تستخدميها .........نشوف اراء الخبيرات

[سحابة الليل]

يا اختي مافي حل مادام الغبرة موجزودة والله انا انظفها بعد نص ساعة الاقي كانك يا زيد ما غزيت وخصوصا ان العمارية يلي احنا فيها الدرايش تفوت غبرة كثير

مادام الغبرةة موجودة مافي حل

[Mįşš●Ċlaśŝįč]

المكان الغير مستخدم غطيه
انا مغطية مجلس الرياييل والصالة اللي تحت بشراشف بيضة
بس ندش اشيلها
علشان جذ انا بحاول ماآخذ شئ نفس لون البني المحروق
بلاقي ان شاء الله
بغير ستايل الصالة بالكامل

[اللآلئ]

هييييييييييه حتى انا اعااني
بني محرووق و الرفووف السودا الي من حول الامارات
بس قريت امس موضوع فها القسم ان نحط شويه كريممال الايد عالفوطه اللي انظف فيها ..
اليوم مثيت و ما جربت الطريقه ..

[فتاة البحر]

هيه فديتج

حطي كريم ونظفي الطاوله =) ,

الكريم يشكل طبقه نوعا ما عازله + لو يا الغبار بيطيح فالشويتين الكريم اللي ع السطح,

جربي وخبريينا =) ,

[جوري2007]

استغفر الله...
من الغبره هالايام... ماشي فايده ..انظف وامسح.. واخر شي .. البيت مثل ما هو مغبر...
خصوصا هالاسبوع ووووووايد الجو مغبر..\الله يعين..

[السدره]

خمي الكنب بالمكنسه الكهربائية وتحت الكنب
وبعدين امسحيها بالفوطه .

[ياقوتةخضرا]

في حل :
امسكي بإيدج ريشه أو قطعة خفيفة ما فيها وبر (مثل غترة جديمة مثلا) ومشي الغبار أول

وعلى طول تكون في ايدج الثانية اسفنجة من Vielda الألمانية (اللي تجي عريضة ورقيقة يعني ما فيها سماكة)
وتكون مبلولة بالماي ومعصورة وعلى طول تمسحين

ما بتلقين اثر للغبار أبدا

[uae13122]

[احب العطور]

بنات لاتستخدمون الماي بتنظيف الخشب ترا يعدمه ويبهت لونه
اول شي لازم تمشين على الاثاث بقطعة قماش ناشفة حتى يروح التراب ويسهل التنظيف بعدين تمسحيه بملمع الخشب وشوفي اللمعة تجنن خاصة للخشب اللي لونه غامق

[ام سالم]

بنات لاتستخدمون الماي بتنظيف الخشب ترا يعدمه ويبهت لونه

معلومه سليمه وخصوصا ماي وصابون يعني خلااااااااااااااااص روح الخشب

حطي في سائل التنظيف اشوي زيت الطبخ اي زيت ما تفرق

او ماي واشوي زيت وشوفي النتيجه المبهره

[غزالة حلووه]

في ملمع للأثاث يمنع تشكل الغبار عليه .. واااايد زييييين .. انا آخذه من كارفووور

[ايفوريا]

يس يس
ماشي احسن عن ملمع الخشب
روووووعه

[ام_ابراهيم]

انا بعد اثاثي مثل لون اثاثج
الله يسلمج استخدم الي ينظفون به الجامات واااااايد اوكي^^
ارش رشه عالكبت وعقب امشي به وامسحه واتاكد من كل تنظيفه اغسل الفوطه لان الغبار يتيمع ويوصخا وهو الي يترك الاثر ..واليوم الثاني بس بالريشه ما انظفه نفس الطريقه ..
ومن اشوف بين الغبرة الي لازم امسح اكرر الطريقه
^
اتمنى افدتج غناتي