ريلي سيارته كحيانة

[كرافت عسل]

السلام عليكم

ادري بتقولون سالفتي وايد سخيفة وبتقولون انتي همج المظاهر , بس ابا اصارحكم وافضفضلكم

بنات انا مالجة ومليجي سيارته كحياانة من الخاطر انا وااايد انصدمت يوم شفت سيارته يتني حالة اكتئاب نفسي , مع انه هم ناس عندهم خير ماشاء الله ووظيفته واايد زينه ومعاااشه عالي يقدر يشتري فيهم 5 سيايير مرسيدس , ماعرف شو هذا طبع البخل اللي فيه انا مب قصدي مظاهر بس عالاقل الواحد يهتم في عمره شوي دام انه عنده خير يا بنات السيارة كحيانة من الخاطر جيمتها يمكن خمسين الف درهم او اقل ,,, انا كيف اطلع وياه في هالسيارة ااااااااخ يا بنات احباط نفسي اصلا انا غصب موافقة عليه ومابا وفوق هذا سيارته مال الشياب ,,,, حتى احس طريقة لبسه مثل الشياب هو عمره 36 اذا من الحين جي عيل بعدين كيف بيكون اخ يابنات والله اني البارحة صحت واحسه وااايد بااارد موول مافيه مشاعر اطرشه له مسج مايرد ويوم اطرشله مسج اقول شكلك واايد مشغوول عشان جي ماترد , يرد عليه بمسج وبكل برووود سامحيني مشغول شوي وتصبحين على خير بكل برووووووود انا ما احب جي خلاص احس عمري في دوامه , وسيارته انا كيف انا وياه في هالسيارة وانا اصلا اللي بنت بس ما اتخيل عمري اخذ سيارة نفس سيارته | كحياانة من الخاطر احسه نفس الشياب ممل ساعدوني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Reem dxb]

أختي
أهم شي الريال يكون زين و خلوق و يخاف ربه و السيارة إذا ما غيرها ها السنه بيغيرها السنه الجاية.
ويمكن يكون اختبار منه لقناعاتك فلا تسوين شي تندمين عليه عقب
موفقة بإذن الله

[حنين البدر]

الله يعينج... أختي ليش ما ترمسينه في هالخصوص ...يمكن هو ناوي يغيرها بعد فترة..

[أم الخليفي]

يحليله يمكن مقتصد الريال ...


اذا متضايقة وايد من الموضوع كلميه فيه ..قوليله انته واحد بمستواك وهيبتك كيف يطلع في مثل هالسيارة جدام ربعه ...


أما مسالة اللبس فممكن تغيرينه بعد الزواج عادي ...

[وردة الجاردينيا]

لا تعليق

[* ام خماس *]

حبوبة اغلب الشبااب جيه قبل الزوااج

اناا اشوف انه ماا يحب المضااهر00وعملي وجااد وشخصيه الانساان تتغير

مع الزمن 00
الله يتمم لج ع خير ويسعدج الغاليه

[ميعاد الحمادي]

دام مايغازل و ماعنده سوالف و خراابيط..قولي الحمدلله .. بس لو فيه طبع البخل .. تحملي و انصحيييه بطريقه حلوة..
لأنج باجر بتتعبين ويااه.. و صلي استخاارة بعد .. مادري اذا كنتي مصلية قبل لا تاخذينة ,,
و اذا مصلية و مستخيرة ,, اتريي عليه يمكن ايمع للعرس مسكييين ترا في شباب جييي ..
ويمكن يتغير مع لاايام ماتعرفين شو بصير في الغيب..

[كيوت ومن]

رمسي بخصوص سياره قولي له دام بنبدى حياه يديده خلنا ناخذ لنا سياره يديده
وعن ملابسه بعد العرس انتي علميه يكشخ *_*

[ام رشوودي]

بيدج يروم يتغير

[بسكووته]

ترومين تغيرينه شوي شوي


و الله يتمم لج على خير ^^

[بدر البدو]

وحليلج والله غمظتيني
اقول خليه فحاله وشوي شوي عطيه نغزات حلوة عسب ما يزعل
مو مرة وحدة اتفاتحينه بالموضوع
ولا يمكن ناوييي يسويلج مفاجأة مايندرى بعد

[نيازي]

والله انا اجوف ان اي سياره عادي مايهم اهم شي انها توصلني للمكان اللي ابا وبس

انا ريلي ماخذ مرسيدس بس حج الخجه والمناظر لا ودين بعد وهو حالته الماديه مب لهناك واول مافكر يشتريها عارظته وزعلت ليش الدين دام عندنا سياره تودينا وتييبنا بس ركب راسه واشتراها ومرات طوف علينا شهور مانشتري أشياء فخاطري واللا خاطر عيالي والسبب القرض اللا مايبقى لنا من الراتب غير مصروف البيت

احمدي ربج عالنعمه والمظاهر لاتودي ولاتييب

[الملكـة]

الغالية ما احس انه في موضوع اصلاً ..

هالاشياء بسيطة بعد الزواج ممكن تناقشينه فيها بس الحين احسها بتكون قوية بحقه ..

وحبيبتي انا يوم عرست ريلي كان عنده استيشن ..

تدري بشو كان يوصلني بيت اهلي بالبيكاب مال اهله حق الهوش والبوش .. وتخيلي وانا حامل بعد ..

بس كل شي بالتفاهم .. وانا خبروني عنه قبل العرس انه ما يتكشخ ومبهدل بعمره وغير السيارة اللي ما يسوقها غير برا منطقتنا مع انه عنده خير والحمد لله ..

بس مع المعاشرة والكلمة الطيبة تغير ..

الحين ريلي يلبس لبس حشيم جدام الناس ويحب يتكشخ وما يرضى يوصلني الا بسيارة زينة .. اهم شي مب بالبيكاب ^^

ولا تستعجلي الامور وتركزي على توافه الامور لان بعد الزواج في اشياء اهم جي راح تتضايقين منها وبدورين لها حل ..

لا تخلي سبب تافه يوقف بينج وبين ريلج ..

ودام عنده خير يمكن موفرنه لشي اهم من السيارة .. الشباب نظرتهم مب مثلنا نحن البنات ..

والله يوفقج في حياتج وعقبال ما نسمع خير عرسج ..

[بهلولة]

حبيبتي الصياح ما بيفيدج
ارمسي وانصحي وحاولي وياه بالحسنى
والله يسخركم لبعض

[فتاة حالمة]

اعرف عائلة .. رب البيت راتبه مية الف وسيارته كحيانة وتم على هالحال لسنوات
الريال تم يدخر .. الحين شوفيهم ساكنين قصر مب فلة .. وسيارة محترمة
كل هذا بدون ديون وسلف ..