بيت يديد

**Um.Khalid** · 2010-04-12, 08:30

صبحكم الله بالخير ...

خواتي بغيت مساعدتكم في موضوع وايد مهم ، عقب كم شهر إن شاء الله بنتحول بيتنا اليديد ومحتاجة مساعدتكم واااااااااااااااااااااااااايد بخصوص اغراض المطبخ الأساسية اللي لازم اشتريها في البداية يعني كم جدر وشو احجامهم وكم طقم صحون وملال ...... ألخ ، وكيف بديتي بترتيب أغراض البيت لأني احس بعمري متشتته ومخي مقفل *_^
وشئ ثاني بعد مهم كيف بديتي تفهمين الخدامة شغل البيت (هي عندي من زمان) بس تعرفون بيت يديد غير عن ملحق.....
اتمنى كل وحدة بدت حياة يديدة في بيتها تكتب تجربتها عشان الكل يستفيد من الموضوع لأنه واااااااااااايد مهم بالذات للي ساكنين عن اهل ريايلهم (زي حلاتي ^_^)

اترياكم بفارغ الصبر لأن الموضوع شاغل تفكيري واللي ما عندها خبرة وما تعرف ترفع لي الموضوع بدعوة حلوة *_*

المزيد من آخر المواضيع من نفس القسم:

**سيدة الوروود** · 2010-04-12, 09:58

صباحج ورد

ان شاء الله البنات بيفيدونج.. وألف مبرووووووووووووووك مقدما ع البيت... سكن العافيه ان شاءالله

وعقبالي

**%دانه %** · 2010-04-12, 10:09

بالتوفيق الغاليه وبيت العمر ان شاء الله
وعقبالي ان شاء الله

**alfatami** · 2010-04-12, 10:21

بالتوفيق الغاليه وبيت العمر ان شاء الله

**بيت البسكويت** · 2010-04-12, 11:47

خساره مفرمته جهازي من كم يوم وبعته وشريت يديد

كان شي موضوع بالصور وحدة حاطتنه ان شا ءالله بتشوف موضوعج هذا وبتفيدج حبيت ارفع الموضوع بس شعووور واايد حلو

**Um.Khalid** · 2010-04-12, 12:06

يزاكم الله خير ....

**Mįşš●Ċlaśŝįč** · 2010-04-12, 15:22

امممم..
الله يعينج لآن البيت كبير وايد يباله عبالة
انا بيتي كبير واول ما سكننا صدق صدق تعبت من الخاطر
الحوش شكبره والاثاث والغرف وايد كبيرة
بس الحمد لله اني قدرت اسيطر
شوفي حبيبتي
الطابق اللي فوق خلي له اغراض خاصة بالتنظيف واللي تحت نفس الشئ والمطبخ بروحه
يعني رتبي البيت وطريقة التنظيف بحيث كل مكان تنظيفه عميق يحتاج ادوات خاصة لا تخليطن بتتعبين
شغالتي توها يديدة هذا الاسبوع الثالث لها
والله علمتها صدق من الخاطر وسويت لها جدول ولله الحمد والشكر ماشيين عليه وخف ترتيب البيت شوي
مب كل يوم تنظيف
الغرفة النظيف خليها خلاص
فيها غبار خليها تخم وتمسح..اشتري لها معقمات نفس الديتول ومنظفات بوريحة بكل مكان بتحصلينها
بالنسبة للمطبخ: يعتمد عليج شكثر تطبخين وكيف حجم القدور على حجم العائلة..يعني انا ما شاء الله مطبخي وايد كبير وحلوووووووووووو..انصحج تحطين تلفزيون صغير عسب لما تطبخين تستمتعين وما تملين
انا مطبخي جنه صالة والله من حلاته..حتى شغالتي اليديدة تقولي مطبخج روعةعندي دولابين كاملين اغراض يديدة بس كل شئ فيها والباقي استعمله ومقسمة مكان للكيك ومكان للطبخ اليوم ومكان لصحون الضيوف ..من الحين فكري وجمعي افكار..وتأكدي باذن الله كل شئ بيترتب

وايد احب سوالف وترتيب البيت
انا الحين مسوية بالحوش طاولة وكراسي لمجموعةوشمسية
وحطيت ازهار وزرع وبس يخلص ولدي من الروضة الاسبوع الياي مسوية لهم جدول ترفيهي ..شاريه لهم اغراض روعة من كل مكان يلعبون بالحوش وانا والشغالة بنسوي لهم سويت او اي شئ..ياكلونه وممكن تزقرين اهلج او اهل ريلج..
خلي الحوش عندج حلو ومغري ..يعني ممكن تيلسين برى بعد مب كله داخل
انا ما اعرف انتي عندج ملحق مثلي والا لا؟!!
يعني يعتمد اشرحي اكثر كيف شكل البيت
وعيالج اكيد..رتبي وقتج معاهم عسب تقدرون تشتغلون

**Um.Khalid** · 2010-04-13, 07:59

يزاج الله خير يــا Miss Classic عالشرح الحلو ...

ما عندي ملحق حالياً بس مطبخ داخلي متوسط االحجم مب وايد كبير ، وبالنسبة للحديقة بدينا فيها من ألحين عشان يوم نتحول يكون البيت فيه حياة بالزرع ورتبنا الحديقة وين بتكون اليلسه والورود نبتوا ما شاء الله وحطينا بلان لنافورة صغيرونة تحلي الحوش...

مشكورة وما قصرتي ... واتمنى الإفادة من الحلوات الباقيات

**Mute** · 2010-04-13, 12:16

Mįşš●Ċlaśŝįč
صــورينا لج مطبخ .. خـــاطري اشـــوفه

**kind_heart** · 2010-04-13, 17:22

الله يعينج ياختي
انا بعدمثل حالتج ..
والله اختي
Mįşš●Ċlaśŝįč
شوقتيني خاطري اجوف مطبخج
اتمنى البنات يفيدون ..

**ضي دبي** · 2010-04-14, 04:05

خذي ادوات المطبخ من هوم سنتر واذا من دبي في ادوات حلوه في مركز القبائل

وعساه بيتن عامر وعقبالي

**Um.Khalid** · 2010-04-14, 07:58

آآآآآآآآآآمين خواتي ... واللي بعدها اللي يرزقها ببيت واللي في بيتها الله يطرح البركة والسعادة فيه يارب

للــــــــــــــــــــــــــرفع

**~متميزة~** · 2010-04-14, 12:19

ما شاء الله
انا ما سكنت بعدنى
لكن صدق كومت مواعين بس باقلي اشياء ناقصه

بسألكم صوانى الدلال الكاشخه ومال الفنايين معروضات هنيه بالمنتدى لكن غاليات وايد
وين اقدر القاهم في اسواق الشارجه ودبي؟؟

**Um.Khalid** · 2010-04-14, 13:01

عساه بيت عامر

في دبي عن محل سان ماركو والشارجة عندج بروبحر والبرج "سوق البحر"

**روح الياس** · 2010-04-14, 16:29

الله يوفقج ان شاء الله ويسر امرج...

قعدي روووحج وسوي لج جدول وجوووفي كم غرفه عندج وكل غرفه شووومحتاجلهااا...

كم حمام وكل حمام شو محتاجه له ..

صاله .....

ميلس.....

الحووش.....

اما المطبخ اقعدي ع رواااء وخلي له وقت برووحه.((دخلي مطبخ بيت اهلج..)) خذي فكره...
وبالنسبه للجدور ..في طقم تيفال (((اييج كاامل تقريباا)))عده من جدوور وتااوات وملاعق طبخ...
جوفيه ان شاء الله يعيبج.. وخذيلج طقميين واحد من البلاستك الثجيل ماعرف ش يسمونه هذا خليه لكم انتو تستخدمونه ف البيت استخدام يومي ...
وطقم ثاني زجااج حق الضيوووف....
دلال ...فناااييين ...اكواب شاي ((حليب\احمر))
بس لاتكثرين ...لان اكيد بتسوين عزيمه عقب ماتسكنين ...(((بتوووصلج وااايد من ادوااات المطبخ))

وبس هذا اللي ف بالي الحين ...

وبتنحل امووورج ان شااااء الله ..

الموضوع: بيت يديد

أدوات الموضوع

عرض

العرض المتطور

بيت يديد

المزيد من آخر المواضيع من نفس القسم:

المواضيع المتشابهه

تجمع قـــروب يديد لعاااام يديد للوصول الوزن المثالي.. 10 كيلو فقط^^

يديد × يديد : مكاين الجباي ( 6 +4 اقسام ) + مكينة محلى زايد ( مع الوصفات )

يديد ......يديد...يديد .....شباصات دلع ....لا يفوتكم تعالو وشوفو....

اللي ماتعرف اتحط الشدو بتصير خبيرة بالاستيكرات يديد يديد